Yʉanes 17:13 - Kálara Zyɛ̌m Edwán é mpʉ̌n

¹³ «No ó, é jɔʼ yi, me muno ze bula, ze nko go ndɨ ɨ. Cye yiyɛh me dina kaʼ é si nwaʼ ɛ, me ejwɨʼla-jwɨʼla e go ó, ompʉn bam biʼe bɨsʉhʉ mpʉ me lé esoho e. Bɨsʉhʉ byɔɔ, byé óbe ó ntinɨ e ntinɨ.

Kálar Nzyɛ̌m : Ejwán é Sáá

¹³ Nó ɨ́ jɔʼ yɨ̂, me múo nzě búla, nzě nko gó dí yɨ́. Jɔʼ yɨ́yɛ̂h mé dína ɨ́ sí yɨ̂ʼ yɨ́, mě jɨʼlá e go ó, ompʉ́n bâm bíʼee bisʉhʉʉ mpʉ mé dí esoho yɨ́. Bisʉhʉʉ byɔ́ɔ́, byé óbe ó ntinɨ̂ e ntinɨ̂.

Yʉanes 17:13 ပူးပေါင်းရင်းမြစ်များ

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Yʉanes 15:11

Me elɛɛ bɨn no ó, bɨn soha mpʉ me lé esoho e. Me ekpɛl ó, bɨsʉhʉ bin, byé diʼe ntinɨ e ntinɨ.

Yʉanes 3:29

Mʉr ndɨ e mʉma ɛ, nye ó njɨ mbɛl mʉma. Fo we nyɛɛ, nye ecyɛb-cyɛb ó, é puuu... joʼlo, ó nye nkʉʼ gʉa joʼlo ecel mo mbɛl. Nye ebul soho ecel le! Ebe no ó me lé ebul soho é bananaʼ ɛ.

1 Yʉanes 1:4

Bɨh bé etile bɨn kalara nwaʼ ó, sʉhʉ ga yina nkʉʼ di lwɨŋla.

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

2 Yʉanes 1:12

Me é buo bɨsa bɨ elɛɛ bɨn. No ó, mɨ bee ó, me ákwoʼ lɛɛ bɨn bya é zi modibe mo lwab le epeb. Me ebuʼla ó, me óze gʉʼ bɨn ye, me lwibɨ e bɨn, bɨna lé ebɛɛla ga mompom, é mbi ndɨ ó, sʉhʉ ga yina, yé diʼe lwɨŋla ntinɨ e ntinɨ ɨ.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mɨlʉmlʉ 13:52

Ompʉn mo Yesʉs bɛɛ, bé a be ó lwɨŋla e bɨsʉhʉ ndwe e Mbɨambɨa Sisim.

Yʉanes 7:33

Yesʉs, nye ó: «Bɨna dina ga ó e ma dia wâ. Me óbula, fiʼ, to nko mʉr a ntɨh me ndɨ ɨ.

Yʉanes 17:11

«Me aka be kaʼ é si nwa. Bɛɛ ó dina é nye. Me mu ó lé eze nko go ndɨ ɨ. Sɔŋ wam, go ó ndɨ ti. Baʼla bʉr baa é nkul die lo go a dwe me e. Saʼ ó, bé diʼe sa gwar mpʉ bɨna e go ndɨ sa gwar ɨ.