Yʉanes 13:1 - Kálara Zyɛ̌m Edwán é mpʉ̌n

¹ Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.

Kálar Nzyɛ̌m : Ejwán é Sáá

¹ Yé á be ó, nzɔɔ Páska mû kúno ebwalɔɔ. Yésʉs nyɨɛ á be ó sí boó gʉ́a ó, jɔʼ dí ó, nye káa duhǒ sí yɨ̂, bére kwá Sɔ́ŋ yɨ́, mû ó sí pyâl. Jɔʼ yɨ́yɛ̂h, nye á be ɨ́ buú kpɛl bʉ̂r bé, bé á di ɨ́ sí yɨ̂ʼ bá. Nye á kpɛl bé ó, abe le odumo.

Yʉanes 13:1 ပူးပေါင်းရင်းမြစ်များ

Yʉanes 12:23

Yesʉs, nye e be ó: «Banana, jɔʼ Mwan mo Mʉr lé ekʉ jala le ebi kum we e, yé mu ó si pyal!

1 Yʉanes 4:19

No ó, é nko paʼ ga wina, bɨna ga bɛɛ mu ó lé ekpɛla ga ó, ebe, nye a si taare kpɛl bɨna ga.

Yʉanes 13:34

Me mu ó lé etiile bɨn edwan e tiila: kpɛla ga paʼra win, mpʉ me a kpɛl bɨn ɨ.

Yʉanes 16:28

Me a si kʉ duho nye ye, ze pyal kaʼ é si nwa. Me óbula mʉa, liʼe si nwa, bere nko Sɔŋ wam ndɨ ɨ.»

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Yʉanes 18:4

Tina, yé ó, mpʉ Yesʉs a be lé egʉa sa yé ópyal nye e, nye ntɔʼ to nko bé a be e, ze dî e be ó: «Zé bɨn lé esaa ɛ?»

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

Yʉanes 17:16

Bé aduho é si nwa, mpʉ mɛm nteme ndɨ aduho tɨʼ ɨ.

Yʉanes 17:1

É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Mataos 26:45

No ó nye a ka to nko ompʉn, bé a be e. Nye e be ó: «Zê bɨn bé ókʉ ka di ó njɨ é bɨdwo ndwe le egbala é jɔʼ yiyɛh ɛ? Mbe ga: ewala enɨ, lé mu ó kunokuno le epyal! Mwan mo Mʉr, nyi kɛhɔ boo osyɛl o mɨsyem!

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Ebrœ̂ 6:11

Bɨh bé egwɨm ó, mʉr nyiwɛh saʼ zyee lé esea syɛɛ yaa, to pyal é l'odumo, akar. É jɔʼ yaa ó leme mʉr waa, wé óloŋlo e mbɛla ɛ.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Rôm 8:37

Dam be mobebe mɨmɛh ndɨ epyal bɨna ga monɨ, bɨna ga bé ó bɨnkɔɔ dumo e Krɨst, mʉr lé ekpɛl bɨna ga ɛ.

Yʉanes 17:26

Me a si lɛʼle be mpʉ go ndɨ ɨ. Me nteme óbâʼle lɛʼle be. Ebe no, kpɛl go lé ekpɛl me e, yé óntaa é be, ebe, me mʉr tɨ, me óbe ó é be.»

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Yʉanes 11:55

Ebʉʼ e Paska oYʉden, lé a be ó, lé mu kunokuno le epyal. Buobuo bʉr o lal ze taare lé eto Yerʉsalɛm, to puba jyɛm lé a be, lé l'apa taare e.

Yʉanes 7:30

Bé a be ó lé esaa ó, bé pa ó kʉ naʼ nye mobo é nyʉl. Sa gwar, abe e mʉr a gba nye mbo é nyʉl, ebe, jɔʼ efie le, yé a baapa pyal.

Yʉanes 7:6

Yesʉs, nye e be ó: «Epʉla lam, lé apa pyal. Bɨn bɛɛ ó ndɨ e mbɨambɨa jɔʼ é molu mɨmɛh.

Yʉanes 6:4

Paska, ebʉʼ le oYʉden, yé a be ó, yé mu kunokuno le epyal.

Lʉkas 22:53

Bɨna bé a be ga ó, dobo lɨlɛh é jahla bii mo Zyɛm. Bɨn bé a baakɛl me mbo é nyʉl. Bɨn bé emɛr mé é bananaʼ ó, ebe, ewala lɨ, lé mu ó jɔʼ yin, bɨn boo Satan!»

Lʉkas 9:51

É jɔʼ elu Yesʉs a jala ó, nye pʉʼa é si nwaʼ, lé a be, lé mu lé ekunbo e, nye ze tiʼe é leme we ó, nye to ó Yerʉsalɛm.

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Yʉanes 8:20

Yesʉs a lwib bɨlwib bɨnɨ ó, nyɛɛ lé edwe bʉr bɨsikʉlʉ é jahla bii mo Zyɛm, gumo wolo mɨndwɛa, yé a be e. Abe e mʉr a naʼ nye mobo é nyʉl, ebe, ewala le, lé a baapa pyal.

Yʉanes 2:13

Mpʉ ebʉʼ e Paska le oYʉden, lé a be, lé mu kunokuno le epyal ɨ, Yesʉs ze to Yerʉsalɛm.

Yʉanes 13:29

Bé a niŋe ó, yé a be ó é lɔb dia mbɔʼlʉ ekuro Yʉdas a cyelɔ tɨʼ ɨ. Bé a dɨ jwɨʼ ó, Yesʉs a lomo nye ó, nye toʼ, to bwam sa yé óbe be e nyɔm é l'ebʉʼ ɨ, nkʉ ntɔʼ ó, nye toʼ, to gul baanteʼenteʼe.)

Yʉanes 14:31

No ó, yé ekʉ jala ó, bʉr bɨbɛh, bé gʉŋa ó, me ekpɛl Sɔŋ wam, le nteme ó, me esa ó, njɨ mpʉ nye a tiile me motie e. Mʉŋa ga si, bɨna pʉʼa ga wâ.»

Yʉanes 19:28

Pie tɨ, mpʉ Yesʉs a gʉa ó, bɨsa bibyɛh, byé a be ó, byé mu ó lé elwɨŋlɨ ɨ, nye ntɔʼ lɛɛ ó: «Me ejoʼo dweh modibe.» (Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.)