Yʉanes 11:52 - Kálara Zyɛ̌m Edwán é mpʉ̌n

⁵² Abe njɨ é l'efu e bʉr o kul gwar yaa bé ome. Nye nteme a dwè ó, é l'efu e bwan mo Zyɛm bɨbɛh! Mpʉ bɨ myɛma é mɨlal myoonkan ɨ, nye ónʉa be, ntɔʼ syɛŋ be, ó bé diʼe njɨ sa gwar.)

Kálar Nzyɛ̌m : Ejwán é Sáá

⁵² Abě njɨ ɨ́ lɔ̌b óYúden bé omér. Nye ntémé á dwe ó, lɨ́ esú é bwán mé Nzyɛ̌m bɨ́bɛ̂h. Nye ónʉa bé ɨ́ bigúmó byɔ́ɔ́, syɛŋ bé sûm gwár, ó bé díʼee njɨ kûl gwár.)

Yʉanes 11:52 ပူးပေါင်းရင်းမြစ်များ

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

1 Yʉanes 2:2

Ebe, Yesʉs-Krɨst, nye ó mʉr a dwè, jala e mɨsyem ga mina, efie le laa, lé ó ngo leʼe empime mo Zyɛm. Abe njɨ mɨsyem ga mina, myé ome. Nye a dwè ó, jala e bʉr o si nwaʼ nyiwɛh!

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.

Rôm 3:29

Zê Zyɛm, nye ó njɨ waa oYʉden bé ome ɛ? Ntʉʼ nye ndɨ Zyɛm é l'efu e bʉr o bɨkul bɨfih nteme ɛ? Eee, nye ó kʉ be Zyɛm wɔɔ nteme,

Lʉkas 2:32

Mwan nwa, nye óbe ó myɛn wé ókʉn bʉr o bɨkul bɨfih ó, byé gʉŋa go e. Bʉr bo, bwa b'Ɨzraɛl, bé óbul seʼlɔ ebe nye.»

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

Éfɛsɔs 3:11

É jɔʼ kʉ e si, byé a baapa be e, Zyɛm a bɛa tiʼe é leme we ó, nye óze dira jwɨʼ ye ó, é zi mo Tî ga wina Yesʉs-Krɨst.

Éfɛsɔs 1:5

nye a bɛa tiile é leme we ó, nye cyel bɨna ga é dia bwan o mobœʼa be ó, dumo e Yesʉs-Krɨst. Nye a sa no ó, njɨ ebe kpɛl ye ndwe e bɨgwɨma bɨ leme we.

Rôm 4:17

Yé ó mpʉ yé ndɨ tila é Kalara Zyɛm ɨ. Yé ó tila ó: «Me ósa ó, go diʼe sɔŋ buobuo bɨkul.» Nye ó kʉ be sɔŋ ga wina, ebe, nye a be ó si jyɛʼ taa buʼo ye boo Zyɛm, waa lé epɛ̀h bʉr é mofoo e. Zyɛm ó ndɨ esa ó, sa yé a baataare be e, yé beʼ.

Mɨlʉmlʉ 18:10

Ebe, bɨna e go ó ndɨ. Abe e mʉr ndɨ e nkul emɛr go, nkʉ waa ngbaa sa go sa cere. Mɛm, me e bʉr é buobuo é nkana nɨ.»

Yʉanes 12:32

No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Yʉanes 1:12

Dam be no, bʉr o b'a nʉa nye e duu, jyɛʼɔ taa buʼo yɔɔ boo nye e, bé ó nye a dwe nkul ó, bé diʼe bwan mo Zyɛm ɨ.

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.

Lʉkas 15:8

Yesʉs ze sa yʉʉ kɨkɛna, lé eyɨm nkpaa. Nye ó: «Yé a ze be ó, mʉma e mɨsaŋ mɨ mɔn ewʉm, saŋ ngwar ze dim. Nye ze tumo elama, gwamle mbɛr. Nye ze taare lé esaa we cɨcyoʼ, cɨcyoʼ, to pyal é jɔʼ nye a bee we e.