Yʉanes 15:8 - Kálara Zyɛ̌m Edwán é mpʉ̌n

⁸ Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Kálar Nzyɛ̌m : Ejwán é Sáá

⁸ Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Yʉanes 15:8 ပူးပေါင်းရင်းမြစ်များ

Yʉanes 8:31

Yesʉs ze lɛɛ e l'oYʉden bé a jyɛʼ taa buʼo yɔɔ boo nye ó: «ǃBɨn si baʼle mokan mam nɛʼɛ, bɨn bé ódi ompʉn bam cyecye.

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Yʉanes 15:5

«Me ó ndɨ etin e rezɛŋ; bɨn bɛɛ, bé ó mɨlɔɔ. Mʉr bɨh e nɔɔ ndɨ é zyɛŋa ɛ, nye ó ndɨ egumo mpumo é buobuo, ebe, ǃme baabe tɨʼ nɛʼɛ, gʉŋa ga ó, bɨn bé abe e nkul esa yʉʉ mpaŋ sɔʼɔ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Yʉanes 13:35

ǃBɨn si kpɛla paʼra win nɛʼɛ, bʉr bɨbɛh, bé ógʉa ó, bɨn bé ó ompʉn bam.»

1 Korɛnt 10:31

Ebe no, bɨn dam de mode nkʉ nyʉl monwoʼ, nkʉ bɨn dam sa yaa sɔʼɔ: saʼ ga syɛɛla yaa yiyɛh é l'efu le edwiibɨ Zyɛm tɨ!

1 Korɛnt 6:20

ebe, Zyɛm a si jɛna bwaʼbwaʼ tɔɔ é jɔʼ nye a kʉr bɨn ɨ. No ó, dwiibɨ ga Zyɛm, le ebaʼle monyʉl mɨn ti.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Títos 2:10

Bé ajala le ejaa mobo é nko paʼ mobi mo omasa bɔɔ. Bé ejala le elɛʼle be ó, bé ó e nkul ebuʼla be ntinɨ e ntinɨ. Ebe no ó bé ósa ó, bʉr dwaaba sikʉlʉ bɨna lé edwe be, tiibe e Zyɛm, Tiʼbʉr ga wina ɛ.

Títos 2:5

Mé gʉa pahle mɨlɔb. Mé diʼe é pememe. Mé sea é mɨmbɛr myɔɔ, lé ecwɨa e bʉr. Mé saʼ ojʉm bɔɔ mojoʼo. Ebe no ó bʉr, bé óbe, l'afœʼ lɔɔ Zyɛm ɨ.

Mataos 5:44

No ó, mɛm, me elɛɛ bɨn ó nɛɛ: kpɛlɨ ga bʉr o dɔm bɨn. Jwɨʼla ga é l'efu e bʉr o lé etíile bɨn ɨ.

Mataos 9:8

Jɔʼ ntuntuma bʉr, yé a bee syɛɛla yaa ɛ, yé ze bil ekɛn, ntɔʼ dwiibɨ Zyɛm, ebe, nye a be ó si bana dwe bʉr mbi nkul mojwɨ̀ʼa waa.