Yʉanes 15:12 - Kálara Zyɛ̌m Edwán é mpʉ̌n

¹² Me etiile bɨn tiila ó, kpɛla ga paʼra win, mpʉ me a kpɛl bɨn ɨ.

Kálar Nzyɛ̌m : Ejwán é Sáá

¹² Me lɨ́ elíʼe bɨ́n etié ó, kpɛlaa gá páʼ nyɨ́n mpʉ mé á pa kpɛl bɨ̌n yɨ́!

Yʉanes 15:12 ပူးပေါင်းရင်းမြစ်များ

1 Yʉanes 4:21

Ndwe nteme, Zyɛm a tiile bɨna ga etie ó, mʉr nyiwɛh lé ekpɛl Zyɛm ɨ, nye kpɛlɨ nteme mɨɔ we.

Yʉanes 13:34

Me mu ó lé etiile bɨn edwan e tiila: kpɛla ga paʼra win, mpʉ me a kpɛl bɨn ɨ.

1 Pyɛr 4:8

Sa efoʼ, yé ejala ó, bɨn kpɛla paʼra win kpɛl apurapura, ebe, kpɛl, yé esa ó, bɨna pɛʼɛ ga buobuo bɨbaa bɨna bé a dɨ niʼla paʼra ga wina é lɔb mɨsyem ɨ.

1 Yʉanes 3:23

Etie nye a tiile é l'efu ga lɨna ó lɨ: Bɨna jyɛʼɛ ga taa buʼo ga yina boo Mwan we Yesʉs-Krɨst le ekpɛla paʼra ga wina mpʉ nye a tɨe bɨna ga ɛ.

Rôm 12:10

Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

1 Tesalonika 4:9

É lɔb kpɛl ndɨ paʼra obuʼla ɛ, yé abe e sa me gum ka tile bɨn, ebe, Zyɛm, nyi bɛa dwe bɨn sikʉlʉ tɨʼ é lɔb waa.

1 Tesalonika 3:12

Da Yesʉs cyɛba bɨn é mɨleme, ó leme ncwɨncwɨa bɨn ndɨ e we e, wé nyinɨ. Nye saʼ nteme ó, bɨn kpɛlɨ nteme bʉr ofih é buobuo, kpɛl yaa, yé nkʉʼ bwaʼ. Yé syɛŋɨ no, bɨn kpɛlɨ be mpʉ bɨh lé ekpɛl bɨn ɨ.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

Yʉanes 15:17

Etie me lé etiile bɨn ɨ, lé ó, bɨn kpɛla paʼra win.»

2 Yʉanes 1:5

No ó, Mbɨambɨa mbɛa mʉma wi, mé etiile bɨn etie lɨ—ntʉʼ edwan le etie me lé etiile bɨn ɨ; yé ó njʉ̌m etie bɨn bé a bɛa bi, duho é l'etɔɔrʉ ɨ—, bɨna kpɛla ga paʼra ga wina!