Yʉanes 19:4 - Kálara Zyɛ̌m Edwán é mpʉ̌n

⁴ Pilat ze bâʼle pyal kʉl. Nye e ntuntuma bʉr ó: «Joʼla ga: me ze bɨn e mʉr nwaʼ kaʼ kʉl ó, bɨn gʉŋa ó, me abee sa ebebe nye pa kʉ sa ó, nye dweŋɔ mobe mo jala e l'efie e.»

Kálar Nzyɛ̌m : Ejwán é Sáá

⁴ Pilátos nzě báʼǎ tô kʉ̌l. Nye le entumo e bʉ̂r ó: «Jóʼláá gâ: mě nzé bɨ́n e mʉr nyâʼ kâʼ kʉ̌l ó, bɨ̌n gʉ́ŋaa ó, mɛm, mé abee ó, nyě e mebě ó, nye ɨ́ jala le edwe.»

Yʉanes 19:4 ပူးပေါင်းရင်းမြစ်များ

Yʉanes 19:6

Jɨh tɨʼ ojwɨɨ be opara ndwe e bɨpulʉm byɔɔ, bé a bee nye, bé ze lwib lé eyɨm twii ó: «Cyèlɨ nye é klos kʉ. Cyèlɨ nye é klos kʉ.» Pilat, nye e be ó: «Nʉŋa ga be nye, bɨn bʉr o tɨ. Toʼ, to bomlo ga nye é klos, ebe, me abee sa ebebe nye pa kʉ sa ó, nye dweŋɔ mobe mo jala e l'efie e.»

Yʉanes 18:38

Pilat ze dî e nye ó: «Ocyecye wɛɛ, wé yé?» Mpʉ Pilat a sil lwib no e, nye ze bâʼle pyal kʉl, to nko oYʉden, bé a be e. Nye ó: «É bɨpura bin, me abee sa ebebe nye pa kʉ sa ó, nye dweŋɔ mobe mo jala e l'efie e.

Lʉkas 23:4

É mokan maa, Pilat ntɔʼ lɛɛ ojwɨɨ be opara bé e ntuntuma bʉr yaa ó: «Mɨ pahle mʉr nwa, abee ó, nye egʉa lɔb ngwar é bɨsa bɨn lé epur nye e tɨʼ ɨ.»

Lʉkas 23:47

Njwɨɨ nter bɨzima a be tɨʼ ɨ, mbea nye a bee sa yiyɛh yé a syɛɛlɨ ɨ, nye ntɔʼ dwe Zyɛm kum. Nye ó: «Mʉr nwaʼ a bana kʉ be ó cɨcyel mʉr!»

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

1 Pyɛr 2:22

«Nye a baasa syem. Nʉm we, wé a baapyɛl bɨlwib bɨkʉʉŋʉ.»

1 Pyɛr 1:19

Bɨn bé a dwihɔ é mozi maa ó, ebe motié mo Yesʉs-Krɨst, ndwɛa ndɨ é buo dime e. Yesʉs-Krɨst a be ó mpʉ ma ntœme ndɨ abe e sa ebebe bé a ngbaa nwahle nye e tɨ, nkʉ e l'ebar.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Lʉkas 23:41

Bɨna ó ndɨ ejala e mbi tuu wi, ebe, bɨna ó b'a sa bɨsyɛɛla ndɨ é bul bebe e. Nyɛɛ a baasa syɛɛla ebebe gwar.»

Mataos 27:54

Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

Mataos 27:24

Mpʉ Pilat a bee ó, bé a baakpɛl joʼo nye e, ndwe nteme ó, ntuntuma bʉr, yé amu jaa sa bɨntʉ ɨ, no ó nye a ze nʉa modibe, ze jwɨ̀ɨ mobo me é mih mo ntuntuma bʉr yaa. Nye ó: «É paʼ efie mo mʉr nwa, me ó mʉr ndɨ agʉa lɔb ɨ! Lɔb win ó nɨ!»

Mataos 27:19

É jɔʼ nye a be, nye dina lé elwib lɔb waa é dia tiʼà mɨlɔb ɨ, myɛl ntɔʼ lomlo nye twii ó: «Atœb lɔb wi, ebe, me be ó si bul sia e bɨlima muh é pum wiʼ é lʉ mo cɨcyel mʉr nɨ.»

Mataos 27:4

Nye ó: «Mɨ sa syem, ebe, me si kɛha mʉr nyoonkan a baakunbo e mpɨŋ ɨ!» No ó bé a ze bɨha e nye ó: «A bɨh bɛɛ, bé e wáa lɔb tɨ? Lɔb go ó nɨ!»

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Yʉanes 18:33

Pilat ze bula ni é mpah a be é bii ye e. Nye ze jebe Yesʉs, dî e nye ó: «Zê go ó ndɨ njwɨɨbʉr oYʉden ɛ?»