Yʉanes 10:30 - Kálara Zyɛ̌m Edwán é mpʉ̌n

³⁰ Bɨh e Sɔŋ wam, bé ó sa gwar.»

Kálar Nzyɛ̌m : Ejwán é Sáá

³⁰ Bɨ̌h e nɔ́ɔ́, bé ó sâ gwár.»

Yʉanes 10:30 ပူးပေါင်းရင်းမြစ်များ

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Yʉanes 8:58

Yesʉs, nye e be ó: «Me elɛɛ bɨn cyecye ó nɛɛ: Abraham l'apa be, Me-ó-tɨ.»

Yʉanes 5:17

No ó Yesʉs a ze lɛɛ e be ó: «Sɔŋ wam, nye esea ó, é jɔʼ yiyɛh, ze pyal é banana. Mɛm nteme, me esea no.»

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Yʉanes 17:10

Sa yiyɛh me ndɨ e ye e, yé ó yo. Yaa yiyɛh go ndɨ e ye e, yé ó yam. Me e kum ó, ebe bʉr bam baa.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Yʉanes 16:15

Sa yiyɛh Sɔŋ wam ndɨ e ye e, yé ó sa yam. Ebe no, me a lɛɛ e bɨn ó nɛɛ: Mbɨambɨa Sisim ólɛɛ bɨn mɨlɔb lé etiibe e me e.»

1 Yʉanes 5:7

To kœb ó, bɨsa lé eboʼlo ocyecye, tiibe e Mwan mo Zyɛm ɨ, byé ó bɨlɛl:

Yʉanes 10:29

Sɔŋ wam, mʉr a ntɨh me bya ɛ, nye e nkul, laa bʉr bɨbɛh. No ó, mʉr, nye abe e nkul edɛʼ sɔʼɔ é mbo we.

Yʉanes 10:36

A, ebe yé bɨn lé elɛɛ ó, me epyeh nye e? Zê yé ó, ebe, me si gwih bɨn ó, me ó Mwan we ɛ? Me ó kʉ be waa Zyɛm Sɔŋ a pɛh, ntɨh kaʼ é si nwaʼ ɛ.