Yʉanes 1:29 - Kálara Zyɛ̌m Edwán é mpʉ̌n

²⁹ É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Kálar Nzyɛ̌m : Ejwán é Sáá

²⁹ Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Yʉanes 1:29 ပူးပေါင်းရင်းမြစ်များ

1 Yʉanes 2:2

Ebe, Yesʉs-Krɨst, nye ó mʉr a dwè, jala e mɨsyem ga mina, efie le laa, lé ó ngo leʼe empime mo Zyɛm. Abe njɨ mɨsyem ga mina, myé ome. Nye a dwè ó, jala e bʉr o si nwaʼ nyiwɛh!

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

1 Pyɛr 1:19

Bɨn bé a dwihɔ é mozi maa ó, ebe motié mo Yesʉs-Krɨst, ndwɛa ndɨ é buo dime e. Yesʉs-Krɨst a be ó mpʉ ma ntœme ndɨ abe e sa ebebe bé a ngbaa nwahle nye e tɨ, nkʉ e l'ebar.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Mɨngwiha 6:1

Me ze dwɛʼ, bee Ma Ntœme lé ebʉ luʼ efoʼ a ŋmɛhɔ sitam ɨ, paʼra oluʼ tambɛl baa. É jɔʼ yaa, guu kublakubla sɔʼɔ é mɨkubla bɨsɔʼɔ mɨnâ myaa, wé a si lwib lé eyɨm twii. Twii we a jwɨ̂ʼ mpʉ sa cɨŋɔ ó, yé ó mpâm nkɛl-jobo, é kaaa. Nye ó: «Ntaʼ!»

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Yʉanes 1:36

É jɔʼ nye a bee Yesʉs lé elaa ɛ, nye ze bâʼle lɛɛ ó: «Mbe ga: Ma Ntœme mo Zyɛm ó nwa!»

Mɨngwiha 7:17

ebe, Ma Ntœme ndɨ teme dia taʼa ɛ, nye ó ndɨ ekoblo daa e bɨntœme le, lé eto e bye é l'eno, gumo modibe mo tiʼ lé esah ɛ. Zyɛm ótin be myɛɛle mɨmɛh é mih.»

Mɨlʉmlʉ 8:32

Tina, yé ó, é peh Kalara Zyɛm nye a láa-láa ɛ, yé a be tila ó: «Nye a di ó mpʉ ntœme mu lé eto tiʼɔ ɛ. Nye a be ó mpʉ ma ntœme di-di é puuu é jɔʼ bé lé ecwɨa nye mye e. Nye a be ó, abɛɛ nʉm.

Mɨngwiha 17:14

Bé ólʉo dɔm e Ma Ntœme, Ma Ntœme nyɛɛ lé entaa be é nkul dɔm, ebe, nye ó ndɨ Tî otî le Njwɨɨ ojwɨɨ. Bʉr o bé e boo nɔɔ lé entaa, bula e l'esaa é koo e, bé ó baa nye a jebe, le epɛh ɛ. Bé nteme, bé ó bʉr be ebuʼla.»

Mɨngwiha 15:3

jɛɔ jɛɛ mo Moyiz, syɛl mosa mo Zyɛm. Jɛɛ yaa nteme, yé ó yaa mo Ma Ntœme. Bé a jɛɛ ó: «Da Zyɛm Nkul nyiwɛh! Bɨsyɛɛla byo, byé é laŋle bwaʼ. Ndwe nteme, byé ó bɨsa bɨ jehe. Mozi mo mɨmɛh, mé ó ocɨcyel. Mé ó maa mo ocyecye. Ndwe nteme, go ó Njwɨɨbʉr lé ekœʼ e bɨkul bibyɛh ɛ.

Mɨngwiha 14:1

Ngbaa le eka be, me ka bee nɛʼɛ, bee Ma Ntœme lé ecyɛb é l'ecwɨʼ e Sion ɨ. Nye a be nteme ó e bʉr otɔɔyin nter e l'otɔɔyin mowʉm monâ e l'otɔɔyin onâ (144 000). Bé a bɛa cɨmɔ é bɨnceʼe ó, die mo Ma Ntœme bé e laa mo Zyɛm Sɔŋ.

Mɨngwiha 7:14

Me e nye ó: «Da, gwɔɔ ó lé egʉa.» No ó nye a lɛɛ me ó: «Bʉr ba, bé ó baa b'a sia e ntɨʼa nɨnɨ pihe e. Bɨ sohlo bɨdur byɔɔ e motié mo Ma Ntœme. Ebe no ó mɨkan myɔɔ ndɨ é puum ɨ.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Mɨngwiha 19:9

No ó engles a lɛɛ e me ó: «Tila: “Mocyɛʼ mo mpom, mé e bʉr o b'a baŋlɔ ó, bé toʼ, to de mode é zɔɔ eba mo Ma Ntœme e.”» Nye ze bâʼle lɛɛ e me ó: «Mokan ma, mé ó kʉ be cyecye. Mé eduho ó, é nʉm mo Zyɛm!»

Mɨngwiha 14:10

nye óbee nteme mpʉ Zyɛm ókpaa empime e nye e. Nye ósia e l'empime laa mpʉ mʉr lé esia e monwoʼ é jɔʼ bé ndɨ ako ba modibe tɨʼ ɨ. Nye óntɨʼ mʉr waa ó e siʼe ndwe e pir. Nye óntɨʼɔ ó, é mih beengles ndɨ mɨsaŋ ɨ, ndwe e maa mo Ma Ntœme.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Mɨngwiha 19:7

Bɨna soha ga é buobuo. Bɨna gumla ga nye, ebe, Ma Ntœme mu ó ze ba mʉma we! Mʉma waa, nyi komlo sa yiyɛh ó, nye bwama.

