Yʉanes 16:30 - Kálara Zyɛ̌m Edwán é mpʉ̌n

³⁰ Banana, bɨh bɨ gʉa ó, gɨ gʉa sa yiyɛh, ndwe nteme, yé ajɨ ó, mʉr dîʼe go tia. Ebe no ó bɨh lé ebuʼla ó, go a kʉ duho ó boo Zyɛm ɨ.»

Kálar Nzyɛ̌m : Ejwán é Sáá

³⁰ Ɨ́ báánâ, bɨ̌h bɨ́ gʉ́a ó, gʉ́ gʉ́ǎ sá yɨ́yɛ̂h, ndu e ntémé ó, yé ajɨ ó, mʉr díʼee go tíá. Nó yaá ó bɨ́h dí ebúʼla ó, go á duho ó kwá mé Nzyɛ̌m yɨ́.»

Yʉanes 16:30 ပူးပေါင်းရင်းမြစ်များ

Yʉanes 21:17

Pie tɨ, nye ze bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Pyɛr ntɔʼ liʼ é gœʼra-gœʼra e mocyɛʼ mo nyʉl, ebe, Yesʉs a si bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Da, go egʉa sa yiyɛh! Go ekʉ gʉa nteme ó, me ekpɛl go!» Yesʉs, nye e nye ó: «Kobla daa e bɨntœme lam.

Ebrœ̂ 4:13

Abe e guu mbi cyea sɔʼɔ ndɨ fela é mih mo Zyɛm. Sa yiyɛh nye a cye e, yé é pono é mih me. Bibyɛh, byé ókar mɨnkar myɔɔ ó, é mih me.

Yʉanes 17:8

ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Yʉanes 16:17

Bʉʉ ompʉn ze taare lé edîila motia paʼra wɔɔ. Bé ó: «No yɛɛ, yé epa kʉ lɛɛ é yé? Ó “Yi liʼ njɨ ba ma jɔʼ, bɨn bé aŋa ka bee me. Yé óbâʼle lɛŋ ma jɔʼ, bɨn bé óbula bee me.” Nye ekpɛl lɛɛ yé é jɔʼ nye lé elɛɛ ó: “Yé ó, ebe, me ebula, to nko Sɔŋ wam ndɨ ɨ”?»

Yʉanes 5:20

ebe, Zyɛm Sɔŋ, nye ekpɛl Mwan mo Zyɛm. Nye elɛʼle nye sa nye mʉr tɨʼ lé esa ɛ. Nye ólɛʼle nye bɨsyɛɛla nye óka to le esa-sa ɛ. Byé ólaa byaa bi, bɨn nkʉʼ bul jehe,

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 8:42

Yesʉs, nye e be ó: «Nkʉ Zyɛm a be ó be, be Sɔŋ win cyecye nɛʼɛ, mpa bɨn mu ó si kpɛl me, ebe, me a duho ó boo Zyɛm waa. No yaa ó me ndɨ wâʼ ɛ. Me a baaze kaʼ é gwɨma yam me mʉr tɨ, njɨ ebe gwɨma mo mʉr a lomo me e.

Yʉanes 16:23

«É jɔʼ moho waa, wé ópyal ɨ, bɨn bé aŋa ka dî me yʉʉ sɔʼɔ. Me elɛɛ bɨn cyecye ó nɛɛ: Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Yʉanes 16:26

É jɔʼ moho waa, wé óbe si pyal ɨ, bɨn bé ódî le ejaʼ Sɔŋ wam, pere e die lam. No ó, me alɛɛ ó, me nteme ódî nye bya é l'efu lɨn,

Yʉanes 16:31

Yesʉs ze lɛɛ e be ó: «Bɨn bɨ ka buʼla lɔɔ wam!