Yʉanes 17:5 - Kálara Zyɛ̌m Edwán é mpʉ̌n

⁵ No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Kálar Nzyɛ̌m : Ejwán é Sáá

⁵ Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Yʉanes 17:5 ပူးပေါင်းရင်းမြစ်များ

1 Pyɛr 1:20

Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

Yʉanes 10:30

Bɨh e Sɔŋ wam, bé ó sa gwar.»

Filipi 2:6

Nye a bɛa be ó, mbi tiʼ we, bé e waa mo Zyɛm Sɔŋ asiila ɛ. No ó, nye a baabee ó, cye Zyɛm ye yaa, yé a be ó sa nye a jala le emɛr é kpɨɨɨ ɨ.

Ebrœ̂ 1:10

Yé nteme, yé ó tila, tiibe e Mwan ó: «Da e! É l'etɔɔrʉ, go ó b'a cyel nkan si nwa. Jobo e l'ejyoo le ebantɛn, bibyɛh byé ó syɛɛ mobo mo.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Yʉanes 8:58

Yesʉs, nye e be ó: «Me elɛɛ bɨn cyecye ó nɛɛ: Abraham l'apa be, Me-ó-tɨ.»

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Yʉanes 3:13

Abe e mʉr ngwar ndɨ si pa bere, to pyal é jobo kʉ, pie Mwan mo Mʉr, mʉr a duho é jobo kʉ, ze kaʼ é si nwaʼ ɛ.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

1 Yʉanes 1:2

—ebe, Etin e tiʼ laa, lé a si kʉ nyin é si nwa. Bɨh bɨ bee nye, bɨh ntɔʼ taare lé eboʼlo mboʼla lé etiibe e mʉr waa ɛ. Ebe no ó bɨh lé eze gʉʼ bɨn ye e tuno lé etiibe e mʉr ndɨ edwe bɨna ga tiʼ molu mo mpoʼ mɨmɛh ɛ. Bé e Zyɛm Sɔŋ ó b'a be. Nyi ze nyin é si nwa.

Yʉanes 17:1

É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.