Yʉanes 17:4 - Kálara Zyɛ̌m Edwán é mpʉ̌n

⁴ Me a si lɛʼle bʉr kum go é si nwa. Mɨ fwahle syɛɛ go a dwe me ó, me ntaʼ, ze sea ɛ.

Kálar Nzyɛ̌m : Ejwán é Sáá

⁴ Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Yʉanes 17:4 ပူးပေါင်းရင်းမြစ်များ

Yʉanes 4:34

Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

2 Timotɛ 4:7

Mɨ fwɛmla, tɛl mbɨmbɨa. Mɨ sa jwɨʼla mɨkam mokʉ, to pyal é l'odumo. Mɨ jyɛʼ taa buʼo yam boo Zyɛm, kʉ be mpʉ buʼo yina lé elɛɛ ɛ.

Yʉanes 19:30

Jɔʼ Yesʉs a sil du monwoʼ maa e nʉm ɨ, nye ó: «Bɨsyɛɛla bibyɛh, bi lwɨŋlɨ!» Nye ze gœr lʉ si, ntɔʼ fil mɨswɨh mɨ epihe.

Yʉanes 14:31

No ó, yé ekʉ jala ó, bʉr bɨbɛh, bé gʉŋa ó, me ekpɛl Sɔŋ wam, le nteme ó, me esa ó, njɨ mpʉ nye a tiile me motie e. Mʉŋa ga si, bɨna pʉʼa ga wâ.»

Yʉanes 15:10

ǃBɨn si du mɨtiila me lé etiile bɨn nɛʼɛ, bɨn bé óbe ó bʉr me lé ekpɛl ɨ, ebe, mɨ du mɨtiila Sɔŋ wam a tiile me e. Me egʉa nteme ó, nye ekpɛl me.

Yʉanes 14:13

Me óntɨh bɨn sa yiyɛh bɨn bé ódî le ejaʼ Sɔŋ wam, pere e die lam ɨ. É mbi waa ó bʉr, bé ógumlo Zyɛm Sɔŋ ebe Mwan mo Zyɛm ɨ.

Yʉanes 12:28

Me ókʉ ka lɛɛ ó njɨ “Da, dweʼ die lo kum é buobuo!”» Twii ze duho é jobo kʉ ó: «Me a si taare dwe le kum. No ó, me óbâʼle dwe le kum é buobuo.»

Yʉanes 9:3

Yesʉs, nye e be ó: «Yé abe ebe syem we, nkʉ waa obyɛl be. Nye a byɛl ntim é l'efu ó, bɨsyɛɛla mo Zyɛm, byé nkʉʼ nyin é nye.

Yʉanes 5:36

«Sa gwar, mɛm, me e mboʼla fih, pie waa mo Yʉanes. Nyɛɛ, nye edwe mboʼla ndɨ elaa waa mo Yʉanes é modile e, ebe, bɨsyɛɛla Sɔŋ wam a dwe me ó, me ntaʼ, ze fwahle e, byé ó me lé esa ɛ. Byé eboʼlo, tiibe e me ó, Sɔŋ wam ó b'a ntɨh me.

Lʉkas 22:37

ebe, me elɛɛ bɨn ó nɛɛ: sa bé a tile, tiibe e me e, yé ósyɛɛ, lé edira lɔɔ ndɨ tila é Kalara Zyɛm ó: “Bé a nʉa nye ó, mpʉ sa lɛɛ ó, nye ó syɛl ebebe.” Bɨsyɛɛla bi, byé ósyɛɛ lé edira mɨlɔɔ bé a tile é lʉ wam ɨ.»

Yʉanes 19:28

Pie tɨ, mpʉ Yesʉs a gʉa ó, bɨsa bibyɛh, byé a be ó, byé mu ó lé elwɨŋlɨ ɨ, nye ntɔʼ lɛɛ ó: «Me ejoʼo dweh modibe.» (Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.)