Mɨngwiha 14:4

Bɨha ó b'a be mɨloʼo myé a baalœʼ monyʉl mɔɔ é zi bɨduo e. Bé a baʼle monyʉl mɔɔ ó, mɨndu, lé esa-sa sɔʼɔ njɨ du Ma Ntœme gumo yiyɛh nye a to-to e. Bé ó baa Zyɛm a kʉr ɨ. Bɛɛ ó ndɨ mpʉ tom wé a pɛʼɔ é si nwa, waa wé a dweŋɔ Zyɛm bé e Ma Ntœme e.

Mɨngwiha 5:8

É jɔʼ nye a nʉa we e, mɨkubla bɨsɔʼɔ mɨnâ myaa, ndwe e l'otamabʉr mowʉm moba e l'onâ baa, ze bɨʼ mompom mɔɔ si é mih mo Ma Ntœme, lé edwiibɨ nye. Mʉr nyiwɛh é sama yɔɔ a be ó e mper é mobo, ndwe e mompele mo gol, mɨmɛh mɨlwɨŋla e ndwam lé eduo e. (Ndwam waa, wé ó dweʼle, sa lé elɛʼle mɨnjwɨʼla mɨsaŋ mɨ bʉr lé esa Zyɛm ɨ.)

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Mɨngwiha 21:9

Nuu engles é sama beengles tambɛl bé a nkɛɛ mompele tambɛl ɨ, ze pyal me. (To kœb ó, mompele maa, mé ó b'a be mɨlwɨŋla e bɨntɨʼa bɨ epihe.) Nye e me ó: «Ncʉʼ. Me lɛʼla go mʉma Ma Ntœme a ba ɛ.»

Mɨngwiha 6:16

Bé a lɛɛ-lɛɛ e mocwɨʼ ndwe e mokoʼ ó: «Duma ga bɨh é monyʉl ɔɔ! Bɨn bé à fol bɨh ɔɔ, ebe, waa ndɨ é dia taʼa ɛ, nye amu jaa bee bɨh. Ndwe nteme, Ma Ntœme amu jaa kpaa empime e bɨh,

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Mɨngwiha 21:27

No ó, bɨsa molwaʼbe, byé aŋa ni tɨ. Bʉr o ndɨ esa bɨsyɛɛla Zyɛm lé ebul bene e, bé e mɨmpʉmpʉl, bé ákwoʼ ni nteme tɨ. Bʉr o bé óni tɨʼ ɨ, bé óbe ó njɨ baa b'a bɛa be e mie mɨtila é kalara tiʼ mo Ma Ntœme e.

1 Yʉanes 4:10

Mpaŋ kpɛl, yé abe yaa bɨna lé elɛʼle ga Zyɛm ɨ. Mpaŋ kpɛl, yé ó yaa Zyɛm nyɛɛ a lɛʼle bɨna ga ɛ, ebe, nye a si ntɨh bɨna ga Mwan we. Nye ó mʉr a dwè, jala e mɨsyem ga mina, lé eleʼe empime mo Zyɛm ɨ.

1 Timotɛ 2:6

Nye ó b'a kɛha tiʼ ye lé ejala e mobebe mo bʉr bɨbɛh, le ekʉr be e. No ó, mboʼla waa, wé a lɛɔ ó, njɨ é jɔʼ wé a jala le elɛɔ ɛ.

1 Korɛnt 15:3

Me a be ó si ntɛŋ bɨn lɔɔ me a lɛɔ, waa ndɨ é bwaʼ nyɔm ɨ. Wé ó nɛɛ: Krɨst a si jala e mɨsyem ga mina, mpʉ yé a bɛa be tila é Kalara Zyɛm ɨ.

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Mɨngwiha 5:6

No ó, me ze dwɛʼ, bee ó, mpa yé a be ó Ma Ntœme! Nye a si cyɛb paʼra dia taʼa e mɨkubla bɨsɔʼɔ mɨnâ, ndwe e l'otamabʉr baa. Ma ntœme waa a be ó e bɨpyɛb e bɨbam, bɨsa byé a lɛʼle ó, bé a si kʉ jʉ nye e! Nye a be ó e bɨntoo tambɛl é lʉ. Nye a be nteme ó e mih tambɛl. Mih me, mé ó Mbɨambɨa Sisim ndɨ ti ɨ, waa nye a lomo é si nwaʼ nyiwɛh ɛ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Mataos 1:21

Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

Mɨngwiha 21:14

Bé a si gba mokoʼ ewʉm e moba é pɨpɨm yaa tʉŋlʉ. Bé a be ó si tile mie mɨlʉmlʉ ewʉm e mɨmba Ma Ntœme a kœʼ e mye e, é mokoʼ maa.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Yʉanes 1:35

É mɛn tɨ, Yʉanes a be ó si bâʼle ze gumo yaa, bé e bʉʉ ompʉn be oba.

Yʉanes 1:43

É mɛn tɨ, Yesʉs ze tiʼe é leme we ó, nye ejala le eto é lal Galɨle. Nye ze bee Filip. Nye e nye ó: «Duʼo me.»

Yʉanes 2:1

Molu molɛl, mé osi laa nɛʼɛ, zɔɔ eba ze bwalɔ ɨ kwar Kana é lal Galɨle. Nyɔŋ mo Yesʉs a be ó tɨ.

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»