Yʉanes 1:51 - Kálara Zyɛ̌m Edwán é mpʉ̌n

⁵¹ Yesʉs ze ko tɨʼ ó: «Me elɛɛ bɨn cyecye ó nɛɛ: bɨn bé óbee jobo lé ebɔa mbɨembɨe e lʉ Mwan mo Mʉr, beengles mo Zyɛm lé ebere le efulo tɨ.»

Kálar Nzyɛ̌m : Ejwán é Sáá

⁵¹ Yésʉs, nye e né ó: «Mě lɛ́ɛ́ bɨ́n lɨ́ otyeetye ó, bɨ̌n bé óbeě jʉ́o lɨ́ ebɔ́a siesíe ɨ́ lʉ̂ Mwân mé Mʉr, beéngeles mé Nzyɛ̌m lɨ́ ebére le esulo tɨ̂.»

Yʉanes 1:51 ပူးပေါင်းရင်းမြစ်များ

Mɨlʉmlʉ 7:56

No ó nye a lɛɛ ó: «Mbe ga: jobo mu ó mbeʼ! Me ebee Mwan mo Mʉr cɨcyel é mbo ejʉm mo Zyɛm!»

Lʉkas 22:43

Nye ze bee engles a duho é jobo kʉ ɨ. Engles waa ze bâʼle dwe nye nkul.

Lʉkas 2:13

Cye e cye yaa, esama e dɔm e beengles ze duho é jobo kʉ, ze kœb engles waa. Bé e boo nɔɔ bɨbɛh ntɔʼ dwiibɨ Zyɛm. Bé ó:

Markus 14:62

Yesʉs ntɔʼ bɨha e nye ó: «Nɔɔɔ, me ó nye! Bɨn bé óbee Mwan mo Mʉr ndindil é nko paʼ mbo ejʉm mo Zyɛm Nkul nyiwɛh. Bɨn bé óbee nye lé eze é nkur tʉŋlʉ.»

Markus 1:10

Jɨh tɨʼ Yesʉs a sil duho é modibe, nye ntɔʼ ze bɨn mih kʉ, bee jobo, yé osi nyɛɛ, le ebee nteme Mbɨambɨa Sisim lé efulo é baaa mpʉ epɨba, ze bebre nye é nyʉl.

Mataos 3:16

Jɨh tɨʼ Yesʉs a kʉ nʉa ndubo, le eduho é modibe, jobo ntɔʼ ze bɔa, nye ntɔʼ bee Mbɨambɨa Sisim mpʉ epɨba, lé efulo é baaa, ze bebre nye é nyʉl.

Mɨlʉmlʉ 10:11

Nye ze bee ó, jobo lé ebɔa, le yʉʉ sɔʼɔ mpʉ bwaʼbwaʼ ndomo lé eduho é jobo kʉ, fulo si é ntiii. Nye a be ó tiila é modumo monâ.

Lʉkas 3:21

É mpʉ ntuntuma bʉr, yé a be si fwal lé eze nʉa ndubo e, Yesʉs nteme a si ze, lé eze nʉa we. Mpʉ nye a be si sil dùŋɔ ɛ, jɨh tɨʼ nye a kʉ sil jwɨʼla e Zyɛm, jobo ntɔʼ ze bɔa,

Mataos 4:11

Pie tɨʼ ó Njwɨɨ moleme a bir nye, laa ɛ. Beengles ze pyal, bé ntɔʼ taare lé esea e Yesʉs.

Mɨngwiha 19:11

Ngbaa le eka be nɛʼɛ, me ze dwɛʼ, bee ó jobo mu ó mbeʼ. Mpaŋa kabala ze pyal tɨ. Mʉr a be é mpaŋa kabala kʉ ɨ, a be e die e mosʉm ó, «Waa ebuʼla», ndwe e «Mʉr ocyecye». Nye etiʼe mɨlɔb le elwimla dɔm ó, é l'ocɨcyel.

