Yʉanes 15:5 - Kálara Zyɛ̌m Edwán é mpʉ̌n

⁵ «Me ó ndɨ etin e rezɛŋ; bɨn bɛɛ, bé ó mɨlɔɔ. Mʉr bɨh e nɔɔ ndɨ é zyɛŋa ɛ, nye ó ndɨ egumo mpumo é buobuo, ebe, ǃme baabe tɨʼ nɛʼɛ, gʉŋa ga ó, bɨn bé abe e nkul esa yʉʉ mpaŋ sɔʼɔ.

Kálar Nzyɛ̌m : Ejwán é Sáá

⁵ «Me ó dí etín é raisin. Bɨ̌n bɨɛ bé ó milɔ́ɔ́ mí tɨ̂. Mʉr dí ɨ́ mpúhlá e me nyá ó dí egúmo mpúmó menkû menkû, ebě, mé bé abe tɨ̂ʼ nó, bɨ̌n bé abe e nkul esâ yʉ́ʉ́ mpǎŋ sɔ̂ʼ.

Yʉanes 15:5 ပူးပေါင်းရင်းမြစ်များ

Filipi 4:13

Me ó e nkul esa bɨsa bibyɛh no é Krɨst, mʉr lé edwe me nkul ɨ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

2 Korɛnt 13:8

Ebe, bɨh bé abe e nkul esa Zyɛm mongan, aboʼlo ocyecye we. Nkul wih, nye ó njɨ é nko paʼ elɛɛ ocyecye.

Yʉanes 5:19

Ebe no ó Yesʉs a bâʼle nʉa lwib, lɛɛ e be ó: «Me elɛɛ bɨn cyecye ó nɛɛ: Mwan mo Zyɛm, nye abe lé esa yʉʉ sɔʼɔ e nkul we nye mʉr tɨ. Nye esa ó, njɨ syɛɛla nye lé ebɛa bee Sɔŋ we lé esa ɛ, ebe, syɛɛla yiyɛh Zyɛm Sɔŋ lé esa ɛ, yé nteme ó Mwan mo Zyɛm lé esa ɛ,

Jacques 1:17

Ndwɛa wiwɛh ndɨ mbɨmbɨa ɛ, ndwe e dah lɨlɛh ndɨ mbɨmbɨa é mɨpaʼ mimyɛh ɛ, yé eduho ó, é lal mo Zyɛm boo Sɔŋ ga wina, nyɛɛ mʉr a cye dobo, ndwe e l'alomo, e baatwitwɛn ɨ. Nye abe lé esiila, nkʉ cene cye mpʉ dobo lé ecene cye ye, dime, ka liʼe bʉr é pyoo e.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

Yʉanes 12:24

Me elɛɛ bɨn cyecye ó nɛɛ: bumo di gwar ó, cye yiyɛh yé l'apa bèŋɔ é bɨbwah ɨ. ǃƗ bumo si bèŋɔ é bɨbwah, pah nɛʼɛ, yé ógumo mpumo é buobuo.

Rôm 7:4

Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Yʉanes 9:33

Nkʉ mʉr waa a be ó be, aduho boo Zyɛm nɛʼɛ, mpa nye baabe e nkul esa sɔʼɔ no.»

Filipi 4:17

Me agwɨm ba ndwɛa win, wé mʉr tɨ. Me ekʉ ka gwɨm ó njɨ Zyɛm niʼa bɨn bɨbaa bɨ embɨa é lɔb sa bɨn bé ódwe-dwe me e.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Mɨlʉmlʉ 4:12

«Bʉr o ndɨ ebi tiʼ molu mo mpoʼ mɨmɛh ɛ, bé ebi ye ó, é zi mo Yesʉs, ebe, é si nwaʼ nyiwɛh, yé abe e lʉʉ die efih Zyɛm a lɛʼle bʉr ó, lé ó e nkul edwe be tiʼ molu mo mpoʼ mɨmɛh ɛ, nkʉ yé abe laa le.»

1 Korɛnt 12:12

Krɨst, nye ó mpʉ nyʉl mʉr. Nyʉl, nye ó sa gwar, nye yɛɛ e bɨfum bɨ nyʉl é buobuo. Nye dam be e bɨfum bɨ nyʉl é buobuo, nyʉl waa, nye ó njɨ ngwar.

1 Pyɛr 2:4

Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.

1 Korɛnt 12:27

Bɨn bɨbɛh, bé ó nyʉl mo Krɨst. Mʉr nyiwɛh ndɨ é l'esama lɨn ɨ, nye ó ndɨ fum nyʉl waa.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

2 Korɛnt 9:10

Zyɛm ó ndɨ mʉr lé edwe bʉr mompœʼ mo ebè e. Nye nteme ó ndɨ ekab bʉr mode bé óde e. Nye ódwe bɨn mompœʼ é ntuʼ-ntu-ntuʼ, sa nteme ó, mé bua. Nye ósa ó, bʉr é buobuo, bé nkʉʼ biʼ e bɨn ebe bɨsyɛɛ bɨn lé esea é l'ocɨcyel ɨ.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

Rôm 12:5

Jwɨʼ gwar e gwar yaa nteme ó bɨna ndɨ ga é buo e. Sa gwar, bɨna ga bé ó nyʉl ngwar é zyɛŋa ga wina boo Krɨst. Bɨna ga bɨbɛh, bé ó bɨfum bɨ nyʉl we, byaa ndɨ mɨnɛra e nyʉl ngwar ɨ.

1 Korɛnt 10:16

Bele monwoʼ ga yina, yé nyá ɛ? Yé ó bɨna ga zi Zyɛm lé esʉ bɨna ga mocyɛʼ mo mpom me tɨʼ ɨ. Bɨna bé edwe ga nye ekiba é lɔb bele yaa. É jɔʼ bɨna mu lé enyʉl ga monwoʼ mo tɨʼ ɨ, bɨna bé esyɛŋa ga lé enʉa nkɔb é motié mo Krɨst. Bler bɨna lé epɛ̂ʼla ga é jɔʼ bɨna mu lé ede ga ɛ, tɨʼ ó bɨna lé esyɛŋa ga lé enʉa nkɔb é nyʉl mo Krɨst ɨ.

Mataos 13:21

Sa gwar, lɔɔ Zyɛm, wé anara nye é leme tʉŋlʉ. Nye ebaʼle we ó, njɨ é ma peh jɔʼ. Jɔʼ nye mu lé esia e mɨtuu le etíilɔ ebe lɔɔ Zyɛm ɨ, nye óka bee ó, wé mu ó ebɔʼ nye lé ebɨm é leme, laa lé ódumo nye e.