Yʉanes 17:2 - Kálara Zyɛ̌m Edwán é mpʉ̌n

² ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

² Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

Yʉanes 17:2 ပူးပေါင်းရင်းမြစ်များ

Yʉanes 6:39

To kœb ó, mʉr a ntɨh me e, nye egwɨm ó, me l'ayi dimle mʉr ngwar é sama bʉr nye a ntɨh me e. Nye egwɨm ó, me pɛ̀hɛ be é mofoo é moho epihe, ntible-bɨkaŋa,

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Yʉanes 17:9

«Me ejwɨʼla e go é l'efu lɔɔ. Me ajwɨʼla é l'efu e bʉr o ndɨ egumo e si nwaʼ ɛ, njɨ é l'efu e bʉr go a ntɨh me e, ebe, bɨha, bé ó bo.

Yʉanes 17:6

«É bʉr bɨbɛh, go a si pɛh bʉʉ, ze ntɨh me ba. Me ntɔʼ ze sa ó, bé gʉŋa go. Bé a bɛa be ó, bʉr bo, go ze ntɨh me ba. Ebe no nteme ó bé a du lwib yo e.

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

1 Yʉanes 1:2

—ebe, Etin e tiʼ laa, lé a si kʉ nyin é si nwa. Bɨh bɨ bee nye, bɨh ntɔʼ taare lé eboʼlo mboʼla lé etiibe e mʉr waa ɛ. Ebe no ó bɨh lé eze gʉʼ bɨn ye e tuno lé etiibe e mʉr ndɨ edwe bɨna ga tiʼ molu mo mpoʼ mɨmɛh ɛ. Bé e Zyɛm Sɔŋ ó b'a be. Nyi ze nyin é si nwa.

1 Timotɛ 1:16

Ebe no ó Zyɛm a jwɨʼ me nkoo e, ebe, me ó b'a bul sahle é nko paʼ esa mɨsyem. Yesʉs-Krɨst a taare lé elɛʼle mpuo bihbe we ó, é jɔʼ nye a dihbe me e. Yé ó dweʼle nye lé elɛʼle bʉr bɨbɛh bé ójyɛʼ taa buʼo yɔɔ boo nye é molu lé eze e. Bé ójyɛʼ taa buʼo yɔɔ boo nye, ntɔʼ bi tiʼ molu mo mpoʼ mɨmɛh.

Filipi 2:10

Nye a dwe nye wa ó, mʉr nyiwɛh kurɨ moboo si, dwiibɨ die mo Yesʉs. Bɨsa bibyɛh, byé ókʉ dwiibɨ nye, taare é bɨsa bibyɛh ndɨ é jobo kʉ ɨ, ze kɛl byaa ndɨ é si nwaʼ ɛ, to pyal é byaa ndɨ é bwah tʉŋlʉ ɨ.

Éfɛsɔs 1:20

Mpwaʼ nkul we, nye esea é bɨna ga tʉŋlʉ, mpʉ nye a taare sea nteme é Krɨst é jɔʼ Sɔŋ a pɛ̀h nye é foo, dil nye é jobo kʉ é mbo ejʉm we e.

1 Korɛnt 15:25

ebe, yé a kʉ jala ó, Krɨst diʼe é dia njwɨɨ, to pyal é jɔʼ nye óbe si ntaa bʉr o dɔm be bɨbɛh é nkul dɔm, gba be é mobò me si ɨ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Yʉanes 6:27

Asea ga ebe mode lé elɨra ɛ. Sea ga ebe maa lé edi njʉmdia e njʉmdia ɛ. Mɛɛ, mé ó maa Mwan mo Mʉr ódwe bɨn ɨ, ebe, nye ó waa Zyɛm Sɔŋ a gba ejwɨʼ le e.»

Mataos 25:46

«Bʉr baa, bé óto é Bɨ-siʼe, to sia e ntɨʼa ndɨ njʉmdia e njʉmdia ɛ. Ocɨcyel o bʉr bɛɛ, bé óto ó, to bi tiʼ molu mo mpoʼ mɨmɛh.»