Yʉanes 1:18 - Kálara Zyɛ̌m Edwán é mpʉ̌n

¹⁸ Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Kálar Nzyɛ̌m : Ejwán é Sáá

¹⁸ Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

Yʉanes 1:18 ပူးပေါင်းရင်းမြစ်များ

Kolosi 1:15

Yesʉs-Krɨst ó ndɨ gulo mo Zyɛm Sɔŋ, mʉr ndɨ abe lé ebeɔ ɛ. Zyɛm a si cyel Mwan we é nkʉŋ efoʼ ndɨ é bul bwaʼ ɛ. Nye ó é cye yaa, é mɨcyea bɨsa bibyɛh kʉ,

Yʉanes 6:46

Yé alɛʼle ó, nuu mʉr a be ó si bee Zyɛm Sɔŋ. Njɨ waa ndɨ waa mo Zyɛm ɨ, ó b'a bee Zyɛm Sɔŋ.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Lʉkas 10:22

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

1 Yʉanes 4:12

Abe e mʉr ndɨ si pa bee Zyɛm. Yé be ó, bɨna bé ekpɛla ga paʼra ga wina nɛʼɛ, lɛɛ ó, Zyɛm, nye etiʼe é zyɛŋa ga wina boo nɔɔ. Nyi sa ó, kpɛl ye, yé kuma é l'ombɨmbɨa é mɨpaʼ mimyɛh.

1 Timotɛ 6:16

Njɨ nye ome ó ndɨ abe e nkul edwè. Nye edi ó, é myɛn tʉŋlʉ, myɛn nuu mʉr ndɨ abe e nkul ekunbo e tɨʼ ɨ. Mʉr ngwar, nye apa bee nye. Mʉr abe e nkul ebee nteme nye. Kum, ndwe e nkul, byé dweŋɔ nye njʉmdia e njʉmdia. Amɛn.

1 Yʉanes 4:9

Mpʉ Zyɛm a lɛʼle kpɛl ye é sama ga yina ó yi: nye a si ntɨh bɨna ga Etiʼe e Mwan le é si nwa, ó bɨna nkʉʼ bi tiʼ molu mo mpoʼ mɨmɛh dumo e nye.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

1 Yʉanes 4:20

Yé be ó, mʉr, nye elɛɛ ó: «Me ekpɛl Zyɛm,» nyɛɛ yɛɛ lé enwim mɨɔ we nɛʼɛ, lɛɛ ó, nye ó kʉ be mpʉmpʉl, ebe, mʉr ndɨ akpɛl mɨɔ we, mʉr nye lé ebee e, nye abe e nkul ekpɛl Zyɛm, waa nye ndɨ abee e.

Yʉanes 17:26

Me a si lɛʼle be mpʉ go ndɨ ɨ. Me nteme óbâʼle lɛʼle be. Ebe no, kpɛl go lé ekpɛl me e, yé óntaa é be, ebe, me mʉr tɨ, me óbe ó é be.»

Yʉanes 17:6

«É bʉr bɨbɛh, go a si pɛh bʉʉ, ze ntɨh me ba. Me ntɔʼ ze sa ó, bé gʉŋa go. Bé a bɛa be ó, bʉr bo, go ze ntɨh me ba. Ebe no nteme ó bé a du lwib yo e.

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 12:41

Ezayi a lwib no ó, é jɔʼ nye a bee moncɛnba mo Lœma mulo mo Zyɛm ɨ. No ó nye a lwib-lwib é lɔb we e.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Yʉanes 13:23

Mpʉ bé a be ondindil lé ede e, nuu mpʉn mo Yesʉs, waa nye a bul kpɛl ɨ, a be ó lé ede kunokuno e nye, lʉ we lé ejyɛʼbe é bɨr ye.

Yʉanes 3:11

Me elɛɛ go cyecye ó nɛɛ: bɨh bé elwib é mɨlɔb bɨh lé egʉa ɛ. Bɨh bé eboʼlo nteme ó, é lɔb sa bɨh a bee e. Sa gwar, bɨn bé akpɛl mɛʼle lɔɔ wih.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.