Yʉanes 12:16 - Kálara Zyɛ̌m Edwán é mpʉ̌n

¹⁶ Ompʉn be, bé a baataare joʼo peh Kalara Zyɛm yaa. Bé a ka ze gʉa ye ó, pie jɔʼ Yesʉs a bula bi kum we e. É dobo laa ó bé a taare lé egʉa ó, mpa ogwiha o mɨlɔb, bé a tile-tile bɨsa bɨnɨ bibyɛh ó, tiibe e nye! Bé a ze gʉa nteme ó, bé bʉr o tɨ, bé a sa nye bɨsyɛɛla bɨnɨ ó, kʉ be mpʉ byé a bɛa be mɨtila é Kalara Zyɛm ɨ.

Kálar Nzyɛ̌m : Ejwán é Sáá

¹⁶ (Ompʉ́n bé, bé á bé anyɛɛ́ jóʼǒ péh Mékaná mé Nzyɛ̌m yaá. Bé á ka nze gʉ́a yé ó, píe jɔ̌ʼ Yésʉs á nʉa kûm nyé yɨ́. Jɔʼ yaá ó bé á ka gʉ́a ó, nkúná ogwíha o mílɔ̌b, bé á cɨcɛma bisá bínɨ̌ bíbyɛ̂h ó, dumo e né. Bê nzě gʉ́a ntémé ó, bʉr ónɨ̌, bé á sâ nye bisyɛ́ɛla byaá ó, mpʉ byé á boo be micɛmá yɨ́.)

Yʉanes 12:16 ပူးပေါင်းရင်းမြစ်များ

Yʉanes 14:26

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

Yʉanes 12:23

Yesʉs, nye e be ó: «Banana, jɔʼ Mwan mo Mʉr lé ekʉ jala le ebi kum we e, yé mu ó si pyal!

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 8:1

Lʉ ekan é bɨsa bɨh lé elɛɛ bɨn ɨ, wé ó wi: bɨna ga bé ó e mbi njwɨɨ opara waa, ndɨ e nkul eloŋlo syɛɛ yaa yiyɛh ɛ. Nye ó ndindil é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

Yʉanes 16:4

Mɨ bal bɨn ó nɨ, ebe, é jɔʼ ewala laa, lé óbe si pyal ɨ, bɨn nkʉʼ toŋlo ó: “Eee, yé ó bana kʉ be sa nye a bɛa lɛɛ bɨna ga ɛ!”» «Me a baataare lɛɛ bɨn lɔb nɨ ó, ebe, bɨna ga ó b'a be.

Lʉkas 24:45

Nye ntɔʼ dib be zi egʉa sa ndɨ tila é Kalara Zyɛm ɨ.

Lʉkas 24:25

No ó Yesʉs a ze lɛɛ e be ó: «Bɨn bʉr o mosono ndɨ luʼo pɨʼ ɨ, alɨ buʼla lɔɔ ogwiha o mɨlɔb, bé a lɛɛ ɛ.

Lʉkas 18:34

No ó, ompʉn be, bé a baajoʼo sa gwar é mɨlɔb myaa. Ekan laa, lé a be be ó, fela. Bé a baajoʼo sɔʼɔ é lɔɔ waa wiwɛh.

Lʉkas 9:45

Dam be no, ompʉn be, bé a baagʉa joʼo sa nye a lɛɛ be e. Ekan laa, lé a be be ó fela, ó bé l'ayi kpahbe joʼo le. Bé a be nteme ó, lé ekpɛɛ lé edî nye tia é lɔb waa.

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Markus 9:32

Dam be no, ompʉn be, bé a baagʉa joʼo sa nye a lɛɛ be e. Bé nteme bé a be ó lé ekpɛɛ lé edî nye tia tɨ.