Yʉanes 18:8 - Kálara Zyɛ̌m Edwán é mpʉ̌n

⁸ Yesʉs, nye e be ó: «Me si bɛa lɛɛ e bɨn ó, me ó nwa. Yé be ó, me ó waa bɨn lé esaa nɛʼɛ, birɨ ga be bʉr ba, bé toʼ.»

Kálar Nzyɛ̌m : Ejwán é Sáá

⁸ Yésʉs, nye e bé ó: «Me sí boó lɛ́ɛ bɨ́n ó, me ó nyâ. Yé bé me ó bɨ́n dí esáa nyá nó, bírɨ́ɨ́ gá baá bâ, bé tôʼ!»

Yʉanes 18:8 ပူးပေါင်းရင်းမြစ်များ

1 Pyɛr 5:7

Filɨ ga bɨdiledile mɨmbeʼ min mimyɛh é koo we, ebe, nye ejoʼo bɨn nkʉnkoo.

Éfɛsɔs 5:25

Bɨn bʉrʉm aa! Mʉr nyiwɛh, nye kpɛlɨ myɛl mpʉ Krɨst a kpɛl Mbɛr-Zyɛm ɨ. Nye a si dwè, jala e we.

2 Korɛnt 12:9

Nye ntɔʼ bɨha ó: «Ncwɨncwɨa me lé elɛʼle go e, nye si jala go, ebe, nkul wam, nye ekʉ nyin ntinɨ e ntinɨ ó, é jɔʼ me lé eze é nkɔm mo mʉr ndɨ é cyɛʼ ɛ.» Ebe no ó me ódoʼo e l'ecyɛʼ lam, sahle e! Nkul mo Krɨst nteme, nye òdi é me.

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Yʉanes 16:32

Dwɛʼa ga: ewala, lé eze—lé mu ó si pyal—jɔʼ bɨn bé ómyɛma, mʉr nyiwɛh lé eto fol nyʉl é mbɛr we e. Bɨn bé óliʼe me me ome. Me ákwoʼ be yɛɛ me ome, ebe, bɨh e Sɔŋ wam ó ndɨ.

Yʉanes 13:36

Simɔn Pyɛr ze dî e nye ó: «Da, go óto nko?» Yesʉs ntɔʼ bɨha e nye ó: «Go abe e nkul edu me é bananaʼ nko me muno ze to e. Go ófuʼla ka du me yɛɛ.»

Yʉanes 13:1

Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.

Yʉanes 10:28

Me edwe bye tiʼ molu mo mpoʼ mɨmɛh. Byé ákwoʼ dim é nkɔb bʉr. Abe e mʉr ópɛʼ me bya é mobo.

Mataos 26:56

No ó, syɛɛla yiʼ yiyɛh, yé a syɛɛlɨ no ó, lé edira lɔɔ ogwiha o mɨlɔb bé a tile é Kalara Zyɛm ɨ.» Pie tɨ, ompʉn be bɨbɛh ntɔʼ liʼe nye, ze kpɛɔ.

Yʉanes 18:7

Yesʉs ze bâʼle dî e be ó: «Zé bɨn lé esaa ɛ?» Bé ó: «Yesʉs, mʉr Nazarɛt.»

Yʉanes 18:9

Yé a syɛɛlɨ no ó, lé edira mokan nye a bɛa lɛɛ ɛ. Mokan maa, mé a be ó: «Da, me a baadimle mʉr ngwar é sama bʉr go a ntɨh me e.»