Yʉanes 10:25 - Kálara Zyɛ̌m Edwán é mpʉ̌n

²⁵ Yesʉs, nye e be ó: «Me a si bɛa lɛɛ bɨn ya, bɨn bɛɛ l'abuʼla. Bɨsyɛɛla me lé esa é nkul die mo Sɔŋ wam ɨ, byé ó ndɨ eboʼlo mbi mʉr me ndɨ ɨ.

Kálar Nzyɛ̌m : Ejwán é Sáá

²⁵ Yésʉs, nye e bé ó: «Me á si boo lɛ́ɛ bɨ̌n. Sâ gwár, bɨ̌n bé abûʼla. Bisyɛ́ɛla mé dí esâ e nkul me Sɔ́ŋ wǎm bí, byé ó dí elɛ̂ʼlě mbi mʉ̂r mé dí wɨ́.

Yʉanes 10:25 ပူးပေါင်းရင်းမြစ်များ

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

Yʉanes 8:58

Yesʉs, nye e be ó: «Me elɛɛ bɨn cyecye ó nɛɛ: Abraham l'apa be, Me-ó-tɨ.»

Yʉanes 14:11

Buʼla ga me é jɔʼ me lé elɛɛ ó: “Me ó é zyɛŋa wih boo Sɔŋ wam; Sɔŋ wam, nye etiʼe ó, é me” e. Yé be ó, bɨn bé abuʼla lɔɔ wam waa nɛʼɛ, buʼla ga be ebe bɨsyɛɛla byam.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Yʉanes 20:30

Yesʉs a be ó si sa byʉʉ bɨdweʼle bɨ nkul we é buobuo é mih mo ompʉn be. Bibyɛh, byé abe tila é kalara nwa.

Yʉanes 12:37

Dam be ó Yesʉs a si bul sa bɨdweʼle bɨ nkul we é mih mɔɔ, oYʉden, bé a baajyɛʼ taa buʼo yɔɔ boo nye.

Yʉanes 11:47

OFarizyɛŋ bé e l'ojwɨɨ be opara ze gwɨhla é Bʉm Nɨnɨ yɔɔ. Bé ó: «Bɨna bé ósa ga nyá ɛ? Ebe, mʉr nɨ, nyi bul sa bɨdweʼle bɨ nkul we.

Yʉanes 10:32

Yesʉs, nye e be ó: «Me a si lɛʼle bɨn buobuo mɨmpaŋ bɨsyɛɛla Sɔŋ wam a lɛɛ ó, me saʼ ɛ. Lɛŋɨ ga me: bɨn lumo me mokoʼ ebe yaa yáa?»

Yʉanes 8:24

Ebe no, me elɛɛ bɨn ó nɛɛ: “Bɨn bé ójala e mɨsyem min” ɨ. ǃBɨn si bene lé ebuʼla ó, mɛm ó ndɨ Me-ó-tɨʼ nɛʼɛ, bɨn bé ókʉ jala e mɨsyem min!»

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

Yʉanes 7:31

É ntuntuma bʉr nɨ, buobuo bʉr, bé a be ó si jyɛʼ taa buʼo yɔɔ boo nye. Bé ó: «É jɔʼ Lœma mulo mo Zyɛm óze e, zê nye óbe ó e nkul elaa mʉr nwaʼ lé esa bɨdweʼle bɨ nkul we ɛ?»

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Mɨlʉmlʉ 2:22

«Mbɛngɛɛ! Bɨn bwa b'Ɨzraɛl ɔɔ! Zyɛm a be ó si bɨlan e Yesʉs, mʉr Nazarɛt, lé esa mosima e bɨsa bɨ jehe ndwe e bɨdweʼle bɨ nkul we é mih mɨn. Zyɛm a sa bɨsyɛɛla byaa é mobo me no ó, nye nkʉʼ lɛʼle bɨn mbi mʉr Yesʉs a be e. Bɨn bé ekʉ gʉa no.

Yʉanes 8:56

Sɔŋ win Abraham a be ó si soho lé ejoʼo ó, nye óbee dobo epyal lam. Nye a si bana bee le, nye kʉ ze soho.»

Yʉanes 10:37

ǃMe baasa bɨsyɛɛla mo Sɔŋ wam nɛʼɛ, abuʼla ga me.