Yʉanes 1:16 - Kálara Zyɛ̌m Edwán é mpʉ̌n

¹⁶ Bɨh bɨbɛh, bé a be ó si bi embɨa le, ndwe e mpwaʼ ncwɨncwɨa we ndɨ elaa ncwɨncwɨa a taare lɛʼlɔ ɛ.

Kálar Nzyɛ̌m : Ejwán é Sáá

¹⁶ Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Yʉanes 1:16 ပူးပေါင်းရင်းမြစ်များ

Kolosi 1:19

Nye ecyɛb bye efoʼ ó, ebe, Zyɛm a ka bee embɨa é nko paʼ we ó, nye di ntinɨ e ntinɨ ó, é nye.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Éfɛsɔs 3:19

Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Éfɛsɔs 1:23

Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

Rôm 5:17

No, yé ó, é jɔʼ mʉr ngwar nɨ a ntaa etie mo Zyɛm ɨ, Efie, lé a be ó si taare lé ejwɨʼ bʉr bɨbɛh é lɔb mʉr ngwar waa. Sa gwar, Zyɛm, nyi bul lɛʼle bʉr ncwɨncwɨa, laa naa. Bɨna mu ó si bi ga mokebe é mih me, ajɛna sɔʼɔ, le ebi nteme tiʼ molu mo mpoʼ mɨmɛh. Bɨna mu ó lé ecyɛb ga é nkʉʼʉ, apɨŋla é tiʼ yaa, dumo e mʉr ngwar, Yesʉs-Krɨst.

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

Mataos 13:12

Mʉr ndɨ e tɨʼ ɨ, nye óbâʼle bul dweŋɔ, nye nkʉʼ di e bye é ntuʼ-ntu-ntuʼ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Kolosi 2:3

Ocyoo le ngwɨa wiwɛh, bɨn bé ejala le esaa bye ó, é Krɨst tʉŋlʉ, fum byé ndɨ mɨfela ɛ.

Rôm 8:9

Bɨn bɛɛ, bé abe bʉr o ndɨ edu bɨgwɨma bɨ nyʉl bɨpuno win ɨ. Bɨn bɛɛ mu lé ejoʼo ó, njɨ e Mbɨambɨa Sisim, ebe, Sisim waa, wé ó ndɨ é bɨn. ǃƗ mʉr baabe é zyɛŋa wɔɔ boo Sisim mo Krɨst nɛʼɛ, lɛɛ ó, mʉr waa, nye abe mʉr mo Krɨst.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Mataos 3:14

Sa gwar, Yʉanes a si ngbaa taare ebene. Nye e nye ó: «Da, yé ejala ó, gwɔɔ dùʼo me, abe ó, go ntaʼ ó mɛm dùʼo go!»

Mataos 3:11

«Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.