Yʉanes 13:3 - Kálara Zyɛ̌m Edwán é mpʉ̌n

³ Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Kálar Nzyɛ̌m : Ejwán é Sáá

³ Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Yʉanes 13:3 ပူးပေါင်းရင်းမြစ်များ

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 8:42

Yesʉs, nye e be ó: «Nkʉ Zyɛm a be ó be, be Sɔŋ win cyecye nɛʼɛ, mpa bɨn mu ó si kpɛl me, ebe, me a duho ó boo Zyɛm waa. No yaa ó me ndɨ wâʼ ɛ. Me a baaze kaʼ é gwɨma yam me mʉr tɨ, njɨ ebe gwɨma mo mʉr a lomo me e.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

1 Korɛnt 15:27

ebe, yé ó tila ó: «Zyɛm a si gba bɨsa bibyɛh é jwɨɨ ye. Byé óbe ó é mobò me si.» Ebe no, yé elɛʼle é sʉlʉlʉ ó, Zyɛm nyɛɛ, mʉr lé egba sa yiyɛh é jwɨ̀ʼa mo Krɨst yaa ɛ, nye abe tɨʼ é jwɨ̀ʼa yaa tʉŋlʉ.

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

Yʉanes 13:1

Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.

Yʉanes 7:33

Yesʉs, nye ó: «Bɨna dina ga ó e ma dia wâ. Me óbula, fiʼ, to nko mʉr a ntɨh me ndɨ ɨ.

Yʉanes 7:29

Mɛm, me egʉa nye, ebe, me a duho ó nye ye ɔɔ! Ndwe nteme, nye ó b'a ntɨh me ɔɔ!»

Yʉanes 3:13

Abe e mʉr ngwar ndɨ si pa bere, to pyal é jobo kʉ, pie Mwan mo Mʉr, mʉr a duho é jobo kʉ, ze kaʼ é si nwaʼ ɛ.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Lʉkas 10:22

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

Yʉanes 8:14

Yesʉs, nye e be ó: «Me dam boʼlo lɔb wam me mʉr tɨ, sa me lé elɛɛ ɛ, yé yɛɛ ó cyecye, ebe, me egʉa nko me a duho ndwe e nko me lé eto e. Sa gwar, bɨn bɛɛ, bé agʉa nko me a duho e, nkʉ nko me lé eto e.