Yʉanes 1:4 - Kálara Zyɛ̌m Edwán é mpʉ̌n

⁴ Tiʼ, yé a be ó é Lwib. Tiʼ yaa, yé ó b'a pɛn myɛn é bʉr.

Kálar Nzyɛ̌m : Ejwán é Sáá

⁴ Twiʼ, yé á be ó ɨ́ Lwǐb. Twiʼ yaá, yé ó b'á be njʉl wé á pan myɛ́n ɨ́ bʉr wɨ́.

Yʉanes 1:4 ပူးပေါင်းရင်းမြစ်များ

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

Yʉanes 12:46

Me a ze kaʼ é si nwaʼ ó, me pɛnɨ bʉr myɛn, ó mʉr nyiwɛh lé ejyɛʼ taa buʼo ye boo me e, nkʉʼ duho é l'edurʉ, to é myɛn ɔɔ!»

Yʉanes 5:26

ebe, jwɨʼ gwar e gwar é mbi Zyɛm Sɔŋ ndɨ e tiʼ njʉmdia é nye mʉr tɨʼ tʉŋlʉ ɨ, no nteme ó nye a sa ó, Mwan mo Zyɛm diʼe e tiʼ yaa ɛ.

Yʉanes 9:5

Cye me dina é si nwaʼ ɛ, me ó sa lé epɛn myɛn é bʉr bɨbɛh ɛ.»

Yʉanes 11:25

Yesʉs, nye e nye ó: «Me ó waa lé epɛ̀h bʉr é mofoo, dwe be tiʼ molu mo mpoʼ mɨmɛh ɛ. Mʉr lé ejyɛʼ taa buʼo ye boo me e, nye dam dwè, nye óbâʼle tiʼe.

1 Yʉanes 5:11

Mboʼla mo Zyɛm waa, wé ó wi: Zyɛm a be ó si dwe bɨna ga tiʼ molu mo mpoʼ mɨmɛh. Tiʼ yaa, yé ó é Mwan we tʉŋlʉ.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 12:35

Yesʉs, nye e be ó: «Njʉl, wé dina ó, lé epɛn myɛn bɨn ye tɔɔ ma jɔʼ. Kœʼœ ga é jɔʼ njʉl waa dina lé epɛn myɛn ɨ, ebe, edurʉ, lé amu jaa mara bɨn, ebe, mʉr lé eto le entime é l'edurʉ ɨ, nye agʉa nko nye lé eto e.

Éfɛsɔs 5:14

ebe, sa yiyɛh myɛn lé ekʉn ɨ, yé mu ó lé epan mɨmbah. Ebe no ó bé lé elɛɛ ó: «Gwɔɔ mʉr ndɨ é dwo e, jɨma. Pàha é foo. Krɨst pana go mɨmbah, gba go é myɛn tʉŋlʉ.»

Mataos 4:16

Baa b'a taare be é l'edurʉ ɨ, bɨ bee bwaʼbwaʼ myɛn! Bʉr o b'a di-di é ka foo e, bé mu ó é myɛn!»

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

Mɨlʉmlʉ 26:23

No ó, yé a be ó, Lœma mulo mo Zyɛm ótaare sia e mɨtuu. Nye ó ngo be ndwè efoʼ ótaare pàh é foo e. Pie tɨ, nye óka cen kul ga yina, bé e bɨkul bɨfih mompaŋla é lɔb myɛn tiʼ.»

Lʉkas 2:32

Mwan nwa, nye óbe ó myɛn wé ókʉn bʉr o bɨkul bɨfih ó, byé gʉŋa go e. Bʉr bo, bwa b'Ɨzraɛl, bé óbul seʼlɔ ebe nye.»

1 Yʉanes 1:2

—ebe, Etin e tiʼ laa, lé a si kʉ nyin é si nwa. Bɨh bɨ bee nye, bɨh ntɔʼ taare lé eboʼlo mboʼla lé etiibe e mʉr waa ɛ. Ebe no ó bɨh lé eze gʉʼ bɨn ye e tuno lé etiibe e mʉr ndɨ edwe bɨna ga tiʼ molu mo mpoʼ mɨmɛh ɛ. Bé e Zyɛm Sɔŋ ó b'a be. Nyi ze nyin é si nwa.

Yʉanes 5:21

ebe, jwɨʼ gwar mpʉ Sɔŋ lé epɛ̀h bʉr é mofoo, dwe be tiʼ ɨ, no nteme ó Mwan mo Zyɛm ótiʼ baa nye lé ekpɛl ɨ.

Mɨngwiha 22:16

«Mɛm, Yesʉs, me a be ó si lomlo bɨn engles wam ó, nye ntaʼ, ze boʼlo bɨn mɨlɔb lé etiibe e mɨmbɛr mɨ Zyɛm ɨ. Mɛm, me ó mʉr a byɛl mpʉ ntoʼdu, waa ndɨ mʉr mpoŋbʉr mo David ɨ. Me nteme ó ndɨ atwitwɛn molama mo mɛn.»

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Yʉanes 3:19

«Mobe maa, mé ódweŋɔ ó, ebe, myɛn, wi ze pan, ze pyal é si nwa. Bʉr bɛɛ bula kpɛl edurʉ, laa myɛn, ebe, bɨsyɛɛla byɔɔ, byé é bebe.

1 Yʉanes 1:1

Lɔɔ bɨh lé elɛɛ bɨn ɨ, wé etiibe ó, e Lwib, waa mu lé edwe bɨn tiʼ molu mo mpoʼ mɨmɛh ɛ. Nye a bɛa ó be, duho é l'etɔɔrʉ. Bɨh bé a si joʼo twii we, bee nteme nye e mih mɨh. Nye ó mʉr bɨh bé a siŋle, waa mobo mɨh, mé a bobo e