Yʉanes 16:7 - Kálara Zyɛ̌m Edwán é mpʉ̌n

⁷ Me elɛɛ bɨn cyecye ó nɛɛ: embɨa, lé é nko paʼ win ó, me toʼ. ǃMe baato nɛʼɛ, mʉr ndɨ ekamle e bɨn ɨ, nye aŋa ze kœb bɨn. ǃMe si ka to nɛʼɛ, me ntɨh bɨn nya.

Kálar Nzyɛ̌m : Ejwán é Sáá

⁷ Mě lɛ́ɛ́ bɨ́n lɨ́ otyeetye ó, embɨa, lé ɨ́ páʼ wɨ́n ó, me tôʼ. Mé bé atô nɛ́ɛ: lɛ́ɛ́, kɔmlʉ wɨ́n, nye ánze kwá nyɨ́n. Nó ó, mé sí tô nɛ́ɛ: me ntɨh bɨ́n nyǎ.

Yʉanes 16:7 ပူးပေါင်းရင်းမြစ်များ

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

Yʉanes 15:26

«Mʉr ndɨ ekamle e bɨn ɨ, nye óze. Nye ó ndɨ Sisim Ocyecye, wé óduho boo Sɔŋ wam ɨ. Me ólomlo bɨn nya. Nye òduho boo Sɔŋ wam, ntɔʼ ze boʼlo lɔb wam.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Lʉkas 24:49

No ó, me ótaare lé entɨh bɨn sa Sɔŋ wam a kɛʼ bɨn ɨ. Diʼe ga wâʼ é nkana yi, lé ebono dobo nye óntɨh bɨn nkul ɨ. Nkul waa óduho nye ye, é jobo kʉ.»

Mɨlʉmlʉ 10:34

No ó Pyɛr a ze nʉa lwib. Nye ó: «Mɨ kʉ gʉa cyecye é bananaʼ ó, Zyɛm, nye adwaabe bʉr é lɔb mompom mɔɔ.

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Yʉanes 14:3

É jɔʼ me óbe si to, sil to komlo bɨn modia maa ɛ, me óbula ze nʉa bɨn é l'efu ó, bɨn toʼ, to di gumo me ódi ɨ.

Lʉkas 9:27

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, bé l'apa bee jwɨ̀ʼa mo Zyɛm.»

Lʉkas 4:25

Me elɛɛ bɨn cyecye ó nɛɛ: yé a be ó e mɨkuho mɨ bʉba é buobuo é lal Ɨzraɛl é jɔʼ mo Élie, é jɔʼ mpie a cyɛb, aka nwɨɨ tɔɔ mɨmbu mɨlɛl e peh, mya za a nyaŋla é si waa nyiwɛh ɛ.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Yʉanes 16:8

É jɔʼ nye ópyal ɨ, nye ódwe bʉr bɨbɛh mobe bé ndɨ e me ebe syem wɔɔ ɛ. Nye ólɛʼle be nteme ó, bé agʉa mbɛʼ paʼra sa ndɨ ocɨcyel ɨ, le yaa ndɨ ozyɛhozyɛh ɛ. Nye ólɛʼle be nteme ó, mpʉ Zyɛm ódwe bʉr mobe e.