Yʉanes 15:2 - Kálara Zyɛ̌m Edwán é mpʉ̌n

² Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Kálar Nzyɛ̌m : Ejwán é Sáá

² Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Yʉanes 15:2 ပူးပေါင်းရင်းမြစ်များ

Mataos 3:10

Zwɨɨ, nye mu ó é car lé etwɛ̀l lɨ nko evuʼ. Nye ótwɛ̀l lɨ yiyɛh ndɨ agumo mɨmpaŋ mɨ mpumo e, guho ye é l'ebeʼe e siʼe.»

Mataos 15:13

Nye ntɔʼ bɨha e be ó: «Mpœʼ yiyɛh Sɔŋ wam ndɨ é jobo kʉ ɨ, a baabè e, yé óduŋɔ ndwe e mɨkaale mye mimyɛh.

Mɨngwiha 3:19

Mʉr nyiwɛh me lé ekpɛl ɨ, me edwe nye mobe ndwe le eturo nye lʉ. Ebe no, gbaʼ ga monyʉl é l'efu ó, bɨn gwɨma mobebe mɨn, le edwir mɨleme.

Yʉanes 15:8

Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Mataos 13:12

Mʉr ndɨ e tɨʼ ɨ, nye óbâʼle bul dweŋɔ, nye nkʉʼ di e bye é ntuʼ-ntu-ntuʼ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Mataos 3:12

Nye e pyɛba é mobo. Nye ólwal mpumo, ntɔʼ pyɛb. Pie tɨ, nye ógwamle duò epyɛb yaa, ntɔʼ komo mɨpyɛba é bɨtaa. No ó, mpʉn nyɛɛ, nye ósyɛŋ nye é syɛŋ syɛŋ, ntɔʼ sʉ é siʼe ndɨ adime-dime e.»

Mataos 21:19

Nye ze bee lɨ figye é l'empàh e mpaʼa. Nye ntɔʼ jyɛl lé eto saa mpumo, akœb bumo gwar tɨ. Nye a kʉ ka kœb ó njɨ bɨka e bɨka. Nye ze lɛɛ e lɨ figye ó: «Abe e lʉʉ dobo, bumo, yé óka cyèl é go!» Cye e cye yaa nɛʼɛ, lɨ figye yaa, yé ntɔʼ dwɛhla!

Ebrœ̂ 12:15

Diʼe ga ncye, ó mʉr ayi fib nkɔb é leme ncwɨncwɨa mo Zyɛm. Kaale lɨ ndɨ é dwie dwie e, bɨntoʼdu, byé amu pah, lé eduho tɨ. Byé óka lœʼ buobuo bʉr é mih mo Zyɛm.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Lʉkas 8:13

Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

1 Korɛnt 13:1

Me dam lwib bɨlwib bɨ bʉr, nkʉ byaa beengles. ǃMe baabe e kpɛl nɛʼɛ, kʉ gʉa ó, me mu ó mpʉ tuʼ engʉŋa lé eduo e, nkʉ mpʉ bɨnkala lé elwaŋla ɛ.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

Yʉanes 17:12

É jɔʼ bɨh e boo nɔɔ, bé a be-be e, me a dɨ baʼle be ó, é nkul die lo go a dwe me e. Me a si kʉ kamle e be! Abe e mʉr ngwar a dim é l'esama lɔɔ, alaa ó waa a bɛa be ó, nye lé ejala le edim ɨ. Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.

Mataos 13:33

Nye ntɔʼ bâʼle sa be kɨkɛna fih. Nye ó: «Jwɨ̀ʼa mo Da, yé enwɨɨla ó e levure. Nuu mʉma a syɛŋ nye e time bler, kwoʼ be okilo mowʉm moba ɛ, to pyal é jɔʼ time waa, wé a vus wiwɛh ɛ.»

Mataos 7:19

Lɨ yiyɛh ndɨ agumo mɨmpaŋ mɨ mpumo e, yé etwɛ̀lɔ, guhɔ é l'ebeʼe e siʼe.

Mataos 25:29

ebe, mʉr nyiwɛh ndɨ e guu paʼ bɨsa ɛ, nye óbâʼle dweŋɔ byʉʉ, nye nkʉʼ di e bye é ntuʼ-ntu-ntuʼ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Markus 4:20

Bʉʉ bɛɛ, bé enwɨɨla ó e mpœʼ yé a kur é mpaŋ si mocyɛʼ ɛ. Bé ze joʼo lɔɔ Zyɛm, nʉa we mbɨmbɨa. Ebe no ó bé lé egumo mpumo é bɨtiʼ byɔɔ ɛ. Maʼ motin, gumo mpumo mowʉm molɛl. Mʉʉ, mpumo mowʉm tobo. Mʉʉ nteme, mpumo nter.»

Yʉanes 15:1

«Me ó mpaŋ etin e rezɛŋ. Sɔŋ wam ó b'a bè le. Nye nteme ó ndɨ ebaʼle le.

Yʉanes 15:3

Motɨɨ me a dwe bɨn ɨ, mɨ pubo bɨn. Bɨn mu ó mɨpuba.

Yʉanes 15:6

Mʉr bɨh e nɔɔ ndɨ abe é zyɛŋa ɛ, nye ómyahɔ kʉl mpʉ lɔɔ rezɛŋ ndɨ agumo e, wé lé emyahɔ ɛ. Wé efwâh. Bé ntɔʼ syɛŋ mɨlɔɔ myaa, é syɛŋ, syɛŋ, guho mye é l'ebeʼe e siʼe. Myé ntɔʼ sie lé ediʼe.

Rôm 11:17

Mpoŋbʉr Ɨzraɛl, nye ó mpʉ lɨ olivye, yé a be-be e mɨlɔɔ myé a jala le esyɛh ɨ. Bé ze nʉa myʉʉ mɨlɔɔ mɨ lɨ olivye yé a pah é diʼ ɨ, ntɔʼ nɛr mye tɨʼ é kubo lɨ yaa. Jwɨʼ gwar e gwar yaa ó bɨn bé a nɛrɔ é kul oYʉden ɨ! Bɨn mu ó é zyɛŋa win boo nɔɔ lé egwɨm dira win nyɔm é mokana lé eduho é mɨkaale e.

Rôm 11:22

Mbe ga: é mpʉʼ ó Zyɛm ndɨ elɛʼle mpwaʼ ncwɨncwɨa we e! Nye nteme lé edi, adihbe bʉr o b'a lɨʼa omyacyɛŋ é nkɨŋlɨ ɨ. Nye ekʉ lɛʼle ncwɨncwɨa we ó, gwɔɔ. ǃGo si bene lé eliʼ é dia ncwɨncwɨa mo Zyɛm nɛʼɛ, gʉŋa ó, nye nteme ókʉ syɛh go mpʉ lɔɔ lɨ, e ncɨr é leme.