Mɨngwiha 4:1

Jɔʼ ze laa ba, me ze bee yʉʉ sa jehe: ebe, lé a be ó mbeʼ é jobo kʉ! Me ntɔʼ joʼo twii efoʼ me a taare joʼo e. Nye a lwib e me ó, mpʉ sebe lé elwɨɨ ɨ. Nye e me ó: «Ntaʼ kaʼ kʉ. Me lɛʼla go bɨsyɛɛla byé ókʉ be é nere-nere ó, byé syɛŋɨ pie tɨʼ ɨ.»

2 Tesalonika 1:7

Yé nteme, yé óbe ó mpaŋ syɛɛla é jɔʼ nye ódwe bɨna ga bɨbɛh egbala pie bɨntɨʼa bin ɨ, ebe, bɨna bé ókʉ gbala ga é jɔʼ Da Yesʉs ónyin, duho é jobo kʉ ɨ. Bé e beengles be, baa ndɨ é lele monkul ɨ, bé ópyal é njʉl siʼe tʉŋlʉ.

Lʉkas 2:9

Nuu engles mo Da ntɔʼ pyal be motwɨra. Moncɛnba mo Da, mé ntɔʼ pan é gumo bé a be e. Bé ntɔʼ taare lé esaʼ é zɔm-zɔm é bʉa.

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Yʉanes 10:1

«Me elɛɛ bɨn cyecye ó nɛɛ: waa nyiwɛh ndɨ acwɨɨ é l'ebe e nkal bɨntœme lé eni tɨʼ, waa ndɨ ebula to ntaa ekɔʼ é nko paʼ fih ɨ, nye ó ndɨ ndiblʉ, nkʉ zilngan.

Lʉkas 22:69

Dam be no, pie jɔʼ yi, Mwan mo Mʉr óka nyin ó “ndindil é nko paʼ mbo ejʉm mo Zyɛm Nkul nyiwɛh.”»

Mataos 25:31

«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.

Yʉ̂d 1:14

Enɔk a be ó mwan mo nura mo Adam. Nye a si gwih mɨlɔb mo Zyɛm lé etiibe e bʉr baa ɛ. Nye a lɛɛ ó: «Paʼ joʼo ga: Da óze ó e mɨsaŋ beengles be mowʉm mo otɔɔyin,

2 Tesalonika 1:9

Bé ósia e bɨntɨʼa. Nye ódimle be. Bé ódim ó njʉmdia e njʉmdia. Bé ócenɔ é l'ejaa, bɛɛ l'aka pyal é mih mo Da Yesʉs. Bé aŋa ka kunbo e gumo nkul e kum we ndɨ ɨ.

Yʉanes 14:12

«Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nye ósa nteme bɨsyɛɛla me lé esa ɛ. Nye nteme ósa byaa ndɨ é laŋle bwaʼ ɛ, ebe, me ebula, to gumo Sɔŋ wam ndɨ ɨ.

Yʉanes 6:47

Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nyi bi tiʼ molu mo mpoʼ mɨmɛh.

Lʉkas 24:4

Mpʉ bé a be mɨleme é mo é zaaama ɛ, bé ka twɨra ó, bʉrʉm oba e mɨkan é pan-pan, kʉ be mpʉ mɨndweh mɨ mpie!

Mataos 26:24

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl!»

Yʉanes 21:18

Me elɛɛ go cyecye ó nɛɛ: é jɔʼ go a be, go dina ma soho e, go mʉr tɨʼ ó b'a tiile-tiile kana go, to nko go a kpɛl ɨ. Sa gwar, é jɔʼ go óbe, go mu si jwɨm ɨ, go óbɨr mobo, mʉr fih ze tiile go kana, to e go nko gwɔɔ ndɨ akpɛl to e.»

Yʉanes 8:51

Me elɛɛ bɨn cyecye ó nɛɛ: ǃɨ mʉr si baʼle lwib yam nɛʼɛ, nye l'aka dwè.»

