Yʉanes 10:14 - Kálara Zyɛ̌m Edwán é mpʉ̌n

^14-15 Me ó mpaŋ kobla bɨntœme. Mpʉ Sɔŋ wam lé egʉa me e, me egʉa nye. Ebe no ó me lé egʉa bɨntœme byam, bɨntœme byam gʉa me e. Me edwè, jala e bɨntœme byam byaa.

Kálar Nzyɛ̌m : Ejwán é Sáá

^14-15 Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm.

Yʉanes 10:14 ပူးပေါင်းရင်းမြစ်များ

Yʉanes 10:27

Bɨntœme byam, byé ejoʼo ecel lam. Me egʉa bye. Byé nteme, byé edu me é koo pihe.

2 Timotɛ 2:19

Dam be no, nkan Zyɛm a cyel ɨ, nye dina ó, lé ecyɛb é nkʉʼʉ. Mokan nye a tile e nkan waa ɛ, mé ó ma: «Da, nye egʉa baa ndɨ baa be e.» Mʉʉ mo tɨ, mé ó: «Mʉr lé etɨʼ bɨr, le elɛɛ ó, nye ó ndɨ waa mo Da ɛ, nye ejala le esyɛhle sa ndɨ ozyɛhozyɛh ɛ!»

Yʉanes 10:11

«Me ó mpaŋ kobla bɨntœme. Mpaŋ kobla bɨntœme, nye edwe tiʼ ye é ziila e bɨntœme bye.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Mɨngwiha 2:2

“Me egʉa lelelele syɛɛ bɨn lé ejaʼra e ye e, ndwe e mbi bɨn lé ejaʼra e mɨtuu ɨ. Me egʉa nteme ó, bɨn bé adihbe osyɛl be ebebe. Bɨn bɨ pahle bʉr o ndɨ elɛɛ ó, bé ó mɨlʉmlʉ mo Zyɛm ɨ, bɛɛ yɛɛ abe mye. Bɨn bɨ dweʼe ó, bé ó baanya-bɨkʉʉŋʉ.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Éfɛsɔs 3:19

Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Yʉanes 17:8

ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Mɨngwiha 2:19

“Me egʉa syɛɛ yiyɛh bɨn lé esea ɛ, le kpɛl yin, le buʼo yin, ndwe e mɨngula bɨn lé esa bʉr ɨ. Me egʉa bihbe win. Bɨsyɛɛla bin byaa, byé mu ó si buo, laa byaa bɨn bé a taare sa-sa ɛ.

Mɨngwiha 2:13

“Me egʉa gumo bɨn lé edi ɨ. Tɨʼ ó ndɨ dia taʼa mo Satan ɨ, bɨn yɛɛ lé eseʼle die lam. Bɨn bé a baakɛla ó, bɨn bé agʉa me, dam be é jɔʼ bé a jʉ Antɨpas ɨ. Bɨn bé a kʉ mɛʼle ó, bɨn bé edwiibɨ die lam. Antɨpas ó ndɨ mpaŋ mboʼla wam, le mʉr ebuʼla. Ebe no ó bé a mɛr nye é l'esama lɨn, jʉŋɔ nye e. Tɨʼ nteme ó ndɨ odia mo Satan.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Mɨngwiha 3:15

“Me egʉa bɨsyɛɛla bin. Me egʉa ó, bɨn bé atala. Bɨn nteme, bé adiʼa é yʉŋ-yʉŋ, mpʉ modibe lé etwaʼ ɛ. A jɨ bee bɨn mu le sa yiʼ, nkʉ yʉʉ!

Mɨngwiha 3:8

“Me egʉa sa bɨn lé esa ɛ. Me egʉa ó, bɨn bé e bwa o nkul. Dam be no, bɨn bé a si bana baʼle lɔɔ wam, asoŋlo me. Dwɛʼa ga: mɨ dib bɨn ebe, abe e mʉr ndɨ e nkul ekamle bɨn lé eni tɨ!

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

Mɨngwiha 3:1

«Tila kalara. Go à cen engles lé edwiile mbɛr Zyɛm ndɨ ɨ Sardɛs ɨ. Lɛŋɨ nye ó: Waa lé emɛr mɨsisim mo Zyɛm tambɛl ndwe e baatwitwɛn tambɛl ɨ, nye elɛɛ ó: “Me egʉa sa yiyɛh go lé esa ɛ. Bʉr bé eseʼle go, lé elɛɔ ó, go ó kublakubla, to kœb ó, gwɔɔ, go ó mpʉ muu!

Yʉanes 10:13

Nye ekpɛɛ ó, ebe, nye esea ó njɨ mɔn. ǃƗ ebebe si pyal é bɨntœme nɛʼɛ, yé alɛɛ nye sɔʼɔ.