Yʉanes 15:1 - Kálara Zyɛ̌m Edwán é mpʉ̌n

¹ «Me ó mpaŋ etin e rezɛŋ. Sɔŋ wam ó b'a bè le. Nye nteme ó ndɨ ebaʼle le.

Kálar Nzyɛ̌m : Ejwán é Sáá

¹ «Me ó etín é raisin. Sɔ́ŋ wǎm ó dí mbel tɨ̂.

Yʉanes 15:1 ပူးပေါင်းရင်းမြစ်များ

1 Korɛnt 3:9

Ebe, bɨh e Zyɛm ó ndɨ é l'empomo e syɛɛ egwar. No ó, bɨn bɛɛ ó ndɨ peme mo Zyɛm. Bɨn nteme, bé ó mbɛr mo Zyɛm.

Yʉanes 6:55

ebe, bɨpuno byam, byé ó mpaŋ nyɔmlʉ; motié mam, mé ó mpaŋ monyʉla.

1 Yʉanes 2:8

Sa gwar, lé yɛɛ ó edwan le etie—yé ekʉ nyin ó, lé ó cyecye ó, é Yesʉs-Krɨst tʉŋlʉ, ndwe e bɨn bɛɛ nteme—ebe, edurʉ, lé mu ó lé esɔa; mpaŋ myɛn, wé mu ó lé epan.

Markus 12:1

No ó Yesʉs a ze taare lé edwe bʉr sikʉlʉ é zi bɨkɨkɛna. Nye ó: «Yé a ze be ó, mʉr ze li peme, ze bè motin mo orezɛŋ tɨ, ntɔʼ fumo ekɔʼ lé ekɛb peme yaa é nka, kpaʼ ekoʼ enɨnɨ, sa epar, fum eman mpumo, ze fumo toloŋo mbɛr tɨ, fum ecyel bʉr é vaa. Nye ze liʼe ye e l'osyɛl o mosa be, ó bé sea nye ya, ó bé nkʉʼ dɨ cen nye we nkɔb é jɔʼ nkono. Pie tɨ, nye ze tɨ cyen, to é guu lal fih.

Mataos 21:33

Yesʉs ze lɛɛ e be ó: «Joʼla ga yʉʉ kɨkɛna. Yé a ze be ó, mʉr ze li peme, bè motin mo orezɛŋ tɨ, ze fumo ekɔʼ lé ekɛb peme yaa é nka, kpaʼ ekoʼ enɨnɨ lé esa epar, fum eman mpumo, ze fumo toloŋo mbɛr tɨ, fum ecyel bʉr é vaa. Nye ze liʼe ye e l'osyɛl o mosa be, ó bé nkʉʼ dɨ dwe nye we nkɔb é jɔʼ nkono. Pie tɨ, nye ze tɨ cyen, to di é l'ejaa.

Yʉanes 6:32

Yesʉs, nye e be ó: «Me elɛɛ bɨn cyecye ó nɛɛ: ntʉʼ Moyiz a dwe bɨn mpaŋ mode mé a duho é jobo kʉ ɨ. Sɔŋ wam ó lé entɨh mpaŋ mode lé eduho é jobo kʉ ɨ,

Lʉkas 13:6

Yesʉs ntɔʼ sa be kɨkɛna yi: «Yé a ze be ó, nuu mʉr ze bè lɨ figye é peme motin mo orezɛŋ ye. Nye ze naa lɨ yaa, lé esaa mpumo, abee-bee.

Mataos 20:1

«Jwɨ̀ʼa mo Da, yé enwɨɨla ó e mʉr bɨpeme a pyal kʉl é dwine mɛn kuno, lé eto saa bɨlobila byé óto sea nye syɛɛ é peme motin mo orezɛŋ ye e.

Yʉanes 1:9

Myɛn waa wé ome ó b'a kʉ be mpaŋ myɛn. Wé epan é si nwa, lé eze kʉn mʉr nyiwɛh.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Mataos 15:13

Nye ntɔʼ bɨha e be ó: «Mpœʼ yiyɛh Sɔŋ wam ndɨ é jobo kʉ ɨ, a baabè e, yé óduŋɔ ndwe e mɨkaale mye mimyɛh.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Rôm 11:17

Mpoŋbʉr Ɨzraɛl, nye ó mpʉ lɨ olivye, yé a be-be e mɨlɔɔ myé a jala le esyɛh ɨ. Bé ze nʉa myʉʉ mɨlɔɔ mɨ lɨ olivye yé a pah é diʼ ɨ, ntɔʼ nɛr mye tɨʼ é kubo lɨ yaa. Jwɨʼ gwar e gwar yaa ó bɨn bé a nɛrɔ é kul oYʉden ɨ! Bɨn mu ó é zyɛŋa win boo nɔɔ lé egwɨm dira win nyɔm é mokana lé eduho é mɨkaale e.