Yʉanes 17:1 - Kálara Zyɛ̌m Edwán é mpʉ̌n

¹ É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

Kálar Nzyɛ̌m : Ejwán é Sáá

¹ Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Yʉanes 17:1 ပူးပေါင်းရင်းမြစ်များ

Yʉanes 12:23

Yesʉs, nye e be ó: «Banana, jɔʼ Mwan mo Mʉr lé ekʉ jala le ebi kum we e, yé mu ó si pyal!

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Yʉanes 11:4

É jɔʼ Yesʉs a joʼo mpaŋla waa ɛ, nye ó: «Esyɛb mo Lazar, lé ákwoʼ jʉ nye. Lé ókʉ ka sa ó njɨ bʉr dwiiba Zyɛm bé e Mwan we.»

Markus 14:41

É jɔʼ lɛl nye a bâʼle ze e, nye e be ó: «Zê bɨn bɛɛ, bé ókʉ ka di ó njɨ é bɨdwo le egbala é jɔʼ yiyɛh ɛ? Yi jala: ewala enɨ, lé mu ó si pyal. Mbe ga: Mwan mo Mʉr, nyi kɛhɔ boo osyɛl o mɨsyem!

Yʉanes 11:41

Bé ntɔʼ pɛʼ ekoʼ. Yesʉs ze bɨn mih kʉ. Nye ó: «Zyoo e go, Da, ebe, gɨ joʼo me.

Yʉanes 8:20

Yesʉs a lwib bɨlwib bɨnɨ ó, nyɛɛ lé edwe bʉr bɨsikʉlʉ é jahla bii mo Zyɛm, gumo wolo mɨndwɛa, yé a be e. Abe e mʉr a naʼ nye mobo é nyʉl, ebe, ewala le, lé a baapa pyal.

Yʉanes 7:30

Bé a be ó lé esaa ó, bé pa ó kʉ naʼ nye mobo é nyʉl. Sa gwar, abe e mʉr a gba nye mbo é nyʉl, ebe, jɔʼ efie le, yé a baapa pyal.

Yʉanes 16:32

Dwɛʼa ga: ewala, lé eze—lé mu ó si pyal—jɔʼ bɨn bé ómyɛma, mʉr nyiwɛh lé eto fol nyʉl é mbɛr we e. Bɨn bé óliʼe me me ome. Me ákwoʼ be yɛɛ me ome, ebe, bɨh e Sɔŋ wam ó ndɨ.

Yʉanes 13:1

Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.

Lʉkas 22:53

Bɨna bé a be ga ó, dobo lɨlɛh é jahla bii mo Zyɛm. Bɨn bé a baakɛl me mbo é nyʉl. Bɨn bé emɛr mé é bananaʼ ó, ebe, ewala lɨ, lé mu ó jɔʼ yin, bɨn boo Satan!»

Lʉkas 18:13

Sa gwar, nwɨa tœa a cyɛb ó pɨnʉ. Nye a baakpɛl bɨn ba mih kʉ. Nye a kɛl ó njɨ mobo é lʉ, lé elɛɛ ó: “Da Zyɛm, saʼ ó, empime lo, lé tala é l'efu lam, ebe, me ó syɛl mɨsyem.”»