Yʉanes 1:34 - Kálara Zyɛ̌m Edwán é mpʉ̌n

³⁴ Mɨ bana bee no. No ó me lé eboʼlo ó: “Mʉr nwa, nye ó bana kʉ be Mwan mo Zyɛm” ɨ.»

Kálar Nzyɛ̌m : Ejwán é Sáá

³⁴ Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Yʉanes 1:34 ပူးပေါင်းရင်းမြစ်များ

Yʉanes 1:49

Natanaɛl, nye e nye ó: «Yeʼle, go ó bana kʉ be Mwan mo Zyɛm cyecye! Go ó ndɨ njwɨɨbʉr lal Ɨzraɛl!»

Mataos 4:3

Satan ze pyal gumo Yesʉs a be e. Nye e nye ó: «Yé be ó, go ó Mwan mo Zyɛm nɛʼɛ, lɛŋɨ mokoʼ maʼ ó, mé lihba bɨbler.»

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Mɨngwiha 2:18

«Tila kalara. Go à cen engles lé edwiile mbɛr Zyɛm ndɨ ɨ Tiatir ɨ. Lɛŋɨ nye ó: Lɔɔ wi, wé eduho ó, é nʉm Mwan mo Zyɛm. Mih me, mé ó mpʉ njʉl siʼe; mokʉ me, mpʉ nkoho lé ebul pan ɨ. Nye e bɨn ó:

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

1 Yʉanes 4:9

Mpʉ Zyɛm a lɛʼle kpɛl ye é sama ga yina ó yi: nye a si ntɨh bɨna ga Etiʼe e Mwan le é si nwa, ó bɨna nkʉʼ bi tiʼ molu mo mpoʼ mɨmɛh dumo e nye.

1 Yʉanes 3:8

Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.

1 Yʉanes 2:23

Mʉr ndɨ ekɛla ó, Yesʉs, nye abe Mwan mo Zyɛm ɨ, bé e Zyɛm Sɔŋ, bé abe nkɔm mpwar. To kœb ó, waa lé elɛɛ ó, Yesʉs, nye ó Mwan mo Zyɛm ɨ, nyiha bé e Zyɛm Sɔŋ, ndwe e Mwan mo Zyɛm, bé ó nkɔm mpwar.

2 Korɛnt 1:19

ebe, Mwan mo Zyɛm—no yé ó Yesʉs-Krɨst—a baabe lé elɛɛ ó «Eee!» ndwe e «Hɨʼɨ!» Lwib ye, yé a bɛa be ó njɨ «Eee!» Nye ó mʉr mpaŋla we bɨh e Silas ndwe e Timote bé a cen bɨn ɨ.

Yʉanes 19:7

OYʉden, bé e nye ó: «Bɨh bé edu lʉʉ etie ndɨ elɛɛ ó, bɨh jʉʼo mbi mʉr we, ebe, nye a be ó si bana lɛɛ ó, nye ó Mwan mo Zyɛm.»

Yʉanes 11:27

Nye e nye ó: «Da, me ekʉ gʉa no. Mɨ buʼla ó, go ó ndɨ Lœma mulo mo Zyɛm le Mwan mo Zyɛm, mʉr a be ó, nye óze kaʼ é si nwaʼ ɛ.»

Yʉanes 10:36

A, ebe yé bɨn lé elɛɛ ó, me epyeh nye e? Zê yé ó, ebe, me si gwih bɨn ó, me ó Mwan we ɛ? Me ó kʉ be waa Zyɛm Sɔŋ a pɛh, ntɨh kaʼ é si nwaʼ ɛ.

Markus 1:1

Etɛɛrɨ e Mbɨambɨa Lɔɔ lé etiibe e Yesʉs-Krɨst, [Mwan mo Zyɛm] ɨ.

