Yʉanes 1:41 - Kálara Zyɛ̌m Edwán é mpʉ̌n

⁴¹ No ó, mʉr efoʼ Andreas a taare to kœb ɨ, a be ó tʉl we Simɔn. Nye e nye ó: «Bɨh bɨ bee waa ndɨ Messie ɨ!» (No yé edwirɔ ó: «Lœma mulo mo Zyɛm».)

Kálar Nzyɛ̌m : Ejwán é Sáá

⁴¹ Nó ó, mʉr esôʼ André á nyɛɛ to kœb nyá, á be ó mɨ́ɔɔ́ wé, Simon. Nye e né ó: «Bɨ̌h bɨ́ kœ̌b Mesî!» (Njɨ́blɨ́ waá, wé páʼlɔ́ɔ́ ó: “Krîst: Mʉ̌r Nzyɛ̌m á lœm múló mé jwɨ́ɨ nyá.”)

Yʉanes 1:41 ပူးပေါင်းရင်းမြစ်များ

Yʉanes 4:25

Mʉma, nye e nye ó: «Me egʉa ó, waa ndɨ Messie ɨ, óze—no, yé ó waa ndɨ ejebɔ ó, Krɨst: Lœma mulo mo Zyɛm ɨ. É jɔʼ nye óze e, nye ógʉa yeʼle bɨna ga bɨsa bɨnɨ bibyɛh.»

Yʉanes 1:45

Pie tɨ, Filip ze to bee Natanaɛl. Nye e nye ó: «Bɨh bɨ bee mʉr lɔb we ndɨ tila é motie mo Moyiz, waa ogwiha o mɨlɔb, bé a tile, tiibe e nye e! Mʉr waa, nye ó Yesʉs, mwan mo Yoseb, mʉr Nazarɛt!»

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Lʉkas 2:38

No ó, é jɔʼ gwar yaa, mpʉ Simeɔn a be lé elwib ɨ, Ana ntɔʼ dihle, ze dwiibɨ Zyɛm, ze lwib e bʉr o bé e boo nɔɔ bé a di-di ɨ. Bé nteme, bé a si bono mʉr ókʉr bʉr o Yerʉsalɛm ɨ. Nye ze lɛɛ bʉr baa bɨbɛh sa yé a tiibe e mwan wɔɔ ɛ.

Lʉkas 2:17

É jɔʼ okobla o bɨntœme, bé a bee be e, bé ze taŋle be mokan mɨmɛh beengles bé a lɛɛ be, tiibe e mwan waa ɛ.

Mɨlʉmlʉ 4:27

Obuʼla ze ko tɨʼ ó: «Mpʉ yaa nteme ó yé a ka fuʼla ɛ! Ebe, yé cyecye ó, njwɨɨbʉr Erod Antɨpas bé e ngoman Pɔŋtos Pilat, bé a si syɛŋa é nkana yi, bé e bwa b'Ɨzraɛl, ndwe e bʉr o ndɨ abe oYʉden ɨ. Bɨbɛh, bé a si di bʉm, bònɔ pɨʼ ó, bé lwimla ó e syɛl mosa go Yesʉs, Mʉr ndɨ ti, waa go a lœm mulo e.

1 Yʉanes 1:3

Sa bɨh bé a bee e mih mɨh, joʼo e mogwal mɨh ɨ, yé ó bɨh lé etuno bɨn nteme, é mbi ndɨ ó, bɨna nkʉʼ di ga é zyɛŋa-mɨleme. Zyɛŋa bɨna bé ósyɛŋa ga ɛ, nye óbe ó é zyɛŋa ga wina boo Zyɛm Sɔŋ bé e Mwan we Yesʉs-Krɨst.

Mataos 1:23

«Ndu esehe e mʉma, wé ónʉa ebum, bya ma mʉrʉm. Bé ójwɨr nye die ó “Emmanuel”.» No yé edwirɔ ó: «Zyɛm, nye e bɨna ga.»