Yʉanes 1:39 - Kálara Zyɛ̌m Edwán é mpʉ̌n

³⁹ Yesʉs, nye e be ó: «Ntaʼ ga, bɨn bé òbee.» No ó ompʉn baa, bé a to, to bee gumo Yesʉs a di-di ɨ. Bé ntɔʼ lɛŋ moho waa, bé e boo nɔɔ. (Yé a be ó, yé mu lé eto saa mowala monâ mo bii kʉʼ.)

Kálar Nzyɛ̌m : Ejwán é Sáá

³⁹ Yésʉs, nye e bé ó: «Ntáʼ gá bé kâ. Bɨ̌n a nzé bee.» Nó ó ómpʉ́n baá, bé á tô, nzě beě gúmó Yésʉs á didi yɨ́. Bé ntɔ̂ʼ lɛ̌ŋ móhó waá, bé le onɔ́ɔ́. (Yé á be ó, yé mû mewala menâ mé bíí kʉ̌ʼ.)

Yʉanes 1:39 ပူးပေါင်းရင်းမြစ်များ

Lʉkas 24:29

Bé e nye ó: «Bɨna diʼe ga wâ. Dobo mu ó lé elɨŋa. Edurʉ, lé mu ó lé emara bɨna ga!» Mpʉ bé a yɨm nye e, nye ntɔʼ fuo mɛʼle. Bé e boo nɔɔ ze ni mbɛr.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 4:40

É jɔʼ bé a ze nko Yesʉs a be e, bé ze jwɨʼla e nye ó, bé e boo nɔɔ diʼe Sukar. Yesʉs ze ja tɨʼ molu moba.

Yʉanes 1:46

Natanaɛl, nye e Filip ó: «Zê Kalara Zyɛm, nye elɛɛ ó, yʉʉ mpaŋ sɔʼɔ, yé ó e nkul eduho Nazarɛt ɛ?» Filip, nye e nye ó: «Ntaʼ, ze bee.»

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

Yʉanes 1:38

Yesʉs ze dwibra. ǃNye ka dwɛʼ pihe nɛʼɛ, bee be lé edu nye. Nye ze dî e be ó: «Bɨn bé esaa yé?» Bé e nye ó: «Gumo go lé edi ɨ, Rabbi!» (No yé edwirɔ ó: «Yeʼle».)

Yʉanes 1:40

Nuu mpʉn é sama ompʉn oba bé a joʼlo lɔɔ mo Yʉanes, le edu Yesʉs ɨ, a be ó ncyom mo Simɔn Pyɛr, die le Andreas.