Yʉanes 15:4 - Kálara Zyɛ̌m Edwán é mpʉ̌n

⁴ Diʼe ga ɨ me, mɛm nteme ɨ bɨn. Lɔɔ rezɛŋ, wé abe e nkul egumo mpumo wé ome, anara e l'etin. Yé be ó, bɨn bé anara e me nɛʼɛ, lɛɛ ó, bɨn nteme bé abe e nkul egumo mpumo.

Kálar Nzyɛ̌m : Ejwán é Sáá

⁴ Diʼee gá ɨ́ mpúhlá e me mpʉ mé ntémé dí ɨ́ mpúhlá e bɨ̌n yɨ́. Lɔ́ɔ́ raisin, wé abe e nkul egúmo mpúmó wé omér, anara le etín lé. Bɨ́n óbe, adi ɨ́ mpúhlá e me nɛ́ɛ: lɛ́ɛ́, bɨ̌n bé abe e nkul gúmó mpúmó.

Yʉanes 15:4 ပူးပေါင်းရင်းမြစ်များ

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Yʉanes 8:31

Yesʉs ze lɛɛ e l'oYʉden bé a jyɛʼ taa buʼo yɔɔ boo nye ó: «ǃBɨn si baʼle mokan mam nɛʼɛ, bɨn bé ódi ompʉn bam cyecye.

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

Yʉanes 6:56

Mʉr nyiwɛh lé ede bɨpuno byam le ebɛble motié mam ɨ, nye etiʼe ó, é zyɛŋa wina boo nɔɔ. Me ódɨ kœʼ e nye.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Yʉanes 14:20

Dobo laa, bɨn bé ógʉa ó, me ó ɨ Sɔŋ wam, ndwe nteme, bɨn bé ó ɨ me, mɛm ɨ bɨn.

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

2 Korɛnt 13:5

Pahla ga bɨn bʉr o tɨ, bɨn beŋɨ nkʉ bɨn dina ó lé ejyɛʼ taa buʼo yin boo Zyɛm, nkʉ bɨn bé aka sa no. Bɨn bʉr o tɨ, saŋa egʉa ga nkʉ bɨn bé ekebe moveʼle le entaa mobʉbla. Zê bɨn bé agʉa ó, Yesʉs-Krɨst ó ndɨ é bɨn ɛ? Yé be ó, yé abe no nɛʼɛ, gʉŋa ga ó, bɨn bɨ ku moveʼle maa.

Kolosi 2:6

Bɨn bé a si mɛʼle sikʉlʉ lé etiibe e Yesʉs-Krɨst, ndɨ Tî ga wina ɛ. Ebe no, é zyɛŋa win boo nɔɔ, bɨn bé ejala le ekœʼ ebò e cyen ndɨ ejala ɛ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

Ebrœ̂ 10:39

Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

Mataos 12:33

«ǃBɨn si lɛɛ ó, lɨ, yé é mbɨa nɛʼɛ, gʉŋa ga nteme ó, mpumo we, nye é mbɨa. ǃBɨn si ka lɛɛ ó, lɨ, yé é bebe nɛʼɛ, lɛŋɨ ga nteme ó, yé e bɨbebebebe bɨ mpumo. Mʉr, nye edweʼe lɨ yiyɛh ó, é we mbi mpumo.