Yʉanes 10:11 - Kálara Zyɛ̌m Edwán é mpʉ̌n

¹¹ «Me ó mpaŋ kobla bɨntœme. Mpaŋ kobla bɨntœme, nye edwe tiʼ ye é ziila e bɨntœme bye.

Kálar Nzyɛ̌m : Ejwán é Sáá

¹¹ «Me ó mbɔʼlʉ binteme mpâ. Mbɔʼlʉ binteme mpâ, nye lɨ́ edwě twiʼ yé ɨ́ dilá bínteme byé.

Yʉanes 10:11 ပူးပေါင်းရင်းမြစ်များ

Yʉanes 15:13

Kpɛl ndɨ é bul laŋle bwaʼ ɛ, yé ó yaa mo mʉr lé edwe tiʼ ye é ziila e l'ofo be e.

Mɨngwiha 7:17

ebe, Ma Ntœme ndɨ teme dia taʼa ɛ, nye ó ndɨ ekoblo daa e bɨntœme le, lé eto e bye é l'eno, gumo modibe mo tiʼ lé esah ɛ. Zyɛm ótin be myɛɛle mɨmɛh é mih.»

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Yʉanes 10:2

Waa lé eni é l'ebe e, nye ó ndɨ kobla bɨntœme.