Yʉanes 17:8 - Kálara Zyɛ̌m Edwán é mpʉ̌n

⁸ ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Kálar Nzyɛ̌m : Ejwán é Sáá

⁸ Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 17:8 ပူးပေါင်းရင်းမြစ်များ

Yʉanes 17:14

Me a si ntɛŋ ompʉn bam lwib yo. Bʉr o si nwa, bé ze nwim be, ebe, ompʉn bam baa, bé aka be é nkɔb wɔɔ, mpʉ mɛm mʉr tɨʼ ndɨ abe é nkɔb wɔɔ ɛ.

Yʉanes 15:15

Me a taare jebe bɨn ó, osyɛl o mosa bam. No ó, me aŋa ka sa no, ebe, syɛl mosa, nye agʉa sa masa we lé esa ɛ. Me mu ó lé ejebe bɨn ó, ofo bam, ebe, mɨ gwih bɨn sa yiyɛh me a joʼo boo Sɔŋ wam ɨ.

Yʉanes 16:30

Banana, bɨh bɨ gʉa ó, gɨ gʉa sa yiyɛh, ndwe nteme, yé ajɨ ó, mʉr dîʼe go tia. Ebe no ó bɨh lé ebuʼla ó, go a kʉ duho ó boo Zyɛm ɨ.»

Yʉanes 16:27

ebe, Sɔŋ wam nye mʉr tɨ, nye ekpɛl bɨn. Nye ekpɛl bɨn ó, ebe, bɨn bɨ kpɛl me. Bɨn bɨ buʼla nteme ó, me a duho ó nye ye.

1 Tesalonika 2:13

Ebe no ó bɨh lé edwe Zyɛm ekiba é bɨjɔʼ bibyɛh ɛ, ebe, é jɔʼ bɨh bé a gwih bɨn mɨlɔb mo Zyɛm ɨ, bɨn bé a si mɛʼle mye. Bɨn bé a baamɛʼle mye mpʉ baambɛhambɛha mɨlɔɔ lé eduho é pɨʼ mo mamʉr ɨ. Bɨn bé a kʉ mɛʼle mye ó, mpʉ lɔɔ waa ndɨ ɨ: lɔɔ ndɨ eduho boo Zyɛm, waa mu lé esea é mɨleme mɨ obuʼla ɛ.

1 Yʉanes 4:14

Bɨna bɨ bee ga sa bɨna lé eto le eboʼlo ga ɛ. Mboʼla ga wina, wé ó wi: Zyɛm Sɔŋ a ntɨh Mwan we ó, nye beʼ Tiʼbʉr é l'efu e si nwaʼ nyiwɛh.

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Yʉanes 8:42

Yesʉs, nye e be ó: «Nkʉ Zyɛm a be ó be, be Sɔŋ win cyecye nɛʼɛ, mpa bɨn mu ó si kpɛl me, ebe, me a duho ó boo Zyɛm waa. No yaa ó me ndɨ wâʼ ɛ. Me a baaze kaʼ é gwɨma yam me mʉr tɨ, njɨ ebe gwɨma mo mʉr a lomo me e.

Yʉanes 14:10

Zê go abuʼla ó, me ó é zyɛŋa wih boo Sɔŋ wam ɛ? Sɔŋ wam, nye etiʼe ó, é me. Lwib me lé elwib e bɨn bɨbɛh ɛ, me alwib ye njɨ é nkul wam me mʉr tɨ. Sɔŋ wam, mʉr bɨh e nɔɔ lé edi ɨ, nye ó ndɨ eloŋlo bɨsyɛɛla bye.

Yʉanes 12:49

Nye óbe ó e mobe, ebe, me a baalwib yʉʉ sɔʼɔ e me mʉr tɨ. Sɔŋ wam, mʉr a ntɨh me e, ó b'a tiile me mɨtiila dumo e sa me lé ekʉ jala le elɛɛ bɨn ɨ.

Yʉanes 6:68

Simɔn Pyɛr, nye e nye ó: «Da, bɨh bé óka to boo zé fih? Go ó ndɨ e motɨɨ lé edwe bɨh tiʼ molu mo mpoʼ mɨmɛh ɛ.

1 Tesalonika 4:1

Ebe no, obɨɔ ga bam aa! Sa me lé eka tile bɨn é l'epihe e, yé ó nɛɛ: bɨh bé a si tɨe bɨn mpʉ bɨn lé ejala le ekœʼ ebò e cyen Zyɛm lé ekpɛl ó, bʉr kœʼœ œ. Bɨn nteme mu ó lé esa no. Dam be no, bɨh bé ejwɨʼla e bɨn, le etɨe bɨn é die mo Da Yesʉs ó, bɨn toʼ le esa no é buobuo.

1 Korɛnt 15:1

Obɨɔ ga bam aa! Me mu ó lé eze jɨm bɨtoŋla bin é nko paʼ Mbɨambɨa Lɔɔ me a tuno bɨn, waa bɨn bé a joʼo e. Wé nteme, wé ó waa ndɨ bɨn cɨma é mɨleme e.

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Yʉanes 17:18

Mɨ lomo be é si nwaʼ mpʉ go nteme a ntɨh me kaʼ é si nwaʼ ɛ.

Mataos 13:11

Nye ntɔʼ bɨha e be ó: «Bɨn ó Da a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. No ó bɛɛ, bé a baagwihɔ ye.

1 Korɛnt 11:23

Mbe ga: sikʉlʉ Da Yesʉs a dwe me e, yé ó yi. Yé ó me a ntɛŋ bɨn ɨ. Yé ó: Da Yesʉs, é pum bé a kɛha nye e, a si nʉa bler,

Yʉanes 3:33

É jɔʼ mʉr lé emɛʼle joʼo nye e, nye elɛʼle tɨʼ ó, Zyɛm ó ndɨ cyecye.

Yʉanes 3:17

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mɨngwiha 1:1

Yesʉs, Lœma mulo mo Zyɛm, a si gwih mɨfela mɨlɔb Zyɛm a gwih nye ó, nye lɛʼla osyɛl o mosa be e, ó bé gʉŋa sa ndɨ kunokuno e. Nye a gwih mye ó, lé elomlo me engles we, mɛm syɛl mosa we Yʉanes.