Mataos 27:54

Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

Mataos 27:43

Nye ejyɛʼ taa buʼo ye boo Zyɛm. Yé be ó, Zyɛm dina lé ekpɛl nye nɛʼɛ, nye kaʼ syɛb nye é l'ebebe lɨʼ é bananaʼ ʉʉ, ebe, nye a lɛɛ-lɛɛ nteme ó, nye ó Mwan mo Zyɛm!»

Mataos 27:40

le elɛɔ e nye ó: «Gwɔɔ, mʉr a lɛɛ ó, go ógbɛɛ Odia mo Zyɛm, ntɔʼ bâʼle fumo we njɨ é molu molɛl ɨ, kaʼ tiʼ go mʉr tɨʼ ʉʉ! Yé be ó, go ó Mwan mo Zyɛm cyecye nɛʼɛ, paʼ kʉ fulo é klos nɨ si ʉʉ!»

Mataos 26:63

Yesʉs a kʉ ka di ó njɨ é titil. No ó njwɨɨ opara a ze lɛɛ e nye ó: «Me egwii go mofoo é die mo Zyɛm ndɨ kublakubla ɛ, ó go lɛŋɨ bɨh nkʉ go ó Lœma mulo mo Zyɛm le Mwan mo Zyɛm.»

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

Ebrœ̂ 7:3

Yé abe e mʉr ndɨ egʉa sɔŋ nkʉ nyɔŋ mo Mɛlkisedɛk. Abe e mʉr a be e nkul eláa ntan ye. Mʉr, nye agʉa mpʉ Mɛlkisedɛk a byɛl ɨ, agʉa nteme nkʉ nye a si ka dwè. É paʼ waa, nye enwɨɨla ó e Mwan mo Zyɛm. Nye ó é dia para ye njʉmdia e njʉmdia.

Lʉkas 3:22

Mbɨambɨa Sisim ze fulo nye é nyʉl é baaa, mpʉ epɨba. Twii ze duho é jobo kʉ, lé elɛɛ ó: «Go ó mwan kpɛl wam. Me ekʉ mɨɨla e go.»

Lʉkas 1:35

No ó engles a ze bɨha e nye ó: «Yé óbe ó: Mbɨambɨa Sisim ó ngo fulo é go. Go óduʼbo si nkul mo Zyɛm ndɨ Lʉ bɨsa bibyɛh ɛ. Ebe no ó mwan go óbya ɛ, nye óbe ó ti. Nye ójebɔ ó, Mwan mo Zyɛm.

Markus 1:11

Twii ze duho é jobo kʉ lé elɛɛ ó: «Go ó mwan kpɛl wam! Me ekʉ mɨɨla e go.»

Mataos 16:16

Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Mataos 8:29

Bé ntɔʼ lɛɛ okʉkʉ ó: «Mwan mo Zyɛm, go esaa yé e bɨh wâ? Zê go lé eze kab bɨh bɨntɨʼa é jɔʼ etiʼ e mɨlɔb l'apa pyal ɨ?»

Mataos 4:6

Nye e nye ó: «Yé be ó, go ó Mwan mo Zyɛm wa, lyaha, to cyɛb si, ebe, yé ó tila é Kalara Zyɛm ó: “Zyɛm ótiile beengles be etie é lɔb go. Bé ónkɛɛ go e mobo mɔɔ é l'efu ó, kʉ nkʉʼ be, agʉra é l'ekoʼ.”»

Mataos 3:17

Pie tɨ, nye ntɔʼ joʼo twii lé eduho é jobo kʉ, lé elɛɛ ó: «Nwaʼ, nye ó mwan kpɛl wam. Sʉhʉ yam yiyɛh, yé ó é nye.»

Yʉanes 20:28

Tomas ze lɛɛ e nye ó: «Go ó Tî wam ndwe e Zyɛm wam!»

Yʉanes 10:30

Bɨh e Sɔŋ wam, bé ó sa gwar.»

Yʉanes 6:69

Banana, bɨh bɨ buʼla le egʉa é kpɛhla ó, go ó ndɨ Mʉr mo Zyɛm ndɨ ti ɨ!»

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.