Yʉanes 6:32

Yesʉs, nye e be ó: «Me elɛɛ bɨn cyecye ó nɛɛ: ntʉʼ Moyiz a dwe bɨn mpaŋ mode mé a duho é jobo kʉ ɨ. Sɔŋ wam ó lé entɨh mpaŋ mode lé eduho é jobo kʉ ɨ,

Yʉanes 3:5

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, apa byɛl mbyɛla modibe e waa Sisim nɛʼɛ, gʉŋa ó, mʉr waa, nye ákwoʼ ni é jwɨ̀ʼa mo Zyɛm.

Yʉanes 16:20

Me elɛɛ bɨn cyecye ó nɛɛ: bɨn bé óbʉ modwe, bʉr o ndɨ egumo e si nwaʼ ɛ, bɛɛ lé esʉna. Bɨn bé óbil myoo. Sa gwar, myoo win waa, wé ólihba ó bɨsʉhʉ.

Yʉanes 13:16

Me elɛɛ bɨn cyecye ó nɛɛ: syɛl mosa álaa masa we é duu; mwa mɨlʉmlʉ alaa mʉr lomo nye e.

Yʉanes 10:7

Yesʉs a ze bâʼle lɛɛ e be ó: «Me elɛɛ bɨn cyecye ó nɛɛ: me ó ebe e nkal bɨntœme.

Yʉanes 6:53

Yesʉs, nye e be ó: «Me elɛɛ bɨn cyecye ó nɛɛ: ǃɨ mʉr baade bɨpuno bɨ Mwan mo Mʉr le ebɛble motié me nɛʼɛ, gʉŋa ó, nyiha mʉr, nyi fib tiʼ molu mo mpoʼ mɨmɛh.

Yʉanes 5:27

Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.

Yʉanes 5:19

Ebe no ó Yesʉs a bâʼle nʉa lwib, lɛɛ e be ó: «Me elɛɛ bɨn cyecye ó nɛɛ: Mwan mo Zyɛm, nye abe lé esa yʉʉ sɔʼɔ e nkul we nye mʉr tɨ. Nye esa ó, njɨ syɛɛla nye lé ebɛa bee Sɔŋ we lé esa ɛ, ebe, syɛɛla yiyɛh Zyɛm Sɔŋ lé esa ɛ, yé nteme ó Mwan mo Zyɛm lé esa ɛ,

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Mataos 9:6

Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ntɔʼ ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go toʼ kwar go.»

Mataos 8:20

Yesʉs ntɔʼ bɨha e nye ó: «Onyamosʉʼ, bé ó e mokul; bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.»

Yʉanes 16:23

«É jɔʼ moho waa, wé ópyal ɨ, bɨn bé aŋa ka dî me yʉʉ sɔʼɔ. Me elɛɛ bɨn cyecye ó nɛɛ: Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Yʉanes 13:38

Yesʉs, nye e nye ó: «Gwɔɔ lɛɛ ó, go e nkul ekʉ bir tiʼ yo é l'efu lam ɨ? Me elɛɛ go cyecye ó nɛɛ: gwɔɔ, zʉm kuo l'apa kwaʼle, go ókɛla bɨjɔʼ bɨlɛl ó, go agʉa me!»

Yʉanes 8:58

Yesʉs, nye e be ó: «Me elɛɛ bɨn cyecye ó nɛɛ: Abraham l'apa be, Me-ó-tɨ.»

Yʉanes 8:34

Yesʉs, nye e be ó: «Me elɛɛ bɨn cyecye ó nɛɛ: mʉr nyiwɛh lé esa syem ɨ, nye ó elʉa mo Syem.

Yʉanes 6:26

Nye ze bɨha e be ó: «Me elɛɛ bɨn cyecye ó nɛɛ: bɨn bé esaa me ó, ebe, bɨn bé a si de bler, díle. Bɨn bé asaa me ebe bɨdweʼle bɨ nkul wam bɨn bé a bee e.

Yʉanes 1:50

Yesʉs ze dî e nye ó: «Zê go lé ejyɛʼ taa buʼo yo boo me ó, ebe, me be si lɛɛ e go ó, me si bee go é bene yʉʉ lɨ figye ɛ? Go óbâʼle bee bɨsa bɨnɨnɨ, laa yinɨ!»