Yʉanes 12:32 - Kálara Zyɛ̌m Edwán é mpʉ̌n

³² No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

Kálar Nzyɛ̌m : Ejwán é Sáá

³² Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

Yʉanes 12:32 ပူးပေါင်းရင်းမြစ်များ

Yʉanes 8:28

Yesʉs ze lɛɛ e be ó: «É jɔʼ bɨn bé óbɨr Mwan mo Mʉr kʉ ɨ, é jɔʼ yaa ó bɨn bé ógʉa ó, mɛm ó ndɨ Me-ó-tɨʼ ɨ. Bɨn bé ógʉa ó, me abe lé esa yʉʉ sɔʼɔ njɨ é nkul wam me mʉr tɨ. Me ekʉ lwib-lwib ó, njɨ sa Sɔŋ wam a yeʼle me e.

Yʉanes 3:14

Jwɨʼ gwar e gwar mpʉ Moyiz a nʉa kpɛʼa nyʉa nkoho, pɛn é lɨ, bɨn ye kʉ é feha si ɨ, jwɨʼ gwar e gwar yaa nteme ó Mwan mo Mʉr lé ejala le ebɨnɔ kʉ ɨ.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Yʉanes 6:44

ǃƗ Sɔŋ wam, mʉr a lomo me e, si bene lé edulo mʉr nɛʼɛ, mʉr waa l'aze boo me. To kœb ó, waa ódulɔ ɛ, me ópɛ̀h nye é foo é moho epihe, ntible-bɨkaŋa.

1 Yʉanes 2:2

Ebe, Yesʉs-Krɨst, nye ó mʉr a dwè, jala e mɨsyem ga mina, efie le laa, lé ó ngo leʼe empime mo Zyɛm. Abe njɨ mɨsyem ga mina, myé ome. Nye a dwè ó, jala e bʉr o si nwaʼ nyiwɛh!

1 Timotɛ 2:6

Nye ó b'a kɛha tiʼ ye lé ejala e mobebe mo bʉr bɨbɛh, le ekʉr be e. No ó, mboʼla waa, wé a lɛɔ ó, njɨ é jɔʼ wé a jala le elɛɔ ɛ.

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Yʉanes 1:7

Nye a be ó mboʼla, lé eze boʼlo é lɔb myɛn waa. Nye a ze ó, bʉr bɨbɛh, bé jyɛʼɛ taa buʼo yɔɔ boo Zyɛm ebe lɔɔ we waa.

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Yʉanes 19:17

bé ntɔʼ mʉa nkana, nye mʉr tɨʼ lé enkɛɛ klos ye. Bé e boo nɔɔ ze toŋɔ gumo ndɨ ejebɔ ó, Gumo koko lʉ ɨ. (No é lwib arameyɛŋ, yé ó Golgota.)

Yʉanes 12:34

Ntuntuma bʉr, yé e nye ó: «Bɨh bé a si joʼo bab lé eláa é motie mo Zyɛm ó, Lœma mulo mo Zyɛm ódi njʉmdia e njʉmdia. Go ka lɛɛ ó, yé ekʉ jala ó, Mwan mo Mʉr, nye bɨnɔ kʉ. Go lɛɛ no é yé? Zé nyɛɛ ndɨ Mwan mo Mʉr waa ɛ?»

Yʉanes 18:32

Yé a syɛɛlɨ no ó, lé edira mokan Yesʉs a lɛɛ, tiibe e mbi efie nye a be ó, nye ódwè e.