Yʉanes 10:3 - Kálara Zyɛ̌m Edwán é mpʉ̌n

³ Mʉr lé ecyɛb é vaa ɛ, nye edib ebe ó kobla bɨntœme. Bɨntœme, byé edweʼe ecel le. Nye ejebe bɨntœme bye ó, behe ntœme yiyɛh e mpaŋ die le, bé e boo nɔɔ ntɔʼ pyal kʉl.

Kálar Nzyɛ̌m : Ejwán é Sáá

³ Mʉr dí edwéele ébê nyá, nyě dǐb ó mbɔʼlʉ lǎ. Binteme, byé lɨ́ edweʼe étyél lé. Nyě jɨ́jébé bínteme byé ó e míé mɔ́ɔ́, tʉtô e byé kʉ̌l.

Yʉanes 10:3 ပူးပေါင်းရင်းမြစ်များ

2 Timotɛ 2:19

Dam be no, nkan Zyɛm a cyel ɨ, nye dina ó, lé ecyɛb é nkʉʼʉ. Mokan nye a tile e nkan waa ɛ, mé ó ma: «Da, nye egʉa baa ndɨ baa be e.» Mʉʉ mo tɨ, mé ó: «Mʉr lé etɨʼ bɨr, le elɛɛ ó, nye ó ndɨ waa mo Da ɛ, nye ejala le esyɛhle sa ndɨ ozyɛhozyɛh ɛ!»

Yʉanes 10:4

É jɔʼ nye óbe si pyɛl byaa bye bibyɛh kʉl ɨ, nye mʉr tɨʼ ó lé ecyɛb bye zi dolo, bɨntœme byɛɛ lé edu nye, ebe, byé egʉa ecel le.

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

Yʉanes 10:14

Me ó mpaŋ kobla bɨntœme. Mpʉ Sɔŋ wam lé egʉa me e, me egʉa nye. Ebe no ó me lé egʉa bɨntœme byam, bɨntœme byam gʉa me e. Me edwè, jala e bɨntœme byam byaa.

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

Mɨngwiha 7:17

ebe, Ma Ntœme ndɨ teme dia taʼa ɛ, nye ó ndɨ ekoblo daa e bɨntœme le, lé eto e bye é l'eno, gumo modibe mo tiʼ lé esah ɛ. Zyɛm ótin be myɛɛle mɨmɛh é mih.»

Rôm 8:30

Baa nye a bɛa tiile é leme ó, bé ópɛhɔ ɛ, bé ó nye a jebe e. Baa nye a jebe e, bé ó nye a dwe mokebe é mih me e. Bʉr nye a dwe mokebe e, bé nteme ó nye a kab kum we e.

Yʉanes 6:45

Ogwiha o mɨlɔb, bé a tile é Kalara Zyɛm ó: “Zyɛm ó ngo yeʼle bɨbɛh.” Me elɛɛ ó, mʉr nyiwɛh ójoʼo Zyɛm Sɔŋ, le ejwɨʼ sikʉlʉ nye lé edwe e, nye óze boo me.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Filipi 4:3

No ó, gwɔɔ mpaŋ mʉr nwan yam! Me ejwɨʼla nteme e go ó, go toʼ, to kɛm bʉba onɨ, ó bé diʼe twii, ebe, bé ó bʉr o bɨh e boo nɔɔ ndɨ é l'empomo e syɛɛ egwar ɨ, bé e Kelemaŋ ndwe e bʉʉ bʉr. Mie mɔɔ, mé ó mɨtila é kalara tiʼ tʉŋlʉ.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

1 Korɛnt 16:9

Ebe, mpaŋ jɔʼ, yi pyal me ó, me sea bwaʼbwaʼ syɛɛ e buobuo nkul, dam ka be buobuo bʉr o ndɨ esa me mongan ɨ.

Yʉanes 10:9

Me ó ebe. Mʉr nyiwɛh lé eni é me e, nye óbi tiʼ molu mo mpoʼ mɨmɛh. Nye óni-ni lé ecwɨɨ é l'ebe, bâʼle pyal-pyal kʉl. Nye ókœb mode me.

1 Yʉanes 4:6

No ó, bɨna ga bɛɛ, bé ó baa mo Zyɛm. Mʉr lé egʉa Zyɛm ɨ, nye ó ndɨ esa bɨna ga mojoʼo. Mʉr ndɨ abe waa mo Zyɛm ɨ, nyɛɛ, nye ákwoʼ joʼo bɨna ga. É mbi waa ó bɨna ndɨ e nkul egʉa ga mbɛʼ paʼra Sisim Ocyecye bé e sisim mpʉl ɨ.

3 Yʉanes 1:14

Me ebuʼla ó, me mu ó kunokuno le eze bee go. Bɨna bé ólwibla, lé ebɛɛla mompom.