Yʉanes 17:3 - Kálara Zyɛ̌m Edwán é mpʉ̌n

³ Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Kálar Nzyɛ̌m : Ejwán é Sáá

³ Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉanes 17:3 ပူးပေါင်းရင်းမြစ်များ

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Yʉanes 17:25

Sɔŋ Ocɨcyel, bʉr o ndɨ egumo e si nwaʼ ɛ, bé agʉa go. Me ome ó lé egʉa go. Bʉr ba, bé mu si gʉa mbɨmbɨa ó, go ó b'a lomo me.

Yʉanes 3:17

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

1 Yʉanes 4:6

No ó, bɨna ga bɛɛ, bé ó baa mo Zyɛm. Mʉr lé egʉa Zyɛm ɨ, nye ó ndɨ esa bɨna ga mojoʼo. Mʉr ndɨ abe waa mo Zyɛm ɨ, nyɛɛ, nye ákwoʼ joʼo bɨna ga. É mbi waa ó bɨna ndɨ e nkul egʉa ga mbɛʼ paʼra Sisim Ocyecye bé e sisim mpʉl ɨ.

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

2 Tesalonika 1:8

Nye óze lé eze kab bʉr o ndɨ abuʼla ɛ, bɨntɨʼa, e baa ndɨ asa mojoʼo é jɔʼ bé lé ejoʼo Mbɨambɨa Lɔɔ mo Tî ga wina Yesʉs ɨ.

Yʉanes 17:8

ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

Yʉanes 8:19

Bé e nye ó: «A foŋ, nye nko?» Yesʉs, nye e be ó: «Bɨn bé agʉa dam be me, dam be Sɔŋ wam. Nkʉ bɨn be ó be, gʉa me nɛʼɛ, mpa bɨn mu ó si gʉa nteme Sɔŋ wam.»

1 Korɛnt 15:34

Saʼ ga bɨsyɛɛla ndɨ ejala ɛ. Gwaʼa ga lé esa mɨsyem. Bʉʉ bʉr o mbɛr Zyɛm win, bé agʉa Zyɛm. Me elɛɛ mpʉnʉ ó, lé egba bɨn fwon é nyʉl.

1 Tesalonika 1:9

Bé ó lé elɛɛ bɨh bɛɛ mpʉ bɨn bé a soho bɨh é jɔʼ bɨh bé a ze gʉʼ bɨn ye e, e mpʉ bɨn bé a gwaʼ lé edwiibɨ bɨbaŋabaŋa bɨdweʼle e, lé eka du njɨ Zyɛm ɨ. Bɨn mu ó lé esea syɛɛ é l'efu e mpaŋ Zyɛm, waa ndɨ kublakubla ɛ.

Yʉanes 10:36

A, ebe yé bɨn lé elɛɛ ó, me epyeh nye e? Zê yé ó, ebe, me si gwih bɨn ó, me ó Mwan we ɛ? Me ó kʉ be waa Zyɛm Sɔŋ a pɛh, ntɨh kaʼ é si nwaʼ ɛ.

Yʉanes 7:29

Mɛm, me egʉa nye, ebe, me a duho ó nye ye ɔɔ! Ndwe nteme, nye ó b'a ntɨh me ɔɔ!»

Yʉanes 6:57

Sɔŋ wam, mʉr a ntɨh me e, nye ó ndɨ kublakubla. Me etiʼe ó ebe nye. Jwɨʼ gwar yaa, mʉr nyiwɛh lé ede me e, nye ó ndɨ ebi tiʼ molu mo mpoʼ mɨmɛh é zi wam.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Yʉanes 11:42

Me egʉa ó, go ebɛa joʼo me. No ó, me elɛɛ go no ó, é l'efu e bʉr lé ebʉmra me wâʼ é nka ba, ó bé buʼla ó, go ó b'a lomo me.»

Lʉkas 9:48

Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»

Markus 9:37

«Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. To kœb ó, mʉr bɨlan e me e, nye abɨlan e me e me; nyi bɨlan nteme ó e mʉr a ntɨh me e.»

1 Korɛnt 8:4

No ó, é lɔb ndɨa tir a pa bàŋɔ é mpah bé ndɨ edwiibɨ bɨbaŋabaŋa bɨdweʼle e, me bɨha bɨn ó, é mbi wi. Bɨna bé ekʉ gʉa ga ó, é jɔʼ okpɔʼ ndɨ edweʼle sa bé lé edwiibɨ no e, yé alɛɛ ó, sa bé a dweʼle e, yé ó kʉ be tɨʼ é l'ocyecye. Bɨna bé egʉa ga ó, Zyɛm, nye ó njɨ ngwar.

Yʉanes 17:18

Mɨ lomo be é si nwaʼ mpʉ go nteme a ntɨh me kaʼ é si nwaʼ ɛ.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Filipi 3:10

Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

Ebrœ̂ 3:1

Ebe no, obɨɔ ga bam, mɨsaŋ mɨ bʉr mo Zyɛm, baa mu si jebɔ, njɨblɨ wɔɔ lé eduho é jobo kʉ ɨ, toŋla ga mpʉ Yesʉs ndɨ ɨ: nye ó mwa mɨlʉmlʉ mo Zyɛm, ndwe e njwɨɨ opara ga wina, waa bɨna ndɨ ekʉ mɛʼle ga ɛ.

2 Pyɛr 1:2

Mocyɛʼ mo mpom le motala, mé swɨŋɨ é bɨn é ntuʼ-ntu-ntuʼ, duho é ngwɨa bɨn lé egʉa Zyɛm bé e Tî ga wina Yesʉs ɨ.

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

2 Pyɛr 1:8

ǃƗ mɨnjwɨr mɨnɨ si nyin le egwɨe é l'ebò e cyen yin nɛʼɛ, bɨn bé aŋa ka ncyehbe nkʉ lɛŋ bɨtiʼ bin mbɛh, lé ebaʼ mobo. Bɨtiʼ byaa, byé óka sa nteme ó, bɨn gʉŋa Tî ga wina Yesʉs-Krɨst é kpɛhla.

1 Yʉanes 1:2

—ebe, Etin e tiʼ laa, lé a si kʉ nyin é si nwa. Bɨh bɨ bee nye, bɨh ntɔʼ taare lé eboʼlo mboʼla lé etiibe e mʉr waa ɛ. Ebe no ó bɨh lé eze gʉʼ bɨn ye e tuno lé etiibe e mʉr ndɨ edwe bɨna ga tiʼ molu mo mpoʼ mɨmɛh ɛ. Bé e Zyɛm Sɔŋ ó b'a be. Nyi ze nyin é si nwa.

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

1 Yʉanes 2:23

Mʉr ndɨ ekɛla ó, Yesʉs, nye abe Mwan mo Zyɛm ɨ, bé e Zyɛm Sɔŋ, bé abe nkɔm mpwar. To kœb ó, waa lé elɛɛ ó, Yesʉs, nye ó Mwan mo Zyɛm ɨ, nyiha bé e Zyɛm Sɔŋ, ndwe e Mwan mo Zyɛm, bé ó nkɔm mpwar.