Yʉanes 19:34 - Kálara Zyɛ̌m Edwán é mpʉ̌n

³⁴ Dam be no, yʉʉ zima, yé a si kar nye ekʉa é bɨmpah. Mbah motié ndwe e modibe ntɔʼ sah.

Kálar Nzyɛ̌m : Ejwán é Sáá

³⁴ Damá jóʼo nó, yʉ́ʉ́ sója, yé á si lúmo nye ekʉá ɨ́ bimpah. Tólɔ́m métié ndu e medíbé ntɔ̂ʼ sâh.

Yʉanes 19:34 ပူးပေါင်းရင်းမြစ်များ

1 Yʉanes 5:6

Yesʉs-Krɨst, nye ó mʉr a nʉa ndubo é modibe, pie tɨ ntɔʼ pyɛl motié me é klos ɨ. Nye a baaze nʉa ndubo njɨ é modibe. Zea we, wé a be ó lé enʉa ndubo é modibe ndwe le epyɛl motié me. Mbɨambɨa Sisim, nye ó lé eboʼlo no é lɔb ndubo we. Nye eboʼlo no ó, ebe, nye e l'ocyecye.

1 Yʉanes 5:8

Mbɨambɨa Sisim, ndubo modibe, ndwe e ndubo motié. Oboʼla olɛl onɨ, bé ó twii.

Mɨngwiha 7:14

Me e nye ó: «Da, gwɔɔ ó lé egʉa.» No ó nye a lɛɛ me ó: «Bʉr ba, bé ó baa b'a sia e ntɨʼa nɨnɨ pihe e. Bɨ sohlo bɨdur byɔɔ e motié mo Ma Ntœme. Ebe no ó mɨkan myɔɔ ndɨ é puum ɨ.

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Ebrœ̂ 9:22

Motie Zyɛm a tiile e, mé elɛɛ ó, opara, bé puba kunokuno e bɨsa bibyɛh e motié mo otir. Cye yiyɛh motié l'apa swɨɨ si ɨ, Zyɛm, nye apa pɛʼ mʉr bɨbaa bɨ ebebe nye a niʼe nye e.

Ebrœ̂ 9:13

É mpʉ ontɔɔ o motie, bé lé elœʼ bé bʉr o tɨʼ é mih mo Zyɛm ɨ, bé lé eka pubɔ é nko paʼ monyʉl mɔɔ ó, e motié bɨntɛɛ ndwe e maa bɨtab, le mofii mo ma myɛl ntɛɛ. Sa opara onɨ, bé a koʼo e, yé a be ó epubo be monyʉl e motié maa.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Mataos 27:62

É mɛn tɨ, wé a be ó moho bé a komlo-komlo bɨsa bɨ moho saba ɛ. Ojwɨɨ be opara bé e l'oFarizyɛŋ ze to beɔ Pilat.

Mɨlʉmlʉ 22:16

No ó, banana, yé go lé eka bâʼle bono e? Mʉŋa si. Nʉŋa ndubo. Go à puba é nko paʼ mɨsyem myo, lé ejebe die le.”»

Yʉanes 19:33

Ngbaa le eka be, bé mu si pyal é Yesʉs nɛʼɛ, bé ntɔʼ kœb ó, nye osi bɛa dwè. Ebe no ó bé a baaka buʼo nye modʉ̀ ɨ.

Yʉanes 20:20

Jɔʼ nye a sil lɛɛ be no e, nye ze lɛʼle be mokœh me ndwe e bɨmpah bye. Ompʉn be ntɔʼ ze soho lé ebee Da Yesʉs.