Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yʉanes 15:16 - Kálara Zyɛ̌m Edwán é mpʉ̌n

16 Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

16 Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

အခန်းကိုကြည့်ပါ။ ကော်ပီ




Yʉanes 15:16
57 ပူးပေါင်းရင်းမြစ်များ  

Nkʉ bɨn bé a be ó be, be bʉr o si nwaʼ nɛʼɛ, mpa bʉr o si nwa, bé a be ó si kʉ kpɛl bɨn, bʉr o ndɨ egumo e be e. To kœb ó, me a be ó si pɛh bɨn, pɛʼ bɨn é nkɔm bʉr o si nwa, gba bɨn é nkɔm wam. Ebe no ó bʉr o si nwaʼ mu si nwim bɨn ɨ.


Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.


No ó, é jɔʼ mɛn, wé a lama ɛ, nye ze jebe ompʉn be, ntɔʼ pɛh bʉʉ o tɨ. Bim nye a pɛh ɛ, bʉr ewʉm e l'oba. Nye ntɔʼ cyel be é dia mɨlʉmlʉ mye.


Sa gwar, Zyɛm nyɛɛ a ka bee embɨa é nko paʼ we ó, nye lɛʼla me ncwɨncwɨa. No ó, nye a bɛa cyel me é dia syɛl mosa we ó, me dina é mo mo ayo.


No ó, é nko paʼ ga wina, bɨna ga bɛɛ mu ó lé ekpɛla ga ó, ebe, nye a si taare kpɛl bɨna ga.


No ó nye a lɛɛ e me ó: “Da Zyɛm, Sɔŋ bɨmpam ga bina a bɛa pɛh go ó, go gʉŋa gwɨma ye, ó go beŋɨ waa ndɨ Cɨcyel Mʉr ɨ, ó go joʼa nteme nye lé elwib e nʉm we nye mʉr tɨ.


Sikʉlʉ yiyɛh go a joʼo me lé edwe, yaa buobuo oboʼla bé a joʼo e, pɛhɛ bʉr be ebuʼla. Go à dwe be ya. Bɛɛ bé ófuʼla to le edwe bʉʉ bʉr sikʉlʉ gwar yaa.


«Me alwib e bɨn bɨbɛh. Me egʉa baa me a pɛh ɛ. Sa gwar, yé ekʉ jala ó, lɔɔ ndɨ tila é Kalara Zyɛm ɨ, wé dira. Yé ó tila ó: “Mʉr lé ede mode mam ɨ, nyi dwibra e me.”


Yesʉs, nye e be ó: «Ntʉʼ mɛm mʉr tɨʼ a pɛh bɨn, Esama le ompʉn ewʉm e l'oba ɛ? Dam be no, nuu mʉr é l'esama lɨn, nye ó waa mo Njwɨɨ moleme!»


É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.


Mpaŋ kpɛl, yé abe yaa bɨna lé elɛʼle ga Zyɛm ɨ. Mpaŋ kpɛl, yé ó yaa Zyɛm nyɛɛ a lɛʼle bɨna ga ɛ, ebe, nye a si ntɨh bɨna ga Mwan we. Nye ó mʉr a dwè, jala e mɨsyem ga mina, lé eleʼe empime mo Zyɛm ɨ.


No ó bʉr o gwɨhla bɨbɛh, bé a ze jwɨʼla e Zyɛm, lɛɔ ó: «Da, go ó lé egʉa mɨleme mɨ bʉr bɨbɛh. Lɛʼla bɨh é sama bʉr oba ba, waa go a pɛh ɛ,


ebe, ojʉm bɔɔ baa, bé óbee mpʉ bɨn lé edwaabe Zyɛm ɨ. Bé óbee ebò e cyen bɨn ndɨ ekœʼ é pememe e.


Sa yiyɛh ndɨ tila é Kalara Zyɛm ɨ, yé a tilɔ no ó, é l'efu ó, bɨna jwɨʼɨ ga bɨsikʉlʉ ndɨ tɨʼ ɨ. Kalara waa, nye egba bɨna ga nkul é monyʉl. Nkul waa, ndwe e bihbe bɨna lé ebi ga ɛ, byé esa ó, mɨleme ga mina, myé lwɨŋlɨ e mbɛla.


No ó Da Yesʉs a lɛɛ e nye ó: «Toʼ, ebe, me a si pɛh mʉr nɨ. Lɔɔ wam, wé óto lɛɔ boo bʉr o ndɨ abe oYʉden ó, é zi we. Nye ólɛɛ nteme mɨnjwɨɨbʉr mɨ bʉr baa, bé e bwa b'Ɨzraɛl.


