Yʉanes 14:6 - Kálara Zyɛ̌m Edwán é mpʉ̌n

⁶ Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Kálar Nzyɛ̌m : Ejwán é Sáá

⁶ Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 14:6 ပူးပေါင်းရင်းမြစ်များ

Mɨlʉmlʉ 4:12

«Bʉr o ndɨ ebi tiʼ molu mo mpoʼ mɨmɛh ɛ, bé ebi ye ó, é zi mo Yesʉs, ebe, é si nwaʼ nyiwɛh, yé abe e lʉʉ die efih Zyɛm a lɛʼle bʉr ó, lé ó e nkul edwe be tiʼ molu mo mpoʼ mɨmɛh ɛ, nkʉ yé abe laa le.»

Yʉanes 10:9

Me ó ebe. Mʉr nyiwɛh lé eni é me e, nye óbi tiʼ molu mo mpoʼ mɨmɛh. Nye óni-ni lé ecwɨɨ é l'ebe, bâʼle pyal-pyal kʉl. Nye ókœb mode me.

Éfɛsɔs 2:18

Bɨkul bɨba ga bina dihla kunokuno e Zyɛm Sɔŋ, lé ecwɨɨ é zi Mbɨambɨa Sisim ngwar. Bɨna bé esa ga no ó, dumo e Krɨst.

Yʉanes 1:4

Tiʼ, yé a be ó é Lwib. Tiʼ yaa, yé ó b'a pɛn myɛn é bʉr.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Yʉanes 8:32

É jɔʼ bɨn bé ógʉa ocyecye e, ocyecye waa, wé ódil bɨn é dia otî.»

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Yʉanes 5:21

ebe, jwɨʼ gwar mpʉ Sɔŋ lé epɛ̀h bʉr é mofoo, dwe be tiʼ ɨ, no nteme ó Mwan mo Zyɛm ótiʼ baa nye lé ekpɛl ɨ.

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Yʉanes 15:1

«Me ó mpaŋ etin e rezɛŋ. Sɔŋ wam ó b'a bè le. Nye nteme ó ndɨ ebaʼle le.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Mɨngwiha 22:17

No ó Mbɨambɨa Sisim bé e mʉma mo Ma Ntœme, bé elɛɛ ó: «Ntaʼ.» Ndwe nteme, mʉr lé ejoʼo e, nye lɛŋɨ nteme ó: «Ntaʼ.» Mʉr lé ejoʼo dweh modibe e, nye ntaʼ. Waa nyiwɛh lé ekpɛl ɨ, nye ntaʼ, ze daale modibe mo tiʼ, abwam.

Yʉanes 8:51

Me elɛɛ bɨn cyecye ó nɛɛ: ǃɨ mʉr si baʼle lwib yam nɛʼɛ, nye l'aka dwè.»

1 Yʉanes 2:23

Mʉr ndɨ ekɛla ó, Yesʉs, nye abe Mwan mo Zyɛm ɨ, bé e Zyɛm Sɔŋ, bé abe nkɔm mpwar. To kœb ó, waa lé elɛɛ ó, Yesʉs, nye ó Mwan mo Zyɛm ɨ, nyiha bé e Zyɛm Sɔŋ, ndwe e Mwan mo Zyɛm, bé ó nkɔm mpwar.

Yʉanes 10:28

Me edwe bye tiʼ molu mo mpoʼ mɨmɛh. Byé ákwoʼ dim é nkɔb bʉr. Abe e mʉr ópɛʼ me bya é mobo.

Yʉanes 18:37

Pilat, nye e nye ó: «No ó, go ó bana kʉ be njwɨɨbʉr!» Yesʉs ze bɨha ó: «Go mʉr tɨ, gɨ lɛɛ ó, me ó njwɨɨbʉr. Me a byɛl, ze kaʼ é si nwaʼ ó, lé eze lɛɛ bʉr ocyecye. Mʉr nyiwɛh lé egumo e mʉr lé elɛɛ ocyecye e, nye ejoʼo sa me lé elɛɛ ɛ.»

Yʉanes 6:33

ebe, mode Zyɛm lé entɨh ɨ, mé ó mʉr a duho é jobo kʉ, ze é si nwaʼ ɛ. Nye ó mʉr lé etiʼ bʉr bɨbɛh ɛ.»

Yʉanes 14:19

Yi liʼ ba titia: bʉr o ndɨ egumo e si nwaʼ ɛ, bé aŋa ka bee me. Sa gwar, bɨn bɛɛ, bé ókʉ bee me. Bɨn nteme, bé óbi tiʼ molu mo mpoʼ mɨmɛh ebe tiʼ me ndɨ e ye e.

