Yʉanes 17:17 - Kálara Zyɛ̌m Edwán é mpʉ̌n

¹⁷ Saʼ ó, bé diʼe mɨsaŋ mɨ bʉr bo é l'ocyecye. Lwib yo, yé ó cyecye.

Kálar Nzyɛ̌m : Ejwán é Sáá

¹⁷ Sáʼ ó, bé díʼee kwahaá bʉr bô ntinɨ̂ e ntinɨ̂ lɨ́ otyeetye. Lwǐb yô, yé ó tyeetye.

Yʉanes 17:17 ပူးပေါင်းရင်းမြစ်များ

Yʉanes 15:3

Motɨɨ me a dwe bɨn ɨ, mɨ pubo bɨn. Bɨn mu ó mɨpuba.

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

Yʉanes 17:19

Me etimle go tiʼ yam yiyɛh ó, bé nkʉʼ be mɨsaŋ mɨ bʉr bo, é l'ocyecye tʉŋlʉ.

Yʉanes 8:32

É jɔʼ bɨn bé ógʉa ocyecye e, ocyecye waa, wé ódil bɨn é dia otî.»

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

2 Tesalonika 2:13

Obɨɔ ga bam, baa Da Yesʉs lé ebul kpɛl ba ɛ! É nko paʼ wih, yé ejala ó, bɨh dweʼ Zyɛm ekiba é bɨjɔʼ bibyɛh é lɔb win, ebe, nyi pɛh bɨn mpʉ mʉr lé epɛʼ tom é peme ye e, ó bɨn biʼe tiʼ molu mo mpoʼ mɨmɛh é zi Sisim we, wé a pubo bɨn ɨ. Bɨn mu ó lé ebi tiʼ molu mo mpoʼ mɨmɛh é zi taa buʼo bɨn lé ejyɛʼ boo nye é l'ocyecye e.

Éfɛsɔs 4:21

Bɨn bé a si joʼo bʉr lé eze tublo die le. Bɨn bé a si dweŋɔ sikʉlʉ é lɔb we. Bé a ka gʉa ó, ocyecye, wé ó é Yesʉs tʉŋlʉ.

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

2 Korɛnt 3:18

No ó, egor laa, lɨ pʉʼa é mompom ga mɨna. Ebe no ó bɨna ga mu lé ekʉ bee ga moncɛnba mo Da Yesʉs é sʉlʉlʉ ɨ, moncɛnba mo tɨʼ lé ekʉ pan nteme, duho é bɨna ga. Bɨna mu ó lé edwirɔ ga é l'efu ó, bɨna nkʉʼ gʉa nwɨɨla ga e nye, ndwe le elɛʼle bʉr kum we. Da ó lé edwir bɨna ga no, nyɛɛ waa bɨna lé ejebe ga ó, Mbɨambɨa Sisim ɨ.

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

Lʉkas 8:11

«Kɨkɛna nɨ, yé elɛɛ ó é mbi wi: Mpœʼ, yé ó lɔɔ Zyɛm.

Yʉanes 8:40

Sa gwar, é banana, dam be ó, mɨ ntɛŋ bɨn ocyecye Zyɛm a lɛɛ me e, bɨn bé egwɨm jʉ me. Abraham a baagwɨm sa yʉʉ sɔʼɔ no.