No ó, sa yiyɛh bɨn lé edî e mɨnjwɨʼla ɛ, bɨn bé óbi ye, ǃbɨn bé óbuʼla wa.»


Mbɨambɨa Lɔɔ waa ó me lé etuno e, ebe, Zyɛm a si cyel me é dia cyela mɨtuno, le yaa lʉmlʉ, le yaa yeʼle.


Bé a bɔma e bɨsyɛɛla byaa ó, dweʼle yɔɔ, yé nkʉʼ bal bʉr, bʉʉ bʉr ze tile é lʉ wɔɔ é Kalara Zyɛm ó, bɨna liʼɨ ga lé epahle tɨ, ndwe le edweʼe sa bɨna mu lé ebee ga é l'esie e mbi jɔʼ yiʼ ɨ.


Hɨʼɨ, mel mompɨ, nye e nkul esa sa nye kpɛl ɨ, e deʼe le. Nye óbɛm nʉa buʼ deʼe, pɛʼ ye bɨpeh bɨba, nʉa wiʼ paʼ, me jaa daala e tɨ; nʉa guu paʼ nɛʼɛ, me yʉʉ sa daala yé óbiŋɔ-biŋɔ dobo lɨlɛh ɛ.


Bʉr o ndɨ egba motala paʼra bʉr e bʉr ɨ, bé esa no e mɨleme ndɨ mɨloŋla e motala ɛ. No ó, sa lé eduho tɨʼ ɨ, yé ó bɨsyɛɛla bɨ ocɨcyel.


É zi buʼo, Abɛl a si dwe Zyɛm mpaŋ motwina, laa maa mo Kan. Zyɛm a si seʼle nye é lɔb buʼo ye, le elɛɛ ó, nye ó cɨcyel mʉr, le emɛʼle nteme motwina me. É zi buʼo, Abɛl, nye dina ó lé elwib e bɨna ga, dam be ó, nyi dwè.


Me a liʼe go tina Krɛt ó, go nkʉʼ fwahle syɛɛ yé a buʼo gʉʼ ɨ. Syɛɛ yaa, yé a be ó, go pɛhɛ ocyɛb be efoʼ é mɨmbɛr mɨ Zyɛm, lé ecyel-cyel be é bɨnkana bibyɛh, lé esa mpʉ me a lomo go e.


Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.


Zyɛm a si lɛʼle me ncwɨncwɨa we le ecyel me é dia lʉmlʉ we ó, dumo e nye é l'efu ó, byʉʉ bɨkul bibyɛh, byé jyɛʼɛ taa buʼo yɔɔ boo nye, le esa nye mojoʼo. Nye a sa me syɛɛla yaa ó, é l'efu le edwe die e Mwan we kum.


Abe yɛɛ oYʉden bɨbɛh. Bɨh ome, bʉr o Zyɛm a bɛa pɛh ɛ, bɨh ó ndɨ eboʼlo é l'ocyecye, tiibe e nye. Bɨh e nɔɔ, bé a si puhba mobo pie jɔʼ Zyɛm a pɛ̀h nye é foo e.


Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.


Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.


Obɨɔ ga bam aa! Me egwɨm ó, bɨn gʉŋa ó, é bɨjɔʼ é buobuo, me a be ó lé ejwɨʼ ó, me óze bee bɨn. Sa gwar, me a si bul bɔma e mokɔbla. Me óze yɛɛ é l'efu le eze sa syɛɛ-Zyɛm é l'esama lɨn, yé guma nteme mpumo bɨn ye é mpʉ yi gumo mpumo é mɨlal mɨ bʉr o ndɨ abe oYʉden ɨ, ó me nkʉʼ to é mɨngol.


Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»


«Jaʼa ga, bɨn nkʉʼ bi. Saŋa ga, bɨn nkʉʼ bee. Kwaʼla ga ebe, lé nkʉʼ dibɔ bɨn,


«Me ó ndɨ etin e rezɛŋ; bɨn bɛɛ, bé ó mɨlɔɔ. Mʉr bɨh e nɔɔ ndɨ é zyɛŋa ɛ, nye ó ndɨ egumo mpumo é buobuo, ebe, ǃme baabe tɨʼ nɛʼɛ, gʉŋa ga ó, bɨn bé abe e nkul esa yʉʉ mpaŋ sɔʼɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