Yʉanes 2:11 - Kálara Zyɛ̌m Edwán é mpʉ̌n

¹¹ Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Kálar Nzyɛ̌m : Ejwán é Sáá

¹¹ Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Yʉanes 2:11 ပူးပေါင်းရင်းမြစ်များ

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Yʉanes 6:2

Buobuo bʉr, bé a be ó lé edu nye, ebe, bé a be ó lé ebee bɨdweʼle bɨ nkul we nye a sa-sa lé etiʼ mɨsyoblʉ ɨ.

Yʉanes 6:30

Bé e nye ó: «Yé be no nɛʼɛ, yáa dweʼle nkul go ndɨ si pa lɛʼle bɨh, ó bɨh beŋɨ, bɨh nkʉʼ jyɛʼ taa buʼo yih boo go ɛ? Yé go ndɨ si pa sa ɛ?

Yʉanes 6:26

Nye ze bɨha e be ó: «Me elɛɛ bɨn cyecye ó nɛɛ: bɨn bé esaa me ó, ebe, bɨn bé a si de bler, díle. Bɨn bé asaa me ebe bɨdweʼle bɨ nkul wam bɨn bé a bee e.

Yʉanes 6:14

Ebe no, é jɔʼ bʉr, bé a bee dweʼle nkul Yesʉs a sa ɛ, bé ntɔʼ lɛɔ ó: «E! Mʉr nwa, nye ó bana kʉ be ngwiha mɨlɔb cyecye, waa a jala le eze kaʼ é si nwaʼ ɛ!»

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Yʉanes 14:13

Me óntɨh bɨn sa yiyɛh bɨn bé ódî le ejaʼ Sɔŋ wam, pere e die lam ɨ. É mbi waa ó bʉr, bé ógumlo Zyɛm Sɔŋ ebe Mwan mo Zyɛm ɨ.

Yʉanes 12:41

Ezayi a lwib no ó, é jɔʼ nye a bee moncɛnba mo Lœma mulo mo Zyɛm ɨ. No ó nye a lwib-lwib é lɔb we e.

Yʉanes 12:37

Dam be ó Yesʉs a si bul sa bɨdweʼle bɨ nkul we é mih mɔɔ, oYʉden, bé a baajyɛʼ taa buʼo yɔɔ boo nye.

Yʉanes 2:23

É jɔʼ yiyɛh ebʉʼ e Paska laa, lé a bwalɔ-bwalɔ ɛ, Yesʉs a be ó ɨ Yerʉsalɛm. Buobuo bʉr ze jyɛʼɔ taa buʼo yɔɔ boo nye ebe bɨdweʼle bɨ nkul we bé a bee e.

Yʉanes 1:50

Yesʉs ze dî e nye ó: «Zê go lé ejyɛʼ taa buʼo yo boo me ó, ebe, me be si lɛɛ e go ó, me si bee go é bene yʉʉ lɨ figye ɛ? Go óbâʼle bee bɨsa bɨnɨnɨ, laa yinɨ!»

1 Yʉanes 5:13

Mɨlɔb me lé etile bɨn mɨnɨ, me etile mye ó, bɨn bʉr o ndɨ ejyɛʼ taa buʼo yɔɔ boo Mwan mo Zyɛm ɨ. Me etile bɨn ó, bɨn gʉŋa ó, bɨn mu ó si bi tiʼ molu mo mpoʼ mɨmɛh.

Yʉanes 4:46

Pie tɨ, Yesʉs ze to Kana, nkana Galɨle, nko nye a liŋ modibe monwoʼ mo rezɛŋ ɨ. Yé a be ɨ Kapernaʉm ó, e nuu sabene. Mwan we ó b'a be lé esyɛb.

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

2 Korɛnt 3:18

No ó, egor laa, lɨ pʉʼa é mompom ga mɨna. Ebe no ó bɨna ga mu lé ekʉ bee ga moncɛnba mo Da Yesʉs é sʉlʉlʉ ɨ, moncɛnba mo tɨʼ lé ekʉ pan nteme, duho é bɨna ga. Bɨna mu ó lé edwirɔ ga é l'efu ó, bɨna nkʉʼ gʉa nwɨɨla ga e nye, ndwe le elɛʼle bʉr kum we. Da ó lé edwir bɨna ga no, nyɛɛ waa bɨna lé ejebe ga ó, Mbɨambɨa Sisim ɨ.

Yʉanes 11:15

Me ekʉ soho e bɨn, ebe, bɨna bé a baabe ga gʉ. Ebe no ó bɨn bé ógʉa jyɛʼ taa buʼo yin boo me e. Ncʉʼ ga, bɨna to ga nko nye ndɨ ɨ.»

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Yʉanes 1:43

É mɛn tɨ, Yesʉs ze tiʼe é leme we ó, nye ejala le eto é lal Galɨle. Nye ze bee Filip. Nye e nye ó: «Duʼo me.»

Yʉanes 2:1

Molu molɛl, mé osi laa nɛʼɛ, zɔɔ eba ze bwalɔ ɨ kwar Kana é lal Galɨle. Nyɔŋ mo Yesʉs a be ó tɨ.

Yʉanes 4:3

Ebe no, é jɔʼ Yesʉs a joʼo no e, nye ntɔʼ mʉa é lal Yʉda, lé ebâʼle to lal Galɨle.

Yʉanes 4:54

Lɨha, lé a be ó dweʼle nkul mba Yesʉs a sa pie jɔʼ nye a duho lal Yʉda, to di Galɨle e.

Yʉanes 7:31

É ntuntuma bʉr nɨ, buobuo bʉr, bé a be ó si jyɛʼ taa buʼo yɔɔ boo nye. Bé ó: «É jɔʼ Lœma mulo mo Zyɛm óze e, zê nye óbe ó e nkul elaa mʉr nwaʼ lé esa bɨdweʼle bɨ nkul we ɛ?»

Yʉanes 9:16

Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.

Yʉanes 10:41

Buobuo bʉr ze to kœb nye gʉ. Bé ó: «Yʉanes a be ó, asa dweʼle nkul we gwar. Sa gwar, sa yiyɛh nye a lɛɛ-lɛɛ, tiibe e mʉr nwaʼ ɛ, yé ó bana kʉ be cyecye.»

Yʉanes 11:47

OFarizyɛŋ bé e l'ojwɨɨ be opara ze gwɨhla é Bʉm Nɨnɨ yɔɔ. Bé ó: «Bɨna bé ósa ga nyá ɛ? Ebe, mʉr nɨ, nyi bul sa bɨdweʼle bɨ nkul we.

Yʉanes 12:18

Ebe no ó mpampaʼ bʉr, bé a si mʉa ɨ Yerʉsalɛm, to bɔma e nye é Betani ɨ, ebe, bé a si joʼo tɔɔlʉ lé etiibe e dweʼle nkul nye a sa ɛ.

Yʉanes 16:27

ebe, Sɔŋ wam nye mʉr tɨ, nye ekpɛl bɨn. Nye ekpɛl bɨn ó, ebe, bɨn bɨ kpɛl me. Bɨn bɨ buʼla nteme ó, me a duho ó nye ye.

Yʉanes 16:30

Banana, bɨh bɨ gʉa ó, gɨ gʉa sa yiyɛh, ndwe nteme, yé ajɨ ó, mʉr dîʼe go tia. Ebe no ó bɨh lé ebuʼla ó, go a kʉ duho ó boo Zyɛm ɨ.»