Yʉanes 13:10 - Kálara Zyɛ̌m Edwán é mpʉ̌n

¹⁰ Yesʉs, nye e nye ó: «Mʉr mu si bɛa jwɨ̀a ɛ, nye aka jala le ebâʼle jwɨ̀ɔ, alaa ó njɨ mokʉ, ebe, nye ó nyʉl nyiwɛh njwɨ̀a. Bɨn bé ó mɨnjwɨ̀a. Sa gwar, abe bɨn bɨbɛh.»

Kálar Nzyɛ̌m : Ejwán é Sáá

¹⁰ Yésʉs, nye e né ó: «Mʉr mû sí boó jwɨa nyá, nyé akǎ jala le ebáʼǎ jwɨɔɔ, alaa ó njɨ mekʉ̌, ebě, nye ó nyʉ̂l nyɨnyɛ̂h njwɨá. Bɨ̌n bé ó minjwɨá. Sâ gwár, ntʉ bɨ́n bɨ́bɛ̂h dí minjwɨá.»

Yʉanes 13:10 ပူးပေါင်းရင်းမြစ်များ

Yʉanes 15:3

Motɨɨ me a dwe bɨn ɨ, mɨ pubo bɨn. Bɨn mu ó mɨpuba.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Jacques 3:2

Bɨna ga bɨbɛh, bé esa ga mobebe, mɨmbi mimyɛh. Mʉr ndɨ abe lé esa ebebe é jɔʼ nye lé elwib ɨ, nyi kumo é l'ombɨmbɨa é mɨpaʼ mimyɛh. Nye ó e nkul ebaʼle nyʉl we, nye l'aka sa tʉa e syɛɛla ebebe.

Ebrœ̂ 9:10

Zyɛm a nʉa tiʼa ó, bʉr, bé ódu mbi motie myaa ó, to pyal é jɔʼ nye óka komlo mozi bʉr, bé ójala le edu ɨ. Motie mo efoʼ monɨ, mé a kʉ dwɛʼ ó, njɨ bɨsa bɨ tiʼ mʉr kaʼ si. Mé a lɛʼle nye ó, mɨmbi monyɔmlʉ le monyʉla myé a jala le edeŋɔ ɛ, ndwe mpʉ bʉr lé ejala le edubo bɨsɔʼɔ é modibe lé epub bye e.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Mataos 6:12

Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

Yʉanes 13:9

Simɔn Pyɛr, nye e nye ó: «Da, yé be no nɛʼɛ, ajwɨ̀ɨ me njɨ mokʉ e mokʉ. Jwɨ̀ŋɨ me nteme mobo ndwe e lʉ.»

Yʉanes 13:18

«Me alwib e bɨn bɨbɛh. Me egʉa baa me a pɛh ɛ. Sa gwar, yé ekʉ jala ó, lɔɔ ndɨ tila é Kalara Zyɛm ɨ, wé dira. Yé ó tila ó: “Mʉr lé ede mode mam ɨ, nyi dwibra e me.”