Yʉanes 10:1 - Kálara Zyɛ̌m Edwán é mpʉ̌n

¹ «Me elɛɛ bɨn cyecye ó nɛɛ: waa nyiwɛh ndɨ acwɨɨ é l'ebe e nkal bɨntœme lé eni tɨʼ, waa ndɨ ebula to ntaa ekɔʼ é nko paʼ fih ɨ, nye ó ndɨ ndiblʉ, nkʉ zilngan.

Kálar Nzyɛ̌m : Ejwán é Sáá

¹ «Mě lɛ́ɛ́ bɨ́n lɨ́ otyeetye ó, waá nyɨnyɛ̂h dí anî lɨ́ ebé é nkál binteme, tó ntaǎ kôʼ ɨ́ páʼ swîh nyá, nye ó ndíblʉ̌, nkʉ̂ nzilngǎn.

Yʉanes 10:1 ပူးပေါင်းရင်းမြစ်များ

Mataos 7:15

«Diʼe ga ncye e mɨmpʉmpʉl mɨ ogwiha o mɨlɔb, ebe, bé eze-ze é l'esama lɨn ó e njwɨr é tala tala, nwɨɨla e bɨntœme. To kœb ó, é mɨleme myɔɔ tʉŋlʉ, myé ó mpʉ onkœœ!

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

Ebrœ̂ 5:4

Mʉr, nye abe e nkul egbana dia para, nkʉ duu tɨ. Bʉr o ndɨ ejala e dia yaa ɛ, bé ó njɨ baa Zyɛm a jebe e. Yé ó jwɨʼ gwar mpʉ Zyɛm a taare jebe Arɔn, cyel nye é dia para ɛ.

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

2 Pyɛr 2:1

Molu pihe, mɨmpʉmpʉl mɨ ogwiha o mɨlɔb, myé a si pyal-pyal é l'esama e bʉr mo Zyɛm. É jwɨʼ gwar e gwar yaa ó mɨmpʉmpʉl mɨ oyeʼle, myé ódɨ pyal é l'esama lɨn ɨ. Bé ódwe-dwe bɨsikʉlʉ byɔɔ ó, é mofo, ó bé lɨrɨ buʼo yin. Bé ókɛla buʼo ga yina, le ekɛla ó, bé agʉa Tî ga wina, mʉr a jɛna bwaʼbwaʼ tɔɔ é jɔʼ nye a kʉr be e. Bé ódaʼre ebebe é monyʉl mɔɔ. Ebebe laa, lé ópyal be motwɨra, ntɔʼ dimle be.

1 Pyɛr 1:10

Ogwiha o mɨlɔb, bé a bɛa gwih ó, Zyɛm ólɛʼle bɨn ncwɨncwɨa we, lɛɔ nteme ó, Zyɛm óbana dwe bɨn tiʼ molu mo mpoʼ mɨmɛh. Bé a si saa egʉa mozi nye a be ó, nye ótiʼ bɨn e tɨʼ ɨ, é saa saa, abeɔ.

Rôm 10:15

Yé ndɨ e nkul esa ó, olɛa o lɔɔ Zyɛm beʼ, nkʉ Zyɛm, nye alomo be e? Yé ó mpʉ yé ndɨ tila é Kalara Zyɛm ɨ. Yé ó tila ó: «A mbɨa lé ebee bʉr o ndɨ eze le etuno Mbɨambɨa Lɔɔ ee!»

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Títos 1:11

Yé ekʉ jala ó, go dibla be mɨnʉm. Bé egomlo mɨmbɛr mɨ bʉr é bebebebe zi, ndwe le eyeʼle sa ndɨ ajala ɛ. Bé esa no ó, é l'efu ó, bé biʼe myɛna ndɨ ambɨa ɛ, é zi sikʉlʉ yaa. Yé é bul sa yɛɛ fwon lé ebi myɛna no!

Yʉanes 10:7

Yesʉs a ze bâʼle lɛɛ e be ó: «Me elɛɛ bɨn cyecye ó nɛɛ: me ó ebe e nkal bɨntœme.