Yʉanes 12:23 - Kálara Zyɛ̌m Edwán é mpʉ̌n

²³ Yesʉs, nye e be ó: «Banana, jɔʼ Mwan mo Mʉr lé ekʉ jala le ebi kum we e, yé mu ó si pyal!

Kálar Nzyɛ̌m : Ejwán é Sáá

²³ Yésʉs, nye e bé ó: «Ɨ́ báánâ, jɔʼ Mwân mé Mʉr jálá le enʉa kûm nyé yɨ́, yé mû ó sí pyâl.

Yʉanes 12:23 ပူးပေါင်းရင်းမြစ်များ

Markus 14:41

É jɔʼ lɛl nye a bâʼle ze e, nye e be ó: «Zê bɨn bɛɛ, bé ókʉ ka di ó njɨ é bɨdwo le egbala é jɔʼ yiyɛh ɛ? Yi jala: ewala enɨ, lé mu ó si pyal. Mbe ga: Mwan mo Mʉr, nyi kɛhɔ boo osyɛl o mɨsyem!

Mataos 25:31

«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.

Yʉanes 12:16

Ompʉn be, bé a baataare joʼo peh Kalara Zyɛm yaa. Bé a ka ze gʉa ye ó, pie jɔʼ Yesʉs a bula bi kum we e. É dobo laa ó bé a taare lé egʉa ó, mpa ogwiha o mɨlɔb, bé a tile-tile bɨsa bɨnɨ bibyɛh ó, tiibe e nye! Bé a ze gʉa nteme ó, bé bʉr o tɨ, bé a sa nye bɨsyɛɛla bɨnɨ ó, kʉ be mpʉ byé a bɛa be mɨtila é Kalara Zyɛm ɨ.

Mataos 26:45

No ó nye a ka to nko ompʉn, bé a be e. Nye e be ó: «Zê bɨn bé ókʉ ka di ó njɨ é bɨdwo ndwe le egbala é jɔʼ yiyɛh ɛ? Mbe ga: ewala enɨ, lé mu ó kunokuno le epyal! Mwan mo Mʉr, nyi kɛhɔ boo osyɛl o mɨsyem!

Markus 14:35

Nye ze to ba dolo, ntɔʼ nkaŋa si, sa mɨnjwɨʼla ó: «Nkʉ yé óbɛm bana, bɨh e l'ewala lɨ, bé dwɛha.»

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Yʉanes 12:27

«Banana, leme wam, wé ó me é mo é zaaama. No ó, me lɛŋɨ é yé? Zê me lɛŋɨ Sɔŋ wam ó, nye pɛʼɛ me é sa muno ze pyal me é bananaʼ yiʼ ɛ? Kar! Ebe sa nɨ ó me a ze e, ó me bɔma é jɔʼ mɨtuu.

Yʉanes 13:1

Yé a be ó, yé mu moho ebʉʼ e Paska. Yesʉs a be ó si bɛa gʉa ó, ewala, lɨ pyal, jɔʼ nye duha é si nwa, to boo Sɔŋ ɨ. Nye a be ó si bul kpɛl nkɔb bʉr bé a be baa be, baa bé a liʼ di é si nwaʼ ɛ. Nye a kpɛl be ó, to pyal é l'efehle.