Yʉanes 16:5 - Kálara Zyɛ̌m Edwán é mpʉ̌n

⁵ Banana, me muno ze bere nko mʉr a ntɨh me e, ndɨ ɨ. Dam be no, mʉr é l'esama lɨn, nye adî e me ó: “Go lé eto nko?”

Kálar Nzyɛ̌m : Ejwán é Sáá

⁵ Báánâ, me múo nzě bérě nko mʉ̂r á ntɨh me nyá dí yɨ́. Damá jóʼo nó, mʉr ɨ́ sɔ́má yɨ́n, nyé adî e me ó: “Gǒ tó wó?”

Yʉanes 16:5 ပူးပေါင်းရင်းမြစ်များ

Yʉanes 13:36

Simɔn Pyɛr ze dî e nye ó: «Da, go óto nko?» Yesʉs ntɔʼ bɨha e nye ó: «Go abe e nkul edu me é bananaʼ nko me muno ze to e. Go ófuʼla ka du me yɛɛ.»

Yʉanes 7:33

Yesʉs, nye ó: «Bɨna dina ga ó e ma dia wâ. Me óbula, fiʼ, to nko mʉr a ntɨh me ndɨ ɨ.

Yʉanes 16:28

Me a si kʉ duho nye ye, ze pyal kaʼ é si nwa. Me óbula mʉa, liʼe si nwa, bere nko Sɔŋ wam ndɨ ɨ.»

Yʉanes 17:4

Me a si lɛʼle bʉr kum go é si nwa. Mɨ fwahle syɛɛ go a dwe me ó, me ntaʼ, ze sea ɛ.

Yʉanes 16:10

Nye ólɛʼle be sa ndɨ ocɨcyel ɨ, ebe, me ebula ó, to nko Sɔŋ wam ndɨ ɨ. Bɨn bé aŋa ka bee me.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Yʉanes 16:16

«Yi liʼ njɨ ba ma jɔʼ, bɨn bé aŋa ka bee me. Yé óbâʼle lɛŋ ma jɔʼ, bɨn bé òbula bee me.»

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Yʉanes 6:62

A yé óka sa bɨn nyá é jɔʼ bɨn bé óbee Mwan mo Mʉr lé ebula, fiʼ, to nko nye a taare be e?

Yʉanes 17:13

«No ó, é jɔʼ yi, me muno ze bula, ze nko go ndɨ ɨ. Cye yiyɛh me dina kaʼ é si nwaʼ ɛ, me ejwɨʼla-jwɨʼla e go ó, ompʉn bam biʼe bɨsʉhʉ mpʉ me lé esoho e. Bɨsʉhʉ byɔɔ, byé óbe ó ntinɨ e ntinɨ.

Yʉanes 16:17

Bʉʉ ompʉn ze taare lé edîila motia paʼra wɔɔ. Bé ó: «No yɛɛ, yé epa kʉ lɛɛ é yé? Ó “Yi liʼ njɨ ba ma jɔʼ, bɨn bé aŋa ka bee me. Yé óbâʼle lɛŋ ma jɔʼ, bɨn bé óbula bee me.” Nye ekpɛl lɛɛ yé é jɔʼ nye lé elɛɛ ó: “Yé ó, ebe, me ebula, to nko Sɔŋ wam ndɨ ɨ”?»