Yʉanes 17:23 - Kálara Zyɛ̌m Edwán é mpʉ̌n

²³ Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Kálar Nzyɛ̌m : Ejwán é Sáá

²³ Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

Yʉanes 17:23 ပူးပေါင်းရင်းမြစ်များ

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Yʉanes 16:27

ebe, Sɔŋ wam nye mʉr tɨ, nye ekpɛl bɨn. Nye ekpɛl bɨn ó, ebe, bɨn bɨ kpɛl me. Bɨn bɨ buʼla nteme ó, me a duho ó nye ye.

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

Yʉanes 13:35

ǃBɨn si kpɛla paʼra win nɛʼɛ, bʉr bɨbɛh, bé ógʉa ó, bɨn bé ó ompʉn bam.»

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Kolosi 3:14

É bɨsyɛɛla byaa bibyɛh, kpɛla ga, ebe, kpɛl ó ndɨ elar bɨn, ó bɨn diʼe mɨlɛra é mɨpaʼ mimyɛh.

Yʉanes 17:26

Me a si lɛʼle be mpʉ go ndɨ ɨ. Me nteme óbâʼle lɛʼle be. Ebe no, kpɛl go lé ekpɛl me e, yé óntaa é be, ebe, me mʉr tɨ, me óbe ó é be.»

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Yʉanes 14:10

Zê go abuʼla ó, me ó é zyɛŋa wih boo Sɔŋ wam ɛ? Sɔŋ wam, nye etiʼe ó, é me. Lwib me lé elwib e bɨn bɨbɛh ɛ, me alwib ye njɨ é nkul wam me mʉr tɨ. Sɔŋ wam, mʉr bɨh e nɔɔ lé edi ɨ, nye ó ndɨ eloŋlo bɨsyɛɛla bye.

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

Filipi 3:15

Bʉr o ndɨ e pɨʼ otamabʉr ɨ, bé ejala le edi e mbi mbea nɨ. Yé be ó, bɨn bé ejala le ebee yʉʉ sɔʼɔ é guu mbi mbea nɛʼɛ, Zyɛm nteme ólɛʼle bɨn sa yaa.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Yʉanes 6:56

Mʉr nyiwɛh lé ede bɨpuno byam le ebɛble motié mam ɨ, nye etiʼe ó, é zyɛŋa wina boo nɔɔ. Me ódɨ kœʼ e nye.

Yʉanes 3:17

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

1 Yʉanes 4:19

No ó, é nko paʼ ga wina, bɨna ga bɛɛ mu ó lé ekpɛla ga ó, ebe, nye a si taare kpɛl bɨna ga.

Kolosi 1:28

Ebe no ó bɨh lé emyɛm lɔɔ mo Krɨst é bʉr bɨbɛh ɛ. Bɨh bé ebal mʉr nyiwɛh, le eyeʼle bʉr bɨbɛh é l'ocyoo wiwɛh, ó bɨh nkʉʼ cyel be é mih mo Krɨst, bé osi kumo é l'ombɨmbɨa é mɨpaʼ mimyɛh é zi we.

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

Yʉanes 15:9

«Me ekpɛl bɨn mpʉ Sɔŋ wam lé ekpɛl me e. Diʼe ga é kpɛl yam tʉŋlʉ.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 17:8

ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Yʉanes 17:11

«Me aka be kaʼ é si nwa. Bɛɛ ó dina é nye. Me mu ó lé eze nko go ndɨ ɨ. Sɔŋ wam, go ó ndɨ ti. Baʼla bʉr baa é nkul die lo go a dwe me e. Saʼ ó, bé diʼe sa gwar mpʉ bɨna e go ndɨ sa gwar ɨ.

Mɨngwiha 3:9

Mbe ga: é mpʉʼ ó me ósa bʉr o mpah mɨnjwɨʼla mo Satan, baa lé elɛɛ ó, bé ó oYʉden, bɛɛ l'abe be e. Bé ekʉ ka sa ó njɨ mpʉl. Me ósa ó, bé ntaʼ, ze bɨʼ mompom mɔɔ si é mih mɨn, ó bé nkʉʼ gʉa ó, me ekpɛl bɨn.