Yʉanes 14:16 - Kálara Zyɛ̌m Edwán é mpʉ̌n

¹⁶ Me ódî Sɔŋ wam ó, nye ntɨhɨ bɨn nuu mʉr ókamle e bɨn mpʉ mo me e. Nye óze di e bɨn é jɔʼ yiyɛh.

Kálar Nzyɛ̌m : Ejwán é Sáá

¹⁶ Me ódî e Sɔ́ŋ wǎm ó, nye ntɨ́hɨɨ bɨ̌n nyʉ́ʉ́ kɔ́mlʉ mpʉ mê. Nye ónzě didi e bɨ̌n njʉ̌m dǐ e njʉ̌m dǐ.

Yʉanes 14:16 ပူးပေါင်းရင်းမြစ်များ

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

Yʉanes 15:26

«Mʉr ndɨ ekamle e bɨn ɨ, nye óze. Nye ó ndɨ Sisim Ocyecye, wé óduho boo Sɔŋ wam ɨ. Me ólomlo bɨn nya. Nye òduho boo Sɔŋ wam, ntɔʼ ze boʼlo lɔb wam.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Mɨlʉmlʉ 9:31

No ó, Zyɛm ze dwe bʉr o Mbɛr-Zyɛm jɔʼ ó, bé diʼe é motala é mɨlal mɨ Yʉda, Galɨle ndwe e Samari mimyɛh. Bé a si bul nʉa pim é buʼo, ebe, Mbɨambɨa Sisim a be ó lé egba be nkul é monyʉl. Mbɛr-Zyɛm ntɔʼ bwaʼ le gwɨe. Bé a tiʼe-tiʼe nteme ó, lé ekʉ dwaabe Da Yesʉs.

1 Yʉanes 2:1

Bwa o bwan bam, me etile bɨn bɨsa bɨnɨ ó, bɨn gwaʼa lé eka sa syem. Sa gwar, yé si ka pyal yɛɛ ó, nuu mʉr, nyi sa syem nɛʼɛ, nye gʉŋa ó, nye e mʉr ndɨ ekamle e nye e: Yesʉs-Krɨst, ndɨ cɨcyel mʉr ɨ! Nye ekɛm nye ó, é mih mo Zyɛm Sɔŋ.

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Filipi 2:1

Yé be ó, bɨn bɨ gbaŋɔ nkul é monyʉl, duho é zyɛŋa win boo Yesʉs-Krɨst nɛʼɛ, yé be ó, kpɛl ye, yi lɨl bɨn wa, yé be ó, bɨn mu ó é zyɛŋa win boo Mbɨambɨa Sisim cyecye wa, yé be ó, bɨn bé ó e njwɨʼa-nkoo paʼra win wa,

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Mɨlʉmlʉ 13:52

Ompʉn mo Yesʉs bɛɛ, bé a be ó lwɨŋla e bɨsʉhʉ ndwe e Mbɨambɨa Sisim.

Yʉanes 17:15

Me ajwɨʼla ó, go pɛʼɛ be é si nwa. Me ekʉ ka jwɨʼla ó njɨ go kamla e be é nko paʼ mo Bɨbla-mʉr.

Yʉanes 14:18

«Me ákwoʼ liʼe bɨn bwɔɔnul. Me óbula ze kœb bɨn

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Rôm 8:34

Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Yʉanes 14:14

ǃBɨn si jaʼ sɔʼɔ, pere e die lam nɛʼɛ, me ódwe bɨn ya.»

Yʉanes 17:20

«Me ajwɨʼla é l'efu lɔɔ, bé ome. Me ejwɨʼla nteme ó, é lɔb baa bé ójyɛʼ taa buʼo yɔɔ boo me ebe lɔɔ wɔɔ ɛ.

Yʉanes 16:22

Jwɨʼ gwar e gwar yaa, banana, bɨn bɨ joʼo mompime ebe mpɔʼa ga wina. To kœb ó, me óbâʼle bee bɨn. Bɨn bé òjoʼo bɨsʉhʉ. Abe e mʉr óka pɛʼ bɨn bya é mɨleme.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Mɨlʉmlʉ 1:4

Guu moho é jɔʼ bé e boo nɔɔ, bé a be lé ede e, nye a si cyel be mpene ó: «Apʉʼa ga Yerʉsalɛm, to jaabe. Bɨn bé à bono sa Sɔŋ wam a kɛʼ bɨn ɨ. Yé ó sa me a lɛɛ bɨn ɨ,

1 Yʉanes 2:27

Bɨn bɛɛ, bé ó e Mbɨambɨa Sisim, waa Zyɛm a ntɨh bɨn mpʉ mulo nye lé elœm bɨn e ma ɛ. Sisim waa, wé edi é bɨn ó, di diʼe. Ebe no, bɨn bé aka gwɨm ó, mʉr ntaʼ, ze tɨe bɨn. Sisim Zyɛm a ntɨh bɨn ɨ, wé ó ndɨ eyeʼle bɨn é mɨlɔb mimyɛh—Sisim we waa, wé elɛɛ ó ocyecye, abe mpʉl—, jwɨʼ gwar e gwar mpʉ wé lé eyeʼle bɨn ɨ, jwɨʼɨ ga sikʉlʉ yaa e duu.

2 Yʉanes 1:2

Me etile bɨn é l'efu ó, bɨna nkʉʼ di ga e l'ocyecye. Wé ódi é bɨna ga é jɔʼ yiyɛh.