Yʉanes 6:57

Sɔŋ wam, mʉr a ntɨh me e, nye ó ndɨ kublakubla. Me etiʼe ó ebe nye. Jwɨʼ gwar yaa, mʉr nyiwɛh lé ede me e, nye ó ndɨ ebi tiʼ molu mo mpoʼ mɨmɛh é zi wam.

1 Pyɛr 2:4

Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.

Yʉanes 10:7

Yesʉs a ze bâʼle lɛɛ e be ó: «Me elɛɛ bɨn cyecye ó nɛɛ: me ó ebe e nkal bɨntœme.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

1 Yʉanes 1:8

Yé be ó, bɨna bé elɛɛ ga ó, bɨna bé abe lé esa ga mɨsyem nɛʼɛ, lɛɛ ó, bɨna bɨ sa ga bɨgwìh. Ocyecye, wé abe é bɨna ga tʉŋlʉ.

Yʉanes 6:68

Simɔn Pyɛr, nye e nye ó: «Da, bɨh bé óka to boo zé fih? Go ó ndɨ e motɨɨ lé edwe bɨh tiʼ molu mo mpoʼ mɨmɛh ɛ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Mɨngwiha 19:11

Ngbaa le eka be nɛʼɛ, me ze dwɛʼ, bee ó jobo mu ó mbeʼ. Mpaŋa kabala ze pyal tɨ. Mʉr a be é mpaŋa kabala kʉ ɨ, a be e die e mosʉm ó, «Waa ebuʼla», ndwe e «Mʉr ocyecye». Nye etiʼe mɨlɔb le elwimla dɔm ó, é l'ocɨcyel.

Kolosi 2:9

Kwɨmla mo Zyɛm Sɔŋ ndɨ anwɨɨla e waa mo yʉʉ sɔʼɔ ɛ, wé nteme, wé ó waa mo Krɨst, é nyʉl we tʉŋlʉ.

1 Yʉanes 5:6

Yesʉs-Krɨst, nye ó mʉr a nʉa ndubo é modibe, pie tɨ ntɔʼ pyɛl motié me é klos ɨ. Nye a baaze nʉa ndubo njɨ é modibe. Zea we, wé a be ó lé enʉa ndubo é modibe ndwe le epyɛl motié me. Mbɨambɨa Sisim, nye ó lé eboʼlo no é lɔb ndubo we. Nye eboʼlo no ó, ebe, nye e l'ocyecye.

Mɨngwiha 3:14

«Tila kalara. Go à cen engles lé edwiile mbɛr Zyɛm ndɨ ɨ Laodisea ɛ. Lɛŋɨ nye ó: Waa ndɨ e die ó, Amɛn ɨ, nye nteme ó ndɨ mpaŋ mboʼla, le mʉr ebuʼla. Nye ó waa Zyɛm a cye kʉ e si é zi we e. Nye elɛɛ e go ó:

Kolosi 2:17

Mɨlɔb mɨnɨ mimyɛh, myé ekʉ lɛʼle ó, njɨ sa mpa lé eze e. No ó, ocyecye o tɨʼ wɛɛ, wé ó é Krɨst tʉŋlʉ.

Mɨngwiha 3:7

«Tila kalara. Go à cen engles lé edwiile mbɛr Zyɛm ndɨ ɨ Filadɛlfi ɨ. Lɛŋɨ nye ó: Mokan ma, mé eduho ó, é nʉm mo Mʉr ndɨ ti, waa ndɨ cyecye e. Mbe ga: diba mo njwɨɨbʉr David ó nye ndɨ e ye é mobo nɨ! ǃNye si dib ebe nɛʼɛ, abe e mʉr óka pɨr le. Laa nye si pɨr ɨ, abe e mʉr ndɨ e nkul eka dib. Nye elɛɛ e go ó:

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Ebrœ̂ 9:8

Mbɨambɨa Sisim, nye elɛʼle bɨna ga é lɔb waa ó, jyɛm Saʼ Nɨnɨ mo Zyɛm, yé a be, yé dina lé ecyɛb cɨcyel ɨ, zɨze mʉr, wé a baabe e nkul ekœb zi mbeʼ ndɨ ó, wé kuma é Tiʼe yé a be e l'ekɛn é buobuo e.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Mɨlʉmlʉ 9:2

lé eto dî nye okalara lé edwe nkul é paʼ mompah mɨnjwɨʼla mɨ oYʉden ndɨ ɨ Damas ɨ. ǃBé si láa wa, bé òbir nye, ó nye mɛrɨ bʉr o lé edu Zi Tiʼ ɨ. Nye òbula e be mobo mɨkɛʼa Yerʉsalɛm, taare é bʉba, to pyal é bʉrʉm.