Yʉanes 14:9 - Kálara Zyɛ̌m Edwán é mpʉ̌n

⁹ Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Kálar Nzyɛ̌m : Ejwán é Sáá

⁹ Yésʉs nzě yala e né ó: «Á bea mɨ́ná bé á dwih di gâ! Nó ó, Philippe, go dína ó, apǎ gʉ́a mê? Mʉr mû sí bee mé nyá, nyɨ́ bee ntémé Sɔ́ŋ wǎm. Á gǒ kǎ lɛ́ɛ ó: “Lɛ́ʼláá bɨ́h Sɔ́ŋ gǒ” ɨ́ yé?

Yʉanes 14:9 ပူးပေါင်းရင်းမြစ်များ

Kolosi 1:15

Yesʉs-Krɨst ó ndɨ gulo mo Zyɛm Sɔŋ, mʉr ndɨ abe lé ebeɔ ɛ. Zyɛm a si cyel Mwan we é nkʉŋ efoʼ ndɨ é bul bwaʼ ɛ. Nye ó é cye yaa, é mɨcyea bɨsa bibyɛh kʉ,

Yʉanes 12:45

Mʉr lé ebee me e, nye ebee nteme mʉr a ntɨh me nwa ɔɔ!

Yʉanes 14:7

Nkʉ bɨn bé a be ó be, gʉa me nɛʼɛ, mpa bɨn bɨ bɛa gʉa nteme Sɔŋ wam. Taare é banana, bɨn mu ó si gʉa nye. Bɨn nteme bɨ bee nye!»

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Yʉanes 10:30

Bɨh e Sɔŋ wam, bé ó sa gwar.»

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Filipi 2:6

Nye a bɛa be ó, mbi tiʼ we, bé e waa mo Zyɛm Sɔŋ asiila ɛ. No ó, nye a baabee ó, cye Zyɛm ye yaa, yé a be ó sa nye a jala le emɛr é kpɨɨɨ ɨ.

Yʉanes 14:20

Dobo laa, bɨn bé ógʉa ó, me ó ɨ Sɔŋ wam, ndwe nteme, bɨn bé ó ɨ me, mɛm ɨ bɨn.

Markus 9:19

Yesʉs ntɔʼ lɛɛ e be ó: «Bɨn bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Lʉkas 12:56

Bɨn baanya-bɨkʉʉŋʉ ba, bɨn bé naa ó lé ekʉ gʉa bɨsa lé ecemle dwehe le ompie e. Bɨn bé egʉa sa lé epyal é si nwa. Zê bɨn bé abe e nkul edweʼe sa mu lé esyɛɛlɨ é jɔʼ yiʼ ɨ?»

1 Korɛnt 15:12

Yé be ó, yé cyecye ó, Krɨst a si pàh é foo nɛʼɛ, a bʉʉ bʉr é l'esama lɨn, bé bana kʉ lɛɛ ó, odwè, bé ákwoʼ pàh é foo nyá ɛ?

Yʉanes 8:19

Bé e nye ó: «A foŋ, nye nko?» Yesʉs, nye e be ó: «Bɨn bé agʉa dam be me, dam be Sɔŋ wam. Nkʉ bɨn be ó be, gʉa me nɛʼɛ, mpa bɨn mu ó si gʉa nteme Sɔŋ wam.»

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.