Yʉanes 14:2 - Kálara Zyɛ̌m Edwán é mpʉ̌n

² Me paʼ to komlo bɨn modia gumo bɨn bé óto di ɨ. Mbɛr mo Sɔŋ wam, wé ó, é buo modia. Nkʉ yé a be ó be, abe no nɛʼɛ, mpa me a baalɛɛ e bɨn ó, me óto komlo bɨn modia gʉ.

Kálar Nzyɛ̌m : Ejwán é Sáá

² Mbɛ̌r mé Sɔ́ŋ wǎm, wé ɨ́ buo bídiá. Me páa tó komlo bɨ́n bidiá bɨ́n ngá tó di bí. Yé bé abe nó wá, mpa me bé alɛ́ɛ bɨ́n.

Yʉanes 14:2 ပူးပေါင်းရင်းမြစ်များ

2 Korɛnt 5:1

Bɨna bé egʉa ga ó, monyʉl ga mɨna, mé ó mpʉ bɨsaʼ. ǃMe si dwihɔ é saʼ yam, ndɨ nyʉl wam nwaʼ nɛʼɛ, me óbi odia ofih, waa óduho boo Zyɛm, ndɨ é jobo kʉ ɨ. Ntʉʼ bʉr bé a fumo odia waa. Wé ó ngo di njʉmdia e njʉmdia,

Yʉanes 13:36

Simɔn Pyɛr ze dî e nye ó: «Da, go óto nko?» Yesʉs ntɔʼ bɨha e nye ó: «Go abe e nkul edu me é bananaʼ nko me muno ze to e. Go ófuʼla ka du me yɛɛ.»

Ebrœ̂ 13:14

ebe, é si nwa, bɨna bé abe ga e nkana lé edi njʉmdia e njʉmdia ɛ. Bɨna bé ejoʼo ga dweh eni é nkana fih é molu ndɨ eze e.

Mɨngwiha 21:2

Me a si bee nteme nkana ndɨ e l'ekɛn ɨ, edwan e Yerʉsalɛm. Me a bee ye ó, lé eduho boo Zyɛm é jobo kʉ, fulo si é ntiii. Yé a be ó e nyaŋa é nyʉl mpʉ mʉma lé edi é car ó, nye óbwam, to nko njʉm we ndɨ ɨ.

Mɨngwiha 3:12

Baa bé óbe si ntaa, bula e l'esaa é koo e, me óliŋ be modwii é l'Odia mo Zyɛm, ndɨ Sɔŋ wam ɨ. Bé ócyɛb é nkʉʼʉ. Abe e sa yé ópyɛl be tɨ. Me ótile die mo Zyɛm Sɔŋ wam é monyʉl mɔɔ. Me ótile nteme die e nkana mo Zyɛm Sɔŋ wam, yaa ndɨ edwan e Yerʉsalɛm ɨ. Zyɛm óntɨh nkana yaa kaʼ si, duho é jobo kʉ é ntiii. Me ótile nteme edwan e die lam é monyʉl mo bʉr baa.

Ebrœ̂ 11:10

Abraham nteme a sa no ó, nyɛɛ lé ebono ó, nye ódi é nkana Zyɛm a bòno le efumo e, nkana yaa e nkan Zyɛm a cyel, waa lé ecyɛb é nkʉʼʉ ɨ.

Yʉanes 13:33

Bwan bam aa! Mɨ ka liʼ lé edi e bɨn ó, ma jɔʼ. Bɨn bé ósaa me. No ó, me lé elɛɛ bɨn bananaʼ ó, sa me a taare lé elɛɛ e l'oYʉden ɨ. Yé ó, bɨn bé abe e nkul edu nko me óto e.

Yʉanes 16:4

Mɨ bal bɨn ó nɨ, ebe, é jɔʼ ewala laa, lé óbe si pyal ɨ, bɨn nkʉʼ toŋlo ó: “Eee, yé ó bana kʉ be sa nye a bɛa lɛɛ bɨna ga ɛ!”» «Me a baataare lɛɛ bɨn lɔb nɨ ó, ebe, bɨna ga ó b'a be.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Ebrœ̂ 6:20

É tiʼe yaa ó Yesʉs a ni ɨ. Nye a si ni efoʼ e bɨna ga, ze to é mih mo Zyɛm é l'efu ga lɨna. Nye mu bɨna ga ó Njwɨɨ opara é l'esama le opara mo Mɛlkisedɛk. Nye ódi nteme ó no njʉmdia e njʉmdia.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Ebrœ̂ 9:8

Mbɨambɨa Sisim, nye elɛʼle bɨna ga é lɔb waa ó, jyɛm Saʼ Nɨnɨ mo Zyɛm, yé a be, yé dina lé ecyɛb cɨcyel ɨ, zɨze mʉr, wé a baabe e nkul ekœb zi mbeʼ ndɨ ó, wé kuma é Tiʼe yé a be e l'ekɛn é buobuo e.

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

1 Tesalonika 5:9

Ebe, Zyɛm a baatiile é leme we ó, nye kpaŋa empime e bɨna ga. Nye a pɛh bɨna ga ó, bɨna biʼe tiʼ molu mo mpoʼ mɨmɛh, dumo e Tî ga wina Yesʉs-Krɨst.

Mɨlʉmlʉ 9:16

Me mʉr tɨ, me ólɛʼle nye bim mɨtuu nye lé ekʉ jala le esia e mye é lɔb wam ɨ.»

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Lʉkas 14:22

Pie tɨ, syɛl mosa wé ntɔʼ bâʼle lɛɛ e nye ó: “Da, mɨ sa mpʉ go lɛɛ ó, me saʼ ɛ. Sa gwar, byʉʉ bɨdia, byé dina ó otɨtoʼo.”