Yʉanes 17:9 - Kálara Zyɛ̌m Edwán é mpʉ̌n

⁹ «Me ejwɨʼla e go é l'efu lɔɔ. Me ajwɨʼla é l'efu e bʉr o ndɨ egumo e si nwaʼ ɛ, njɨ é l'efu e bʉr go a ntɨh me e, ebe, bɨha, bé ó bo.

Kálar Nzyɛ̌m : Ejwán é Sáá

⁹ «Mě jɨʼlá e go ó, lɨ́ esú lɔ́ɔ́. Mé ajɨʼla lɨ́ esú é bʉ̂r ó sí yɨ̂, njɨ lɨ́ esú é bʉ̂r o gó á dwe me bá, ebě, bɨ́haá, bé ó bô.

Yʉanes 17:9 ပူးပေါင်းရင်းမြစ်များ

Ebrœ̂ 9:24

Ebe, odia mo Zyɛm ndɨ e l'ekɛn, waa bʉr, bé a fumo e, ntʉʼ odia waa Krɨst a ni ɨ. Wiha, wé a be ó zɨze dweʼle, sa lé elɛʼle mpaŋ odia mo Zyɛm ndɨ é jobo kʉ ɨ. Mpaŋ odia waa ó nye a ni. Nye mu ó lé edi tɨʼ é jobo kʉ é l'efu ga lɨna, lé ecyɛb é mih mo Zyɛm Sɔŋ.

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 17:6

«É bʉr bɨbɛh, go a si pɛh bʉʉ, ze ntɨh me ba. Me ntɔʼ ze sa ó, bé gʉŋa go. Bé a bɛa be ó, bʉr bo, go ze ntɨh me ba. Ebe no nteme ó bé a du lwib yo e.

Yʉanes 17:20

«Me ajwɨʼla é l'efu lɔɔ, bé ome. Me ejwɨʼla nteme ó, é lɔb baa bé ójyɛʼ taa buʼo yɔɔ boo me ebe lɔɔ wɔɔ ɛ.

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

Yʉanes 14:16

Me ódî Sɔŋ wam ó, nye ntɨhɨ bɨn nuu mʉr ókamle e bɨn mpʉ mo me e. Nye óze di e bɨn é jɔʼ yiyɛh.

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Lʉkas 8:34

É jɔʼ obɔʼlʉ be onkʉ, bé a bee syɛɛla yaa ɛ, bé ntɔʼ kpɛɛ, to e lɔɔ waa nkana, e mompɔ́ɔ́ e mompɔ́ɔ́ mɛh.

Lʉkas 23:34

Yesʉs ntɔʼ lɛɛ ó: «Da, pɛʼɛ be baa ebebe go niʼe be e, ebe, bé agʉa sa bé lé esa ɛ.» Bɨzima ntɔʼ kabla mɨkan mye, doŋɔ mye ebya.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 6:39

To kœb ó, mʉr a ntɨh me e, nye egwɨm ó, me l'ayi dimle mʉr ngwar é sama bʉr nye a ntɨh me e. Nye egwɨm ó, me pɛ̀hɛ be é mofoo é moho epihe, ntible-bɨkaŋa,