Yʉanes 14:12 - Kálara Zyɛ̌m Edwán é mpʉ̌n

¹² «Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nye ósa nteme bɨsyɛɛla me lé esa ɛ. Nye nteme ósa byaa ndɨ é laŋle bwaʼ ɛ, ebe, me ebula, to gumo Sɔŋ wam ndɨ ɨ.

Kálar Nzyɛ̌m : Ejwán é Sáá

¹² Mě lɛ́ɛ́ bɨ́n lɨ́ otyeetye ó, mʉr dí edyêʼ koo e me nyá, ósâ ntémé bisyɛ́ɛla mé dí esâ bí. Nye ntémé ósâ byaá bi dí ɨ́ buú bwaʼ bí, ebe mé óbúla, tô gúmó Sɔ́ŋ wǎm dí yɨ́.

Yʉanes 14:12 ပူးပေါင်းရင်းမြစ်များ

Mataos 21:21

Yesʉs ze bɨha e be ó: «Me elɛɛ bɨn cyecye ó nɛɛ: ǃbɨn si jyɛʼ taa buʼo yin boo Zyɛm, asoŋlo é bɨn bʉr o tɨʼ nɛʼɛ, sa bɨn bé ósa ɛ, yé ólaa sa saŋɔ lɨ figye e. ǃBɨn si lɛɛ e l'ecwɨʼ lɨʼ ó: “Mʉŋa naa. Toʼ, to nkaŋa é maŋ” nɛʼɛ, lɔɔ win, wé ókʉ bana dira cyecye.

Markus 16:17

No ó bʉr bé ójyɛʼ taa buʼo yɔɔ boo me e, bé ósa bɨdweʼle bɨ nkul wɔɔ bi: Bé ódwih bʉr moleme é die lam. Bé ólwib bɨlwib bɨfih.

Mɨlʉmlʉ 16:18

Nye a si sa no molu é buobuo. É l'elu le epihe, Pol a be ó é bul duo leme. Nye ntɔʼ ze dwibra, lɛɛ e l'eleme laa ó: «É nkul die mo Yesʉs-Krɨst, me lɛɛ e go ó, duha nye é nyʉl.» É jɔʼ gwar yaa, eleme ntɔʼ pʉʼa ma mʉma waa é nyʉl.

Mɨlʉmlʉ 9:34

No ó Pyɛr a lɛɛ e nye ó: «Ayɨneas! Yesʉs-Krɨst, nyi tiʼ go. Mʉŋa si. Bâʼa tɔɔ go.» Cye e cye yaa, Ayɨneas ntɔʼ mʉa si.

Mɨlʉmlʉ 19:12

No nteme, osana o mɨkan ndwe e bɨpeh mɨkan Pol a kuna e bye e, bʉr bé a dɨ ó nʉa bye, ze taare lé ekɛl mɨsyoblʉ bya é monyʉl, myé ntɔʼ tiʼe! Bɨbɨbla mɨsisim nteme bana duho be é monyʉl!

Mɨlʉmlʉ 9:40

No ó, Pyɛr ntɔʼ pyɛl bʉr bɨbɛh kʉl, kur moboo si, ze jwɨʼla e Zyɛm. Nye ntɔʼ dwibra nko muu, wé a be e, ze lɛɛ ó: «Tabita! Mʉŋa si.» Nye ntɔʼ bɛɛ mih, bee Pyɛr, ntɔʼ di ndindil!

Mɨlʉmlʉ 5:15

No ó bé a ze taare lé ezeŋɔ e mɨsyoblʉ myɔɔ, jyɛʼɔ-jyɛʼɔ mye é nkpah mɨmpaʼa Pyɛr a duula-duula ɛ. Bé a jyɛʼ-jyɛʼ mye no ó, é mɨtɔɔ ndwe e bɨkala, lé ebono Pyɛr. Bé a dɨ bɛla ó, ǃnye si fuuba laa tɨʼ nɛʼɛ: sisîm ye, yé óbɛm kuna e nuu mʉr é sama mɨsyoblʉ myaa, nyiha ntɔʼ tiʼe.

Mɨlʉmlʉ 2:41

Buobuo bʉr é sama yɔɔ, bé ntɔʼ mɛʼle sa Pyɛr a lɛɛ ɛ, ntɔʼ nʉa ndubo. É moho waa, bʉr kwoʼ be otɔɔyin olɛl, bé a si ni é l'esama le obuʼla.

Mɨlʉmlʉ 4:4

Buobuo bʉr o b'a joʼo mɨlɔb myaa ɛ, bé a si buʼla. Tolɔɔ bʉrʉm bé a buʼla ɛ, a si pyal kwoʼ be otɔɔyin otɛn.

Yʉanes 16:7

Me elɛɛ bɨn cyecye ó nɛɛ: embɨa, lé é nko paʼ win ó, me toʼ. ǃMe baato nɛʼɛ, mʉr ndɨ ekamle e bɨn ɨ, nye aŋa ze kœb bɨn. ǃMe si ka to nɛʼɛ, me ntɨh bɨn nya.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Yʉanes 7:33

Yesʉs, nye ó: «Bɨna dina ga ó e ma dia wâ. Me óbula, fiʼ, to nko mʉr a ntɨh me ndɨ ɨ.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Mɨlʉmlʉ 6:7

Bʉr ntɔʼ to dolo lé elɛɛ lɔɔ Zyɛm. Lɔɔ we ze myɛma. Tɔɔ ompʉn ntɔʼ kpahbe buo ɨ Yerʉsalɛm. Buobuo bʉr é sama opara ze jyɛʼɔ taa buʼo yɔɔ boo Zyɛm, le esa nye mojoʼo.

Mɨlʉmlʉ 4:16

Bé a lɛɛla paʼra wɔɔ ó: «Bɨna saʼ ga bʉr baʼ nyá ɛ? Ebe, bʉr o Yerʉsalɛm bɨbɛh, bɨ gʉa é kpɛhla ó, bɨ sa dweʼle nkul wɔɔ tɨ. Bɨna bé abe e nkul eka soŋlo ga.

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Mɨlʉmlʉ 10:46

Bé a jehe ó, ebe, bé a be ó, bé mu lé elwib bɨlwib bɨfih, le egumlo mpwaʼ kum mo Zyɛm. No ó Pyɛr a ka dî ó:

Mɨlʉmlʉ 4:33

Mɨlʉmlʉ mo Da Yesʉs, myé a boʼlo pɛ̀ha foo we ó e buobuo nkul. Ebe no ó Zyɛm a sʉ be mocyɛʼ mo mpom é ntuʼ-ntu-ntuʼ ɨ.

Markus 11:13

Mpʉ nye a cyɛb ká ká, bee lɨ figye e bɨka é lyoʼ-lyoʼ e, nye ntɔʼ dihle kunokuno e lɨ, ze to dwɛʼ nkʉ nye óbɛm kœb bumo ede tɨ. Pyala nye a ka pyal é l'etin le si ɨ, nye a kʉ ka kœb ó njɨ bɨka e bɨka, ebe, yé a baabe jɔʼ nkono bɨlɨ bɨ ofigye.

Yʉanes 4:37

ebe, yé cyecye ó: “Nwaʼ, nye eli, bè; nuu, nye eze é mɨngol.”

Yʉanes 5:20

ebe, Zyɛm Sɔŋ, nye ekpɛl Mwan mo Zyɛm. Nye elɛʼle nye sa nye mʉr tɨʼ lé esa ɛ. Nye ólɛʼle nye bɨsyɛɛla nye óka to le esa-sa ɛ. Byé ólaa byaa bi, bɨn nkʉʼ bul jehe,